2 MARARATU 19:23 - WUKE SUSI WATTI'U AL᷊AL᷊USASSA

²³ I'o nandolokku daroloṛṛanna iapaawusu manungku ringannu anambon keretan pangalonu, i'o buatte naasa'a manga wowone atanggaṛṛanne su Libanon. I'o mammunga manungku i'o nanuwangnga manga alu cemara apan atanggaṛṛanne wuṛṛu aṛṛamahanne wuṛṛu namal᷊appidu manga mahurangnge ma'appala.

2 MARARATU 19:23 Referans Kwoze

DARALO 20:7

Orassa indi i ya'u masingkatte manungku Mawu nangonggolu auntunganna su ratu apan nipile-Ne. Mawu sinumimbakka si tou wuassu surga-Ne apan susi; ringannu taṛṛinon Mawu i tou naasomba auntunganna wahewalla.

2 MARARATU 18:17

Arawe ratun Asyur udde nandolokka wuassu Lakhis sambau ammul᷊annu tantara apan manambo iapapangalo Yerusalem. Ammul᷊annu tantara udde nipiaṛṛa'u siri tallu tembonannu tantara atumannaṛṛane, eteudde sangkatou panglima, sangkatou mananadia ua'e, wuṛṛu sangkatou lai tembonannu mandariaga ratu. Napawe na'omate su soa udde i mangitou nanganu tampa su wawail᷊anna, apan isassago Waillu Mabbawansala maranin hote pangeleṛṛannu ua'e wuassu li'u ual᷊iurosone.

YESAYA 10:18

Manga mahurangnga maappalla wuṛṛu manga wawail᷊anna masuwukka su wanua Asyur sarun mawinasa abbi-abbi, naal᷊ihidda taumata maradda'a uatataṛṛangnga ma'oman sara mate.

YESAYA 10:14

Manga walahanna su runia naal᷊ihidda sal᷊akku manu'u winalanganna; ringannu hampa darotongngi mangitou ta'u nianu, naal᷊ihidda taumata nanganu tallukka apan nitantangnga su sal᷊akka. Tawe papaidda apan u'al᷊iappakka, tawedu namu'a sasumigge ara'e sussio'a.”

2 TAWARIKH 32:17

Ratun Asyur namoṛṛettu suratta lai apan lullawangnga Mawu, Ruata apan sassubbannu taumatan Israel. Arendi tingikku suratta udde, “Manga mongannu al᷊awo'u walahanna waine apan tawe maapallossu walahanne wuassu taṛṛino'u, aroddi lai monganni Hizkia udde tawe maapallossu walahanne wuassu taṛṛino'u.”

2 TAWARIKH 26:10

I tou lai napararisikku wal᷊en matanggakka pia tanda'a watune su wageangngu wadda'a, wuṛṛu naal᷊i manambo paṛṛihi ana waugu winatangnga papadul᷊iananne tumaniten manambo, mawae ete su leta'a uasendekka aroddi lai su leta'a ratakke su samba'a waṛṛatta. Ana waugu i tou pia ṛingidda su pabbail᷊anna, ne i tou napamanaran manambo taumata niapawaillu anggore su panenteanna, wuṛṛu niapawailla lai su manga wageangngu leta'a apan masuwukka.

2 MARARATU 18:23

Orassa indi ringannu arannu ratun Asyur, i ya'u waṛṛani mabbataṛṛu manungku amungkangu i yamiu onggol᷊annu 2.000 awal᷊o, i yamiu tawe uatahuanna taumata anambone ereudde maola'a sumasa'ene.

DANIEL 8:11

Ewe'e lai i tou mannal᷊u'atta panglima tantaran surga, napaaddon sasamba ia'onggolla miallo-miallo apan ia'onggolla su panglima udde, wuṛṛu napaaṛṛan wal᷊en patataṛṛamawuanna si tou.

2 MARARATU 19:4

Ratun Asyur buatte nandolokku sangkatou tembonannu tantara atanggaṛṛanne niapal᷊obbosa Ruata apan biakka. Isai masingkata Mawu Ruatanu naaringikke lal᷊obbosa udde, wuṛṛu sarun makkuumanni mangitou apan nabbisara! Ana waugu udde a'al᷊iomante su Ruata hunan manga taumatan kite apan ta'e wiakka.”

DARALO 20:8

Pia taumata mangngasakku keretan pangalone, piaddu lai mangngasakku kudane. Arawe i ite mangngasakku taṛṛinon Mawu, Ruatan kite.

YESAYA 10:13

Ratun Asyur mammunga, wisarane, “Sarangkanambone udde ta'u olaanna ringannu taṛṛino'u sassane. I ya'u masiṛṛongnga wuṛṛu pande. I ya'u mamappassa passarannu manga walahanna, wuṛṛu i ya'u nangaṛṛo saddia mangitou. Ere bantenga i ya'u naṛṛinda manga taumata apan uaparenta.