2 MARARATU 18:14 - WUKE SUSI WATTI'U AL᷊AL᷊USASSA

¹⁴ Ne si Sanherib apan uatana'a su Lakhis, i Hizkia nangirimmu watti'a indi, “I ya'u nassal᷊ate. Ana waugu udde, i ya'u sumal᷊ande tadea'u i Tuanga tate mamangalo si yami. Anambon darorongi Tuanga sarun ta'u tipusanna.” I Sanherib sinumimbakka manungku i Hizkia ṛinone mangirimma si tou 10.000 su kilone sal᷊a'a, wuṛṛu 1.000 su kilone wul᷊awanna.

2 MARARATU 18:14 Referans Kwoze

2 MARARATU 18:7

Ana waugu udde Mawu sidutu mantul᷊ungngi tou na'oman sara i tou pia gessine su al᷊awo'u inasaharanne. I tou namangalo ratun Asyur, wuṛṛu maddiri massubba si tou.

LUKAS 14:32

Amungkangngu i tou masingkatte manungku i tou lome, asinungka su tempo seenne ta'e marau, i tou mandolokku ralol᷊oṛṛanne inai madorongnga maddame.”

AMSAL 29:25

Matta'uttu addapattu taumata, pangillul᷊eanne asasusa. Pangimante Mawu, ne i'o sarun matammudda.

1 MARARATU 20:4

I Ahab sinumimbakka, “Wal᷊oa'a si tuangnga Ratu Benhadad manungku i ya'u mappulu. I tou wotongnge manahuanna si ya'u wuṛṛu al᷊awo'u darotongku.”

2 MARARATU 10:5

Ana waugu udde tembonannu wal᷊en araratuanna wuṛṛu tembonannu soa suadio'a ringannu manga matatimmadu soa wuṛṛu manga mabawuwunna ana'i Ahab udde nangirimmu watti'a indi si Yehu, “Yami uasuṛṛubbawa si Tuanga wuṛṛu walate i Tuanga mandolokki yami. Yami tawe mamile sisai-sai maola'a ratu. Ola'e apa apan mapia tumuṛuttu aellegi Tuanga.”

2 MARARATU 19:8

Perwiran Asyur naaringikka watti'a manungku ratune nanantangken Lakhis wuṛṛu tantal᷊anna uapapangalo mando'appa soan Libna, tawe marau wua isudde. Ne perwira tantara udde inaite naisasomban ratune udde.

YEREMIA 34:7

sutempo tantaran ratun Babel tantal᷊anna mammangalo soa udde. I mangitou lai namangalo soa Lakhis wuṛṛu Aseka, darua soa pia tanda batune apan ta'e pia su Yehuda.

2 MARARATU 15:20

Ereapa lal᷊anne i Menahem maasomba roitta, eteudde ringannu mammata'u manga taumata ala su Israel sangkatou mangonggolu liman pul᷊o roitta sal᷊a'a. Ana waugu udde i Pul nanantangu wanua udde wuṛṛu napul᷊ete watukku wanuane sassane.