2 MARARATU 18:22 - WUKE SUSI WATTI'U AL᷊AL᷊USASSA

²² Wua'udde tembonannu tantaran Asyur udde nabbisara, “Ara'e asinungka i yamiu mabbisara manungku i yamiu uaantimma Mawu, Ruatanu? Sutempo i Hizkia namarenta tadea'u taumatan Yehuda wuṛṛu Yerusalem tumba'u mattaṛṛamawu su saruannu mezbah su Yerusalem, wal᷊inewe apan nihohakke udde mezbah wuṛṛu manga tampa passubbanna Mawu sassane?

2 MARARATU 18:22 Referans Kwoze

2 TAWARIKH 31:1

Napawe ramea nuddusse, tumanangnge sarangkanambone inaite su al᷊awo'u soa su Yehuda, ana see nanggohakku manga pale pasasubbanna, naṛṛa'an manga paal᷊uanna apan niaparisikka hunan Mongannu Asyera, wuṛṛu nanggohakku manga mezbah see lai manga tampa passubbanna paal᷊uanna. I mangitou na'ola'a aroddi lai su manga tampa waine su Yehuda, see su wageangngu leta'i Benyamin, Efraim, wuṛṛu Manasye. Wua'udde i mangitou sarangkanambone napul᷊ete su wanuane sambau-sambau.

1 KORINTUS 2:15

Taumata apan uatahuanna Ghaṛṛahon Duata wotongnge maatiala al᷊awo'u inolaanna, arawe tawe saran sangkatou wotongnge maatiala si tou.

MATIUS 27:43

I Tou mangngimanna Ruata wuṛṛu mabbisara manungku i Tou Ana'u Ruata. Ne, wette i ite ma'ellega tanne Ruata manal᷊amatta si Tou orassa indi.”

DANIEL 3:15

Ne, orassa indi, i yamiu mappulu umal᷊intudda wuṛṛu massubba paal᷊uanna udde sutempo musikka manuntingikka? Amungkangngu i yamiu maddiri, i yamiu sarun ituntungnga sulal᷊ummu pandu'u putungnga pan tantal᷊anna lukkenggamma. Wuṛṛu monganna suapa apan wotongnge manal᷊atta si yamiu wuassu taṛṛino'u?”

YESAYA 36:7

Wua'udde tembonannu tantaran Asyur udde nabbisara, “Ara'e asinungka i yamiu mabbisara manungku i yamiu uaantimma Mawu Ruatanu? Sutempo i Hizkia mammarenta tadea'u taumatan Yehuda wuṛṛu Yerusalem tumba'u mattaṛṛamawu su saruannu mezbah su Yerusalem, wal᷊inewe apan nihohakke udde mezbah wuṛṛu manga tampa passubbanna Mawu sassane?

2 TAWARIKH 32:12

Ete i tou apan manggohakku manga tampan patataṛṛamawuanna wuṛṛu manga mezbah Mawu, ana see mandolokku taumatan Yehuda wuṛṛu Yerusalem mattaṛṛamawu wuṛṛu manambunnu amania tumba'u su mezbah sambau.

2 MARARATU 18:23

Orassa indi ringannu arannu ratun Asyur, i ya'u waṛṛani mabbataṛṛu manungku amungkangu i yamiu onggol᷊annu 2.000 awal᷊o, i yamiu tawe uatahuanna taumata anambone ereudde maola'a sumasa'ene.

2 MARARATU 19:6

i Yesaya nandolokku manga daroloṛṛanna udde niapawal᷊on sasimbakke indi, “Mawu nabbisara, i Tuanga arie paata'utta maaringikka wisaran manga allangi ratun Asyur udde manungku Mawu tawe mamallossi tou.

TAHIUL᷊E 12:5

Wuassu ahewallu wageangngu leta'u ṛuangannu Israel, Mawu Ruatanu sarun mamile sambau tampa tadea'u walahanni ite wotongnge rumanta su saruan-Ne wuṛṛu massubba si Tou.

TAHIUL᷊E 12:11

Wua'udde Mawu Ruatanu sarun mamile sambau tampa suapa i Tou ṛinone subbanna. Ete isudde i yamiu ṛinone inai mangapiddu al᷊awo'a apan buatte niparenta, eteudde sasamba itattambunna wuṛṛu manga sasamba waine, sasamba sepere mapul᷊o wuassu inasaharannu wuṛṛu sasamba al᷊aṛṛaene apan buatte nipa'irenu su Mawu.

TAHIUL᷊E 12:14

arawe tumba'u su tampa apan nipilen Mawu suwallatu sambau tampa wageangngu walahannu. Tumba'u isudde i yamiu ṛinone mangonggolu sasamba itattambunna wuṛṛu ma'ola'a manara wal᷊ine apan ta'u niparenta si yamiu.