2 MARARATU 20:19 - WUKE SUSI WATTI'U AL᷊AL᷊USASSA

¹⁹ I Ratu Hizkia sinumimbakka, “Mapia lai tanatan Mawu apan niapasingkanu si ya'u.” I tou sinumimbakka aroddi ana waugu i tou naṛṛingidda: “Sawal᷊iate araratuangku sidutu mal᷊angngana wuṛṛu su paddarame su al᷊o'engu pabbiaṛṛangku.”

2 MARARATU 20:19 Referans Kwoze

1 SAMUEL 3:18

Ana see i Samuel namasingkattu sarangkanambone udde si Eli. Tawe saran sambau apan niadappingnge. Wua'udde nabbisarate i Eli, “I Tou Mawu, walate i Tou ma'ola'a tumuṛṛuttu apulu-Ne udde mapia.”

LUKAS 2:14

“Daralo su Ruata su langitta apan atanggaṛṛanne! Wuṛṛu su wowon dunia, paddarame su taumata apan ma'al᷊uassa naungngu Mawu!”

LUKAS 2:10

Arawe mala'ekatta udde nabbisara, “Arie pa'ata'utta! Ana waugu i ya'u nirumanta uaapiddu Watti'u Al᷊al᷊uassa si yamiu – watti'a apan maal᷊uassa anambon taumata.

ZAKARIA 8:19

“Puasa apan a'olaanna su wul᷊anna aippanne, al᷊imane, appitune, wuṛṛu appul᷊one sarun maola'a manga ramea apan napenen al᷊al᷊uassa wuṛṛu lal᷊umanna'a su tumana'u Yehuda. Pandangngute atatul᷊idda wuṛṛu paddarame!”

LAL᷊ALLU 3:39

Anio taumata sidutu sussal᷊iomanna napawe i tou iṛṛuumanna ana waugu manga rosane?

LAL᷊ALLU 3:22

Tatal᷊antuppu Mawu uatatana'a sarangkal᷊o'enge, darangngu-Ne tawe masue,

YEREMIA 33:6

Arawe sutempo addantane i Ya'u sarun mapawelengngu ola'u soa indi wuṛṛu tumanangnge; i mangitou sarun matohassa apia. I Ya'u sarun mangonggolla si mangitou lal᷊umanna'a wuṛṛu atatahul᷊andimma apan nangillembo.

DARALO 39:9

Pallosaawe i ya'u wuassu anambon rosa'u, arie pabbala'a i ya'u mabbal᷊i aal᷊uandahannu taumata longonna.

AYUB 1:21

wuṛṛu nabbisara, “I ya'u niasungkangnga tawe uaapiddu apa-apa, wuṛṛu i ya'u sarun mate tawe mangapiddu manga apa lai. Mawu buatte nangonggolla wuṛṛu Mawu lai buatte nangul᷊e. Paddalote aran-Ne!”

ESTER 9:30

Suratta udde niiringnga su anambon taumatan Yahudi, wuṛṛu manga suratta apan nial᷊inna niiringnga su 127 propinsi su araratuannu Persia. Suratta lal᷊apirannu aal᷊iomanna tadea'u walahannu Yahudi mal᷊uassa wuṛṛu mal᷊angnganna.

IMAMATTA 10:3

Ana see i Musa nabbisara si Harun, “Eteudde apan niapasingkattu Mawu su tempo i Tou nabbisara, ‘Sarangkanambone apan mangngimbe si Ya'u ṛinone mangaddata asasusi-U. I Ya'u sarun mapal᷊iatta'u awawantu-U su ahewallu walahanna-Ku.’ ” Arawe i Harun mal᷊anna-l᷊annaba.

2 MARARATU 20:20

Watti'a waine su ola'i Ratu Hizkia, su ola'u inasaharannu awawaṛṛanine, wuṛṛu ereapa i tou naal᷊i sal᷊ukka wuṛṛu pangangeleṛṛanu ua'e watukku soa, sarangkanambone udde niwoṛṛetta sulal᷊ummu wuken Watti'u Mararatun Yehuda.

1 MARARATU 2:38

“Ore, Tuangnga Apan Mawantuga,” sasimbakki Simei. “I ya'u sarun tumuṛṛutta parentan Tuangnga.” Ne i Simei natana'e su Yerusalem manga pira tempo al᷊annune.

1 MARARATU 11:12

Salaiwe aroddi, ana waugu iamangngu Daud, i Ya'u tawe ma'ola'a udde su al᷊o'engngu pabbiaṛṛannu. Su tempo pamamarentan anangngu, wakkute udde Ta'u olaanna.

2 MARARATU 22:20

ana waugu udde ṛuumanna su Yerusalem tawe Ta'u iema'a amungkangu i'o ta'e wiakka. I'o sarun mate ringannu paddarame.’ ” Ne manga daroloṛṛanna udde nabelengke ringannu ratu wuṛṛu namasingkattu tanata udde.