2 MARARATU 21:11 - WUKE SUSI WATTI'U AL᷊AL᷊USASSA

¹¹ “I Ratu Manasye tumaniten dal᷊eo. Pallal᷊agune maddal᷊eoanna wuassu pallal᷊agun taumatan Kanaan. Ringannu manga paal᷊uanna apan nilanginne, i tou naarosa taumatan Yehuda.

2 MARARATU 21:11 Referans Kwoze

1 MARARATU 21:26

I Ahab na'ola'a manga rosa apan lembon maarantinna; i tou massubba paal᷊uanna ere apan a'olaannu taumatan Amori, eteudde manga taumata apan buatte nilimbuaṛṛannu Mawu niapasabbangnga wuassu wanua Kanaan sutempo taumatan Israel sinumutta su wanua udde.

2 MARARATU 21:9

Arawe taumatan Yehuda mal᷊awanga Mawu, wuṛṛu ewe'e lai ete i Manasye na'oman sara i mangitou na'ola'a manga rosa apan al᷊eoanne wuassu rosa apan niola'u manga walahanna apan nilimbuaṛṛanu Mawu wuassu Kanaan sutempo walahannu Israel sinumutta su wanua udde.

YEREMIA 15:4

I Ya'u sarun ma'ola'a anambon balahanna su runia matta'utta maasilo si mangitou. Sarangkanambone udde Ta'u olaanna ana waugu inolaanni Manasye ana'i Hizkia su Yerusalem sutempo i tou naola'a ratun Yehuda.”

YEHEZKIEL 16:45

Atonna, i'o uddewe ana'a wawinen inangngu. I tou maddantinnu awinge wuṛṛu su manga anangne sassane. I'o ual᷊al᷊ihiddu manga tuṛṛangngu wawine apan maddantinnu awinge wuṛṛu manga anangne. I'o wuṛṛu manga tuṛṛangngu, eteudde manga soa maraninu uatahuannu inangnga taumatan Het wuṛṛu iamangnga taumatan Amori.

YEHEZKIEL 16:3

Mawu Apan Atanggaṛṛanne nandolo'u niapapasingkattu tanata indi su Yerusalem, “Ei Yerusalem, i'o nasungkangnga su leta'u Kanaan. Iamangngu taumatan Amori wuṛṛu inangngu taumatan Het.

2 MARARATU 21:21

I tou nangaṛṛussa manga inolaannu iamange, wuṛṛu massubba manga paal᷊uanna apan sassubbannu iamange.

2 MARARATU 21:16

Wal᷊ine lai wuassu taumatan Yehuda na'ola'a rosa su Mawu ringannu massubba paal᷊uanna, i Manasye namate lai manambo taumata apan tawe sal᷊ane na'oman sara daṛṛa nangelekka su al᷊awo'u tampa su Yerusalem.

2 MARARATU 21:2

I Manasye na'ola'a rosa su Mawu, ana waugu nattanno manga inanaramanna lal᷊eo wuassu manga walahanna apan nilimbuaṛṛannu Mawu wuassu Kanaan sutempo taumatan Israel sinumutta su wanua udde.

1 MARARATU 16:19

Udde nariaddi ana waugu i tou ma'ola'a al᷊al᷊eo su aellegu Mawu. Ere lai Ratu Yerobeam, i Zimri lai narosa su Mawu wuṛṛu pangillul᷊eanne taumatan Israel narosa lai.

1 MARARATU 15:30

I Yerobeam narosa wuṛṛu pangillul᷊eanne taumatan Israel narosa lai. Ringannu aroddi i Yerobeam nandantan asasa'un Mawu, Ruata apan sassubbannu taumatan Israel.

1 MARARATU 14:16

Mawu sarun manantangngu Israel ana waugu i Yerobeam buatte na'ola'a rosa wuṛṛu naaola'a lai taumatan Israel narosa.”

PANDARIADDI 15:16

Napawe nal᷊iute papapulunnu su aippatu ṛawanne, papapulunnu sarun mabelengnga apia isindi, ana waugu i Ya'u tawe mallimbuakka taumatan Amori tantal᷊anna i mangitou taambe naola'a aroddi al᷊aleone ma'oman sara wotongnge iṛṛuumanna.”

2 MARARATU 16:3

I tou mabiakka ere manga ratun Israel, manungku mangonggolu parinsine sassane maola'a sasamba su monganna, tumuṛṛuttu anaramanna lal᷊eo wuassu manga taumata apan bautte nilimbuaṛṛannu Mawu wuassu wanua Kanaan sutempo taumatan Israel namanuate su wanua udde.

2 MARARATU 21:10

Ana waugu udde sulal᷊ummu manga nabi, manga allangu Mawu, Mawu nabbisara,

2 MARARATU 21:20

Ere lai iamange, i tou na'ola'a rosa su Mawu.

2 MARARATU 23:24

Su mappaamattu manga tita apan uawoṛṛetta sulal᷊ummu wuke apan niasombanganni Imam Bahewa Hilkia su Wal᷊en Mawu, sarangkanambone apan taṛṛa waggo ṛimuudda wuṛṛu taṛṛa si'atta nilimbuaṛṛani Ratu Yosia wuassu Yerusalem wuṛṛu wuassu ahewallu leta'u Yehuda, ana see i tou nandamonen anambon mongannu amonanna, paal᷊uanna, wuṛṛu manga saranapa apan ipappaatta ipassubba manga monganna.

YEHEZKIEL 18:12

I tou apulune mallinga taumata asiangnga, mangngaṛṛo, mangnganu saranapa wataṛṛun taumata apan nabballassa si tou. I tou inaite su manga kuillu taumata apan tawe maaillal᷊a Mawu wuṛṛu massubba paal᷊uanna apan ma'arantinna.

1 TAWARIKH 1:14

I Kanaan udde lai al᷊amonan taumatan Yebusi, Amori, Girgasi,

YEHEZKIEL 5:6

Arawe Yerusalem buatte nanol᷊a'u parenta-U wuṛṛu inauranna maddal᷊eoanna wuassu manga araratuanna apan uapal᷊iwutta si tou. Yerusalem nilumawangnga manga parenta-U wuṛṛu maddiri tumuṛṛutta manga tita-U.”