2 MARARATU 18:21 - WUKE SUSI WATTI'U AL᷊AL᷊USASSA

²¹ I'o atonna uaantimma sasumbala wuassu Mesir, arawe udde uasul᷊ungu nappaattu akke niola'a ta'inna; ta'inna udde sarun mapaddi wuṛṛu limanu mal᷊okko'a. Etearoddi inolaannu ratun Mesir su anambon taumata apan mangngantimma si tou.’ ”

2 MARARATU 18:21 Referans Kwoze

YESAYA 30:7

Tul᷊ungannu Mesir naola'a tawe gunane. Ana waugu udde Mesir nisaggo, ‘Naga apan tawe maasilaka.’ ”

YEREMIA 46:17

Onggol᷊eten aranna wakku su ratu Mesir; ‘Itaṛṛa hahio apan namalan tempo mapia.’

YESAYA 36:6

Atonna i'o uaantimma sasumbala Mesir, arawe udde nassul᷊ungngu mappaattu alun akke olaanna ta'inna; – sal᷊immurine ta'inna udde mapaddi wuṛṛu limanu ma'usu'a. Etearoddi ratun Mesir su anambon taumata apan uaantimma si tou.’ ”

2 MARARATU 17:4

Arawe su sambau tempo, i Hosea nandolokku daroloṛanna ringanni So ratun Mesir nadorongnga sasumbala. Ana see i Hosea naddote namaekka wose suapan tonna su Asyur. Napawe i Salmaneser naasingkata pallal᷊agun Hosea udde, i tou nanametta si Hosea wuṛṛu nitaṛṛo sulal᷊ummu tuttupanna.

YESAYA 1:1

Wuke indi lal᷊oṛṛoannu manga tanata su ola'u Yehuda wuṛṛu Yerusalem apan niapal᷊iatta'u Ruata si Yesaya ana'i Amos sutempo i Uzia, i Yotam, i Ahas wuṛṛu i Hizkia namarenta su Yehuda.

YESAYA 20:5

Manga taumata apan mangngasakku ara'e mangngantimma Sudan wuṛṛu mangngasakku Mesir sarun sumassilla wuṛṛu awul᷊iannu antimma.

YEREMIA 46:2

manatakku Mesir. I tou namasingkatta si ya'u su ola'u tantara Nekho ratu Mesir, apan niawaddo su Karkemis maranin Sal᷊ukku Efrat ṛatanganni Nebukadnezar ratun Babel su tonna aiappanne sutempo i Yoyakim, ratun Yehuda uaparenta. Eteindi wisara apan niapasingkattu Mawu su ola'u udde,

HOSEA 1:1

Eteindi tanata apan nionggollu Mawu si Hosea ana'i Beeri sutempo araratuannu Yehuda nallal᷊isansunna paparentanni Ratu Uzia, Yotam, Ahas, see Hizkia, wuṛṛu araratuannu Israel paparentanni Yerobeam ana'i Yoas.

YESAYA 30:1

Mawu nabbisara, “Nasilakate manga piaṛṛa'u Yehuda, ana waugu i mangitou lullawangnga si Ya'u. I mangitou tinumuṛṛutta manga ṛiinna apan bal᷊ine ṛiing-Ku. I mangitou nabartanda pa'aire apan lumawangnga apulu-U. Ne rosa mangitou pasi ombote.