2 MARARATU 19:34 - WUKE SUSI WATTI'U AL᷊AL᷊USASSA

³⁴ Soan Yerusalem sarun Ta'u lu'aranna wuṛṛu riaganna ana waugu arang-Ku sassane wuṛṛu ana waugu pa'aire-U ringannu allang-Ku i Daud.’ ”

2 MARARATU 19:34 Referans Kwoze

2 MARARATU 20:6

I Ya'u manamba lai uukku 15 su tonnane. I'o wuṛṛu soan Yerusalem sarun Ta'u ipallossa wuassu ratun Asyur. Soa indi sarun Ta'u lu'aranna ana waugu arang-Ku sassane wuṛṛu ana waugu pa'aire-U ringannu allang-Ku i Daud.”

1 MARARATU 15:4

Arawe, ana waugu i Ratu Daud, Ne Mawu, Ruata apan sassubbanni Daud, buatte nangonggolla si Abiam sangkatou ana'a iapalol᷊ossa si tou mamarenta su Yerusalem wuṛṛu manohassa soa udde.

YESAYA 31:5

Ere sambau manu'u winalanganna mangngal᷊iappakku papaidde su wowon sal᷊akke ipangooppa manga anangnge, aroddi lai i Ya'u, Mawu Apan Lembontaṛṛino sarun mallu'adda, manahekka wuṛṛu manal᷊amatta Yerusalem.”

YEREMIA 33:26

aroddi lai Ya'u sarun sidutu uaaggassa pa'aire-U ringannu papulunni Yakub wuṛṛu ringannu allang-Ku Daud. Sangkatou wuassu papapulunni Daud sarun Ta'u pileanna mamarenta papapulunni Abraham, Ishak, wuṛṛu Yakub. I Ya'u sarun umakkannu uma-U, wuṛṛu ma'ola'a si mangitou su lal᷊umanna'a apia.”

YEREMIA 33:21

Aroddi lai Ya'u buatte namattan paaire ringannu allang-Ku Daud, manungku wuassu papapulunne sidutu sarun pia sangkatou apan maola'a ratu; wuṛṛu i Ya'u buatte namattan paaire ringannu manga imam papapulunni Lewi manungku i mangitou sidutu sarun mangimbe si Ya'u. Manga paaire udde tawe iapappassa.

YESAYA 38:6

I'o wuṛṛu soa Yerusalem sarun Ta'u ipallossa wuassu taṛṛinon datun Asyur. Soa sidutu Ta'u lal᷊u'aranna.” Wua'udde i Yesaya nandolokku taumata mabbalu wuan ara wuṛṛu niapawuṛṛa su pinsulli Hizkia tadea'u mapia. Ratu Hizkia naiwal᷊o, “Apa indi tialane manungku Mawu sarun mangapia si ya'u wuṛṛu manungku i ya'u wotongngete inai apia su Wal᷊en Mawu?”

EFESUS 1:6

Dalo su Ruata apan mawantuga, ana waugu sulal᷊ummu Anang-Nge apan arangnguanna, i Tou lembon marangngu si ite.

YESAYA 48:11

Udde Ta'u niola'a hunan batangang-Ku sassane, ana waugu i Ya'u tawe mamalan arang-Ku lal᷊eoanna; awawantu-U tawe tahiang-Ku sisai-sai.”

YESAYA 43:25

Arawe i Ya'u Ruata apan namappassa rosanu, i Ya'u nangampungnga si'o ana waugu etearoddi apulu-U; i Ya'u tate mannaungnga rosanu.

YESAYA 9:7

Mawu buatte nangema'u ṛuumanna su araratuannu Israel.

TAHIUL᷊E 32:27

Arawe i Ya'u maddiri seettu Israel mamarabunga; aṛṛengenne i mangitou massal᷊a sunna wuṛṛu mabbisara manungku i mangitou namaddon al᷊aṛṛana-U,’ wutte'e ete i Ya'u apan na'ola'a.

EFESUS 1:14

Ghaṛṛaho udde naola'a wataṛṛu manungku i ite sarun manengkamma apa apan buatte pina'iren Duata su al᷊aṛṛanang-Nge. Indi mangngonggolu antimma si ite manungku Ruata sarun mamallosu al᷊aṛṛanang-Nge. Dalo su Ruata ana waugu awawantu-Ge!

YEHEZKIEL 36:22

Ana waugu udde, wal᷊oa'e apa apan i Ya'u Mawu Apan Atanggaṛṛanne nabbisara su walahannu Israel, ‘Apa apan sarun Ta'u olaanna sal᷊immurine wal᷊inewe ana waugu i yamiu, ei manga taumatan Israel, ewe'e ana waugu arang-Ku apan na'ukkassa, apan buatte nilal᷊eong kamiu watuakkuapa i yamiu inai.

YESAYA 48:9

I Ya'u naṛṛaddannu asasa'u-U tadea'u arang-Ku tumelengnga. I Ya'u naṛṛaddannu udde si'o, tadea'u i'o tawe ṛaddaanna.

2 MARARATU 8:19

Arawe Mawu maddiri manginsue ruangannu Yehuda ana waugu i Tou buatte na'ire si Daud allang-Nge, manungku papapulunne sidutu maola'a ratu.

HOSEA 1:7

Arawe walahannu Yehuda sarun Ta'u rangnguanna. I Ya'u Mawu, Ruatan mangitou, sarun manal᷊amatta si mangitou, arawe wal᷊ine ringannu pangalo, wuṛṛu lai wal᷊ine ringannu hal᷊ele ara'e anaanna ara'e awal᷊o wuṛṛu sumasa'ene.”

ZAKARIA 9:8

I Ya'u sarun mandiaga leta-U wuṛṛu mannal᷊are ammul᷊annu tantara raho apan sumabbi umamatta isudde. I Ya'u tate lai mamala mangangallangnga mandal᷊eo uma-U. Ana waugu asasusan mangitou buatte Ta'u niasiloanna.”