2 MARARATU 20:5 - WUKE SUSI WATTI'U AL᷊AL᷊USASSA

⁵ niapawelenga apia ringanni Hizkia, ratun walahannu Mawu wuṛṛu namasingkatu tanata indi, “I Ya'u, Mawu, Ruata apan sassubbanni Daud a'al᷊iamonannu, buatte naddaringikka aal᷊iomannu wuṛṛu na'ellega allon matanu. I Ya'u sarun mangapia raddangu; tillorega i'o sarun rumanta su wal᷊e-U.

2 MARARATU 20:5 Referans Kwoze

1 SAMUEL 9:16

“Tiṛṛabbi marua'allo iraṛṛangngo orassa arendi lai, Ya'u sarun mandolokku sangkatou wuassu ruanganni Benyamin maisasombanu. Teneha'e i tou ringannu darohan pallal᷊ana tadea i tou maola'a ratun walahannu Israel. I tou sarun manal᷊amatta al᷊aṛṛana-U wuassu taumatan Filistin. I Ya'u naasilote asasusa al᷊aṛṛana-U wuṛṛu naaringikke lal᷊uai mangitou ma'iontolla.”

YESAYA 38:5

apia niapawelengnga ringanni Hizkia wuṛṛu namasingkattu tanata indi, “I Ya'u, Mawu, Ruata apan sassubbanni Daud al᷊amonanu, buatte naddaringikka aal᷊iomannu wuṛṛu na'ellega allo matanu. I Ya'u sarun manamba uukku mapul᷊o l᷊ima su tonnane lai.

DARALO 39:12

Taumata ana waugu pasasal᷊ane; niṛṛuuman-Nu wuṛṛu pappuul᷊an-Nu naal᷊ihidda wiangnga niṛṛimunsa-Ngu apa apan maarega si tou. Atonna, taumata naal᷊ihidda sasabbangu singangu.

2 MARARATU 19:20

Wua'udde i Yesaya nangirimmu tanata si Ratu Hizkia maola'a sasimbakku aal᷊iomannu ratu,

DARALO 126:5

Antimanna taumata apan mangngasi'a lapiddu lulluai, mangitingnga ringannu hio lulluassa.

DARALO 147:3

I Tou mangundamma taumata apan naungnge massusa, wuṛṛu mama'issa manga lessan mangitou.

DARALO 56:8

Piawe asasal᷊amatta su al᷊al᷊eon mangitou? Patete i mangitou sulal᷊ummu asasa'u-Nu, oh Ruata!

SONDAPPA 7:17

ana waugu Ana'u Domba apan ua'ianna su pattangngannu adderan araratuanna udde sarun maola'a mallal᷊u'addi mangitou. I Tou sarun mangehetta si mangitou watukku al᷊imatan ua'em pabbawiakka. Wuṛṛu Ruata sarun mamedda al᷊awo'u allo mata wuassu mata mangitou.”

YOHANES 5:14

Wua'udde Mawu Yesus nassomban taumata udde sulal᷊ummu Wal᷊e Mawu, wuṛṛu nabbisara si tou, “Orassa indi i'o napiate. Arie pa'ola'a rosa apia, tadea'u tawe mamendamma rada'a lembon aral᷊eoanne.”

LUKAS 1:13

Arawe mala'ekatta udde nabbisara, “Arie pa'ata'utta, Zakharia! Ruata suete naddaringikka aal᷊iomannu. Awingngu i Elisabet sarun mangunsiwen sangkatou ana'a esakka. I'o sarun managon aranne i Yohanes.

MATIUS 22:32

‘Ete i Ya'u Ruatan Abraham, Ruatan Ishak wuṛṛu Ruatan Yakub.’ Ruata udde wal᷊inewe Ruatan taumata nate. I tou Ruatan taumata wiakka!”

SASABANGNGA 15:26

Unnu Mawu, “Paatuṛṛutte si Ya'u ringannu atonna-tonna, wuṛṛu pa'ola'e apa apan aellehang-Ku mapia; paatuṛṛutte anambon parenta-U. Amungkangngu i yamiu ma'ola'a aroddi, yamiu tawe Ta'u iṛṛuumanna ringannu manga radda'a apan Ta'u niaparanta su taumata Mesir. Ete i Ya'u Mawu apan nangapia si yamiu.”

1 SAMUEL 10:1

Wua'udde i Samuel nanganu awo'a apan lal᷊oṛṛoannu lanan zaitun, ana see lana udde nilal᷊inni Samuel su puan Saul, ana see i tou nangari'a si Saul lapiddu nabbisara, “Mawu buatte nanenegu maola'a ratun Israel walahan-Ne udde. I'o sarun mamarenta al᷊aṛṛanang-Nge wuṛṛu mangesakki mangitou wuassu manga seetti mangitou. Indi tatialane si'o manungku Mawu buatte namile si'o maola'a ratun al᷊aṛṛanang-Nge;

IBRANI 2:10

Atonna su ṛinonete Ruata – apan nandiaddi ul᷊ilimpati'uppa ringannu panduman-Ne sassane – nandiaddi Mawu Yesus mananal᷊amatta apan nasuungnga sulal᷊ummu asasusa. Ringannu aroddi Ruata wotongnge mangahe taumata nambo iapawantuga suadio'a ringannu Mawu Yesus. Ana waugu ete i Tou mamamu'a lal᷊anna si mangitou tadea'u wotongnge iapaasal᷊amatta.

DARALO 65:2

Ṛinone i yami maddalo Si'o su Sion, oh Ruata, wuṛṛu manipussa paairen kami Si'o.

YESAYA 55:3

Paddaringikke, ei pabbawala-U, rantate ringang-Ku, i yamiu sarun Ta'u onggol᷊annu wiakka tutune. Ringannu darangngu wuṛṛu tatuṛṛutta apan pina'ire-U si Daud, i Ya'u nangiittu riandi apan tawe auddusanne si yamiu.

2 SAMUEL 5:2

Ro'en dorone, ewe'e lai sutempo i Saul ta'e uaparenta si yami, masokka lai i Tuangnga mamiaṛṛa'u tantaran Israel napawe inaite mapapangalo, see lai Mawu buatte naddiandi si Tuangnga manungku ete i Tuangnga apan mamiaṛṛa'u al᷊aṛṛanang-Nge wuṛṛu maola'a ratun mangitou.”

TAHIUL᷊E 32:39

Pa'ellege, i Ya'u Ruata Apan Tinggassa, tawe Duata wal᷊ine tumba'u i Ya'u. I Ya'u mammate wuṛṛu mappaawiakka mallessa wuṛṛu mangngapia. Napawe i Ya'u mammanarate, tawe saran sangkatou apan botongnge lumawangnga.

2 TAWARIKH 34:3

Napawe 8 tonna i Yosia naola'a ratu, su uukka ta'e dario'a, i Yosia nanattakke mattaṛṛamawu Ruata apan sassubbanni Ratu Daud iupungnge. Appattu tonna wua'udde i tou nanattakke nanggohakku manga tampa passubbanna paal᷊uanna, manga paal᷊uannu Monganni Asyera, wuṛṛu manga paal᷊uanna waine.

2 TAWARIKH 13:12

Piaṛṛa'i yami eteudde Ruata sassane wuṛṛu manga imammu Mawu lai isindi. I mangitou uasaddiate mattiuppa trompeta maola'a sambau tatiala si yami inaite mamangalo si yamiu. Ei taumatan Israel, ariete lumawangnga Mawu, Ruatan al᷊amonanu! I yamiu tawe maauntungnga!”

LUKAS 18:10

Unnu Mawu Yesus, “Pia ruan katou apan inai su Wal᷊e Mawu umal᷊iomanna. Sangkatou taumatan Farisi, sangkatou lai madarorongnga wose.

1 MARARATU 9:3

Mawu nabbisara si tou, “Aal᷊iomannu buatte Ta'u niraringiṛṛanna, wuṛṛu ringannu indi wal᷊en apan buatte naiapararisikku indi Ta'u isaggo tampa al᷊aṛṛaene hunan patataṛṛamawuanna si Ya'u saran mal᷊annu-l᷊annu. I Ya'u sidutu ua'ellega wuṛṛu ual᷊u'adda tampa indi.

2 MARARATU 20:4

I Yesaya nanantangi Hizkia, arawe tantal᷊anna i tou taambe nanantangu passalanganu wal᷊en araratuanna, Mawu nandolokki tou

DARALO 107:20

I Tou napaapian mangitou ringannu parenta-Ne, wuṛṛu nalliun mangitou wuassu loṛṛangngu labbinga.

SASABANGNGA 3:7

Ana see Mawu nabbisara, “I Ya'u naasilo al᷊aṛṛana'u uatataṛṛangnga su Mesir, wuṛṛu naaringikke i mangitou u'ui mai'ipallossa wuassu manga taumata apan mangngallangnga si mangitou. I Ya'u mangke masingkattu anambon asasusa mangitou.

SASABANGNGA 3:9

Lal᷊uain balahannu Israel Ta'u niaringiṛṛanna, wuṛṛu i Ya'u naasilo lai ereapa i mangitou aallangannu taumata Mesir.

2 MARARATU 22:19

i'o sumassilla wuṛṛu sumallungu watangannu su saruang-Ku. I Ya'u buatte namansaga makkuumannu Yerusalem wuṛṛu tumanange. I Ya'u sarun ma'ola'a soa udde sambau tampa aellehanna wuṛṛu ma'ata'utta, wuṛṛu aranna Yerusalem sarun maola'a aranna awawontoga. Arawe sutempo i'o naaringikka i Ya'u mammansaga udde, i'o nilumuai wuṛṛu nanggesa'a laungu tatialan massusa. I Ya'u buatte naddaringikka aal᷊iomannu,

DARALO 6:10

Mawu naddaringikka darorongku wuṛṛu nanengkamma aal᷊iomangku.

DARALO 34:18

Amungkangu taumata susi sumal᷊ande, Mawu maddaringikka, wuṛṛu manal᷊amatta si mangitou wuassu al᷊awo'u asasusa.

DARALO 56:9

I'o mandeengngu manga allo i ya'u mammal᷊intadda, wuṛṛu masingkattu anambon allon mata'u; Apa I'o tawe mandeengnga?

DARALO 65:3

Ana waugu ete I'o naddaringikka aal᷊iomanna; anambon taumata nirumanta ringan-Nu ana waugu narosate.

DARALO 119:26

I ya'u manga'u inolaangku, ana see I'o sinumimbakka si ya'u; i ya'u aṛṛa'ewen tita-Nu.

YESAYA 19:22

Mawu sarun manggesekka walahannu Mesir, arawe wua'udde i Tou sarun mangundamma si mangitou. I mangitou sarun mabbal᷊i'a mabelengnga ringannu Mawu, wuṛṛu i Tou sarun maddaringikka aal᷊iomanni mangitou lapiddu mangonggollu aul᷊en baddangnga.