2 MARARATU 18:11 - WUKE SUSI WATTI'U AL᷊AL᷊USASSA

¹¹ Wua'udde ratun Asyur nangapiddu taumatan Israel apan niawawi udde watukku Asyur; sambageanganna wuassi mangitou niapaatana'a su soa Halah, sambageanganna maranin Sal᷊ukku Habor su wageangu leta'u Gozan, wuṛṛu sambageanganna lai su manga soa su wanua Madai.

2 MARARATU 18:11 Referans Kwoze

1 TAWARIKH 5:26

Ana waugu udde Ruata nangal᷊oren naungngi Pul ratun Asyur, ne i tou inaite namangalo wanua udde. I Pul iasaggo lai i Tiglat-Pileser. Ana see ṛuanganni Ruben, i Gad wuṛṛu i Manasye apan uatana'a su samba'a ra'in Yordan niapidda naola'a taumata niatawanna wuṛṛu niwuangnga su Halah, Habor, Hara wuṛṛu watukku sambau tampa maranin Sal᷊ukku Gozan. Poiaroddi i mangitou natana'a wuṛṛu namanua naddatingngu allo indi.

YESAYA 37:12

Sutempo udde al᷊amona'u nakkimunsa'a soan Gozan, Haran, wuṛṛu Rezef, see lai namate manga taumatan Eden apan uatana'a su Telasar, tawe saran sangkatou wuassu manga monganni mangitou nanal᷊amatta si mangitou.

2 MARARATU 17:6

– apan maola'a tonna assione sutempo i Hosea uaparenta – i Salmaneser naapangaṛṛo Samaria. Ana see taumatan Israel niapidda naola'a ere taumata niawawi watukku Asyur. Sambageanganna wuassi mangitou niapaatana'a su soan Halah, sambageanganna maranin Sal᷊ukku Habor su leta'u Gozan, wuṛṛu sambageanganna lai su manga soa wanua Madai.

WATTI'U MANGA RASUL 7:43

Ete rasanna pasasubbanna si Molokh apan ia'apiddi yamiu suadio'a ringannu paal᷊uannu winatangnga sassubbannu, eteudde Refan; eteudde paal᷊uanna niola'a sassubbanni yamiu. Ana waugu udde i Ya'u sarun mallimbuakka si yamiu marau-rau watukku samba'a wanua Babel.’

AMOS 5:6

Pabbelengke ringannu Mawu, ne i yamiu sarun mabbiakka. Amungkangngu i yamiu tawe mabbelengnga ringanni Tou, i Tou sarun dumanta ere putungnga apan lullewa wuṛṛu manoṛṛobba taumatan Israel ma'oman sara masue. Su Betel tawe saran sangkatou apan wotongnge mamaddumma putungnga udde.

HOSEA 9:3

I yamiu, ei walahannu Israel, tawe sidutu uatana'a su leta'a apan niongonggollu Mawu si yamiu. I yamiu ṛinone mabbelengnga su Mesir, wuṛṛu ṛinone umanna anna ipapapalli su Asyur.

YESAYA 10:11

Samaria wuṛṛu anambon walahanne buatte ta'u nipate. Sansul᷊ungnga lai ta'u olaanna su Yerusalem ringannu anambon paal᷊uanna apan sassubbanna poiaroddi.”

YESAYA 10:5

Mawu nabbisara, “Nasilakate Asyur! Asyur Ta'u ipaatta maola'a sambokka wuṛṛu pal᷊o-pal᷊o ipamuulla manga taumata apan niaṛṛinoannu asasa'u-U.

YESAYA 8:4

Waugu tantal᷊anna ana'a udde ta'e addio'a taambe maasaggo ‘Papa’ wuṛṛu ‘Mama’, anambon paa'alan Damsyik wuṛṛu anambon saranapa niṛṛampassu Samaria sarun ṛuwoanna ringannu ratun Asyur.”

YESAYA 7:8

ana waugu Siria tawe mattohasanna wuassu Damsyik inangngu soane, wuṛṛu Damsyik tawe mattohasanna wuassi Ratu Rezin. Arawe sulal᷊ummu tempo annumu pul᷊o l᷊ima su tonnane, Israel sarun massal᷊iawukka ma'oman sara tawe matatana'a ere sambau walahanna.

2 MARARATU 19:11

I'o naaringikke manungku suapan banua apan nipangaloannu manga ratun Asyur, mangke naṛṛimunsa'a. Arie pappahi i'o wotongnge maal᷊assanga!

2 MARARATU 21:8

Wuṛṛu amungkangu walahannu Israel maddaringikka anambon parenta-U wuṛṛu tuttuṛṛutta manga tita-U apan Ta'u nionggola si Musa allang-Ku, ne i Ya'u tawe mamalan mangitou limbuaṛṛanna wuassu wanua apan buatte Ta'u nionggola su al᷊amona mangitou.”

2 MARARATU 23:27

Mawu nabbisara, “Sarangkanambone apan buatte Ta'u niola'a su saruannu Israel. Sarun Ta'u olaanna lai su saruannu Yehuda. Taumatan Yehuda sarun Ta'u iramme wuassu wanua apan Ta'u ionggola si mangitou. I Ya'u sarun manol᷊a'u Yerusalem, soa apan nipile-U, wuṛṛu lai wal᷊e-U indi, apan tumuṛṛuttu wisara-U sarun maola'a tampa patataṛṛamawuanna si Ya'u.”

YESAYA 36:2

Wua'udde i tou nandolokku tembonannu tantara atanggaṛṛanne wuassu Lakhis watukku Yerusalem ringannu tantara apan manambo ipaddorongnga tadea'u i Ratu Hizkia manga'u mawaddo. I mangitou na'oma su soa udde wuṛṛu namile tampa su wawail᷊anna apan isassago Waillu Mabbawansalla, maranin hote apan pangleṛṛannu ua'e wuassu rano al᷊iu rosone.

AMOS 2:6

Mawu nabbisara, “Taumatan Israel masokkate ma'ola'a rosa, ana waugu udde i Ya'u sarun makkuumanni mangitou. Taumata matulidda apan tawe maawelengngu awallanne, buatte niwal᷊u'i mangitou maola'a allangnga Arodi lai inolaanni mangitou su taumata asiangnga apan tawe maawaekka awallanne, salaiwe awallassa udde tumba'u ere areggan sampare silope.

2 MARARATU 15:29

Sutempo i Pekah uaparenta, i Tiglat-Pileser ratun Asyur nangaṛo soan Iyon, Abel-Bet-Maakha, Yanoah, Kedes, Hazor, waageangu Gilead, Galilea wuṛṛu Naftali. Tumanange apan niasametta niaapidda lai watukku Asyur.

NEHEMIA 9:30

Tonna uahahanti tonna I'o masabbare mapaanaungngi mangitou; napaattu manga nabi, Ghaṛṛaho-Nu nabbisara si mangitou. Arawe uman-Nu udde nanappingnga tal᷊inga, ana see I'o nanantilli mangitou su manga walahannu al᷊awo'u wanua.