2 MARARATU 2:14 - WUKE SUSI WATTI'U AL᷊AL᷊USASSA

¹⁴ ana see juban Elia udde niwal᷊atta su ua'e lapiddu nabbisara, “Suapate Mawu, Ruatan Elia udde?” Napawe i tou buatte namal᷊attu juba su ua'en sal᷊ukka udde, ua'e udde natahia darua wuṛṛu i tou niumamatte su samba'a.

2 MARARATU 2:14 Referans Kwoze

YOHANES 14:12

Mangke atonna wisara-U indi; Taumata apan mangngimanna si Ya'u, sarun tumuṛṛutta apa apan suete Ta'u niola'a, – ewe'e i tou sarun ma'ola'a lembon ahewal᷊anne lai – ana waugu i Ya'u inai ringannu Iamangnga.

DARALO 42:10

I ya'u nabbisara su Ruata, mananahe'u, “Anio I'o naabul᷊i'u? Anio i ya'u sidutu uatataṛṛangnga, ana waugu aallangannu manga see'u?”

DARALO 115:2

Anio manga walahanna mabbisara, “Suapate Ruatan mangitou?”

WATTI'U MANGA RASUL 2:33

I Tou nitenega su aiananna apan matanggakka wuṛṛu nionggol᷊annu Ruata taṛṛino, see nanengkamma Ghaṛṛaho Ruata apan suete pina'iren Iamangnga. Wuṛṛu apan niaringiṛṛanna wuṛṛu aellehanni yamiu orassa indi eteudde Ghaṛṛaho apan suete nionggolla si yami.

MARKUS 16:20

Ne manga mallal᷊aṛṛenggen-Ne inaite wuṛṛu namasingkattem batti'a wuassu Ruata su al᷊awo'u tampa. Wuṛṛu Mawu lai mammanara su sampunna ringanni mangitou wuṛṛu mapaal᷊iatta'a lai ringannu manga al᷊aṛṛindu'a manungku watti'i mangitou udde atonna.] [

YOEL 2:17

Doloṛṛa'e manga imam apan mangimbe Mawu, lummuai suwallattu mezbah wuṛṛu panumbal᷊e su saruanne, lapiddu mabbisara, “Akkanaawe uman-Nu, oh Mawu; arie pabbala'a pussa'a-Nu mabbal᷊i pia angngone,” ma'oman sara manga walahanna waine mammasendekka wuṛṛu mabbisara, “Suapa Ruatan mangitou?”

DARALO 42:2

Naal᷊ihidda rusa maapulun ua'en sal᷊ukka, aroddi lai niawa'u maapulu-Nu, oh Ruata.

MAL᷊AṚṚUUNGNGA 6:13

I Gideon sinumimbakka, “I ya'u madorongnga ampunga tuanga! Amungkangngu atonna Mawu uarundinganna si yami, anio al᷊awo'u inolaanna indi naṛṛia'a si yami? Suapate al᷊awo'u al᷊aṛindu'a apan buatte niola'u Mawu dorone wuṛṛu buatte niapasingkattu iupungngu al᷊amonang kami su ola'u ereapa Mawu napasabbangi mangitou wuassu Mesir? Orassa indi Mawu nanantangken kami wuṛṛu namalan kami paparentannu manga taumatan Midian.”

2 MARARATU 2:13

ana see namurutta juban Elia apan nanawo. Wua'udde i tou nabelengnga wuṛṛu dirumarisikka apia su wiwikku Sal᷊ukku Yordan,

2 MARARATU 4:29

I Elisa nanaile si Gehazi ana see nabbisara, “Paal᷊ihakka! Anute ta'ingku wuṛṛu inaite asal᷊a su wal᷊en Inanga indi. Arie pattaala mattabea sisai-sai apan massombanu su lal᷊anna. Amungkangu taumata mattabea si'o, paal᷊ihakka mabbal᷊issa tabbeane. Napawe na'omate, pasaṛawutta mangaddon ta'ingku indi su wadangu ana'a udde.”

SASABANGNGA 14:22

Ua'e natahia darua, wuṛṛu taumatan Israel tinumumbete tahal᷊oangnga, i mangitou u'amatta su wantane apan mamara, wuṛṛu ua'e su aikatanna wuṛṛu aiṛṛi naal᷊ihidda darandungnga.

YEREMIA 2:6

I Ya'u tate pandumanna; i Ya'u, apan buatte nangehetta si mangitou su lal᷊anna, wuṛṛu nangapiddi mangitou sinumabbangnga wuassu Mesir niumamattu wadda'u anne, wageangngu leta'a maṛṛasa apan manambo liobbongnge, see lai mamara wuṛṛu ma'asilaka – wadda'a apan taweddu uatana'a wuṛṛu tawe amatanna!