2 MARARATU 18:5 - WUKE SUSI WATTI'U AL᷊AL᷊USASSA

⁵ Suwallatu anambon ratun Yehuda, mawae ete dorone aroddi lai manansunna si Hizkia, taweddu ere i tou. I tou mangngimanna Mawu, Ruatan Israel,

2 MARARATU 18:5 Referans Kwoze

2 MARARATU 23:25

Taambe saran paassa pia ratu ere i Ratu Yosia apan matuṛṛutta Mawu ringannu ahewallu naungnge, napal᷊iatta'u pabbiaṛanne wuṛṛu pallal᷊agune, uasul᷊ungu anambon tita apan uawoṛṛetta sulal᷊ummu Wuken Musa. Manansunna si Ratu Yosia, tate lai ratu ere i tou.

2 MARARATU 19:10

Arendi tingikku suratta udde, “Arie aawusuannu pa'airen Ruatanu apan ipammunganu udde manungku i'o tawe manawo sulal᷊ummu lima'u.

MATIUS 27:43

I Tou mangngimanna Ruata wuṛṛu mabbisara manungku i Tou Ana'u Ruata. Ne, wette i ite ma'ellega tanne Ruata manal᷊amatta si Tou orassa indi.”

EFESUS 1:12

Wala'e i ite, apan paarorone mangngantima si Kristus, maddalo Ruata ana waugu awawantu-Ge!

DARALO 84:12

Ana waugu Mawu Ruata mallal᷊u'addi ite wuṛṛu ratu apan mawantuga, apan nangonggolla si ite darangngu wuṛṛu aaddatta. I Tou manol᷊a'u sarangkanambone apan mapia su saruannu taumata apan wiakke tawe angngone.

DARALO 13:5

Arie pabbala'a see'u mabbisara manungku i mangitou buatte namaddo'u. Arie pabbala'a i mangitou manappissi'a si ya'u.

AYUB 13:15

I ya'u nauutulle ana waugu niasueanten ṛingidda! Amungkangngu Ruata mappulute mamate si ya'u, i ya'u manantilla, arawe i ya'u sarun manahekku pallal᷊agu'u su saruan-Ne.

2 TAWARIKH 20:35

Su sambau tempo i Yosafat ratun Yehuda na'ola'a paa'aukku paggahawe ringanni Ahazia ratun Israel, apan na'ola'a manambo al᷊al᷊eo.

2 TAWARIKH 20:20

Tiṛṛabbine marua allo maṛṛanggapa, tumanangnge sinumabbangnga wuṛṛu inaite watukku wageangngu wadda'a maranin Tekoa. Sutempo i mangitou umamatte, Yosafat nangonggolu tanata indi si mangitou, “Tumana'u Yehuda wuṛṛu Yerusalem! Pangimante Mawu Ruatanu, ne i yamiu sidutu wiakka. Sengkampe tatantiro wuassu manga nabinu, ne i yamiu sarun maasomba hessine!”

2 TAWARIKH 14:11

Ana see i Asa inumal᷊iomanna su Mawu Ruatane, “Mawu tumba'u I'o apan wotongnge massumbala sisai lome apan uasaruanna sisai apan matohassa. Ontol᷊ewe yami orassa indi, oh Mawu Ruatan kami! Tumba'u Si'o yami uaantimma wuṛṛu sulal᷊ummu arannu yami sumabbangnga mapapangalo mando'appa tantara apan manambo indi. Mawu, Tumba'u I'o Mawu Ruatan kami. Ariewe pabbala'a I'o iawaddon taumata.”

YESAYA 36:7

Wua'udde tembonannu tantaran Asyur udde nabbisara, “Ara'e asinungka i yamiu mabbisara manungku i yamiu uaantimma Mawu Ruatanu? Sutempo i Hizkia mammarenta tadea'u taumatan Yehuda wuṛṛu Yerusalem tumba'u mattaṛṛamawu su saruannu mezbah su Yerusalem, wal᷊inewe apan nihohakke udde mezbah wuṛṛu manga tampa passubbanna Mawu sassane?

YESAYA 38:3

“Mawu, naungewe manungku i ya'u indi buatte nattaṛṛamawu Si'o ringannu satia wuṛṛu naungnga matul᷊idda. I ya'u sidutu mattinsahadda tuttuṛṛutta apulu-Nu.” Wua'udde i Hizkia nilumuai ringannu massusa.

2 MARARATU 18:19

Sangkatou perwiran tantaran Asyur udde nabbisara si mangitou, “Wal᷊oa'a si Hizkia wisaran ratun Asyur indi: ‘Anio i'o uapendamma watangannu matohassa?