2 MARARATU 20:13 - WUKE SUSI WATTI'U AL᷊AL᷊USASSA

¹³ I Hizkia nanal᷊oho manga daroloṛṛanna udde wuṛṛu namasilon al᷊awo'u pa'a'alane si mangitou, eteudde wul᷊awanna wuṛṛu sal᷊a'a, rampa-rampa wuṛṛu lana mawangngi, see lai anambon tantarane. Tawe lallinge saranapa su wal᷊en araratuanna apan tawe niapasilo si mangitou.

2 MARARATU 20:13 Referans Kwoze

YESAYA 39:2

I Hizkia nanal᷊oho manga daroloṛṛanna udde ringannu naungnga mal᷊uassa wuṛṛu namasilo si mangitou anambon pa'a'alane, eteudde wul᷊awanna wuṛṛu sal᷊a'a, manga rampa-rampa wuṛṛu lana mawangngi, wuṛṛu anambon ahiddu tantarane. Tawe saran sambau su wal᷊en araratuanna wuṛṛu su ahewallu araratuanne apan tawe nipasilone si mangitou.

MANNANASE 7:20

Su runia indi tawe sangkatou taumata apan nasuungnga; taweddu sidutu apan ma'ola'a apapia wuṛṛu tawe saran paassa na'ola'a rosa.

AMSAL 23:5

Ana waugu tumba'u sulal᷊ummu sangkaṛṛondappa darotongngu sarun mawul᷊i, ereola'u i tou pia papaidde wuṛṛu tumalla'a su winabbawa ere manu'a rajawali.

1 MARARATU 10:25

I mangitou sangkatou-sangkatou nirumanta ringannu uaapiddu aonggolla hunan Salomo. I mangitou nangonggollu manga saranapa sal᷊a'a, wul᷊awanna, laubba, lutangnga, rampa-rampa, awal᷊o wuṛṛu bagal. Etearoddi suapan tonna mallal᷊isansunna.

1 MARARATU 10:15

taambe nareengnga manga auntunganna wuassu mabbal᷊u'a, wuṛṛu manga wose wuassu maddaragangnga, manga ratun Arab see manga gubernure Israel.

1 MARARATU 10:10

Wua'udde ratun banua Syeba udde nanantilla si Salomo manga aonggolla apan niapidde, eteudde nilumebbe wuassu 4.000 su kilone wul᷊awanna wuṛṛu marasai watu permata see rampa-rampa. Tate saran paassa lai i Salomo nanarimmattu rampa-rampa apan aroddi anambone ere nionggollu ratun banua Syeba udde si tou. (

1 MARARATU 10:2

I tou nirumanta raṛundinganannu manambo taumata wuṛṛu unta apan nasaddattu luranna rampa-rampa, watu permata, wuṛṛu marasai wul᷊awanna. Sutempo nassomban Salomo, ratu udde nangonggollu al᷊awo'u hatin aiwal᷊o apan tawe iaṛṛingidde.

2 MARARATU 20:14

Wua'udde Nabi Yesaya sinumaruanna si Ratu Hizkia wuṛṛu naiwal᷊o, “Wuassuapa manga taumata udde? Apa wisaran mangitou?” Hizkia sinumimbaka, “I mangitou wuassu Babel, wanua apan marau.”

2 MARARATU 20:15

“I mangitou ma'ellega apa su wal᷊en aṛṛatuanna?” aiwal᷊on Yesaya apia. “Manga al᷊awo'a!” sasimbakki Hizkia. “Tawe saran sambau pa'a'ala sulal᷊ummu wal᷊en araratuanna apan tawe ta'u niapasilo si mangitou.”

DARALO 62:11

Arie pangantimma hessin pamamahia, wuṛṛu arie mangasakku saranapa niaṛṛo. Ewe'e lai amungkangu paa'alanu niatambanna, arie naungngu mattundeeta si tou.

YEREMIA 9:22

Winal᷊unanna uatal᷊eṛṛonga suapan tampa ere sapadda ua'ombo su leta'a; ere gandumma apan buatte niitingnga ana see nitantangnga wuṛṛu tate lai iammulla. Eteudde tanata Mawu apan ṛinone ta'u iapasingkatta.”