2 MARARATU 17:23 - WUKE SUSI WATTI'U AL᷊AL᷊USASSA

²³ na'oman sara panginsueanne Mawu tate lai ma'ellega si mangitou, ewe'e i mangitou niramme wuassu leta'a apan nionggoli Tou si mangitou. Udde nariaddi uasul᷊ungu tatagu apan nionggolu Mawu si mangitou wuassu manga allang-Nge, manga nabi. Etearoddi taumatan Israel niapidda su pamamuangana su Asyur, wuṛṛu ete isudde i mangitou namanua naddatingu allo indi.

2 MARARATU 17:23 Referans Kwoze

2 MARARATU 17:6

– apan maola'a tonna assione sutempo i Hosea uaparenta – i Salmaneser naapangaṛṛo Samaria. Ana see taumatan Israel niapidda naola'a ere taumata niawawi watukku Asyur. Sambageanganna wuassi mangitou niapaatana'a su soan Halah, sambageanganna maranin Sal᷊ukku Habor su leta'u Gozan, wuṛṛu sambageanganna lai su manga soa wanua Madai.

2 MARARATU 17:13

Mawu nandolokku manga daroloṛṛanna wuṛṛu manga nibi-Ne su walahannu Israel wuṛṛu Yehuda iapapasingkattu sasingadda indi: “Pangillol᷊ote ma'ola'a al᷊al᷊eo wuṛṛu tattuṛṛute al᷊awo'u parenta wuṛṛu tita apan Ta'u nionggola su al᷊amonanu wuṛṛu si yamiu wuassu manga nabi, manga allang-Ku udde.”

AMOS 5:27

Amungkangngu i Ya'u mandammen kamiu su sambau wanua apan marau su Damsyik. I Ya'u Mawu aranne Ruata Apan Lembontaṛṛino buatte nabbisara.”

2 MARARATU 17:20

ne Mawu lai tate nanga'u anambon walahannu Israel. I Tou nakkuumanna wuṛṛu nanantili mangitou su manga seetti mangitou apan mal᷊aṛṛaga. I Tou tate lai umakkanni mangitou, ewe'e i mangitou niramme wuassu leta'a apan buatte nionggoli Tou si mangitou.

2 MARARATU 17:18

na'oman sara i Tou nasa'u atonna si mangitou wuṛṛu tate lai ma'ellega si mangitou. I Tou nandammen mangitou wuassu leta'a apan nionggoli Tou si mangitou; apan natantanga tumba'u araratuannu Yehuda.

1 MARARATU 14:16

Mawu sarun manantangngu Israel ana waugu i Yerobeam buatte na'ola'a rosa wuṛṛu naaola'a lai taumatan Israel narosa.”

MIKHA 1:6

Ana waugu udde Mawu nabbisara, “I Ya'u sarun ma'ola'a Samaria ombon winal᷊alanna su wadda'a, wuṛṛu tampan taumata massuannu punnu anggore. Winal᷊alannu soa udde sarun Ta'u iramme watukku wawal᷊anne, wuṛṛu manga rapappakke sarun isongkakka.

1 MARARATU 13:2

Wuassu parentan Mawu nabi nabbisarate su mezbah udde, “Ei mezbah, ei mezbah! Arendi wisaran Mawu, ‘Sangkatou ana'a apan isassaggo Yosia sarun iasungkangnga sulal᷊ummu amonanni Daud. Uarandangnga si'o, ei mezbah, i tou sarun mamate manga imam apan mammanara su manga tampan patataṛṛamawuanna monganna, wuṛṛu apan lai buatte nangonggollu sasamba uarandangnga si'o. Wuṛṛu su wowonu lai i tou sarun manambunu manga duṛṛin taumata.’ ”

1 MARARATU 9:7

ne i Ya'u sarun mallimbuakka uma-U wuassu wanua apan buatte Ta'u nionggolla si mangitou. I Ya'u lai sarun manantangngu wal᷊en indi apan buatte Ta'u nitantunna maola'a tampa patataṛṛamawuanna si Ya'u. Suapan tampa taumatan Israel sarun lobbosanna wuṛṛu ilallage.

2 MARARATU 17:22

I mangitou tinumantalonga tul᷊adan Yerobeam wuṛṛu sidutu ma'ola'a anambon dosa apan niolange,

TAHIUL᷊E 32:20

Wisara-Ne, ‘I Ya'u maddirite mantul᷊ungngi mangitou apia; walate Ta'u ellehanna tanne ereapa panginsueanni mangitou. Ana waugu walahanna udde maatikka puane wuṛṛu mangke tawe tumuṛṛutta.

YOSUA 23:13

paanaunge, Mawu Ruatanu sarun tate mallimbuakka manga walahanna udde lai ana waugu i yamiu. Arawe mawal᷊i'a, i mangitou sarun maasilaka atonna si yamiu, ana waugu i mangitou sarun maola'a ere wal᷊ati'a ara'e sedda si yamiu. I mangitou lai sarun mapaasusan kamiu; ana waugu i mangitou sarun maola'a ere sambokka su liuddi yamiu ara'e ere duṛṛi su lal᷊ummu matanu i yamiu sidutu uatataṛaṛangnga ma'oman sara tawe saran sangkatou su wallati yamiu apan matantangnga su wanua mapia indi apan nionggolu Mawu Ruatanu si yamiu.

MAL᷊AṚṚUUNGNGA 18:30

Paal᷊uanna sassubbanna apan niapiddi mangitou udde, niapararisikki mangitou su soa udde ana see nanenegi Yonatan, ana'i Gersom, pulunni Musa, maola'a imammi mangitou. Papapulunni Gersom indi sidutu ma'ola'a imam su ruanganni Dan na'oman sara walahannu Israel niapidda wuṛṛu niramme watukku wanua waine.

2 MARARATU 3:3

Arawe, uapapaṛalan ere i Ratu Yerobeam ana'i Nebat apan namarenta liuṛorone wuassitou, i tou lai naaola'a taumatan Israel narosa wuṛṛu tawe illol᷊one ma'ola'a inolaanna udde.

2 MARARATU 13:23

Arawe Mawu marangnge walahan-Ne wuṛṛu nangampunga si mangitou. I Tou maddiri mamalan mangitou pateanna, arawe nangontolla si mangitou, ana waugu pa'aire-Ne si Abraham, si Ishak wuṛṛu si Yakub. Na'oman sara orassa indi i Tou tawe maabul᷊in walahan-Ne.

2 MARARATU 21:14

Tumanange apan ta'e natantanga sarun Ta'u iwala maola'a inassu seenne, apan sarun malluatta laubba wuṛṛu mangaṛṛo wanuan mangitou.

2 MARARATU 23:27

Mawu nabbisara, “Sarangkanambone apan buatte Ta'u niola'a su saruannu Israel. Sarun Ta'u olaanna lai su saruannu Yehuda. Taumatan Yehuda sarun Ta'u iramme wuassu wanua apan Ta'u ionggola si mangitou. I Ya'u sarun manol᷊a'u Yerusalem, soa apan nipile-U, wuṛṛu lai wal᷊e-U indi, apan tumuṛṛuttu wisara-U sarun maola'a tampa patataṛṛamawuanna si Ya'u.”

2 MARARATU 24:3

Olangnge udde sarun mariaddi, ana waugu Mawu buatte nabbisara manungku walahannu Yehuda sarun iramme wuassu wanua apan nionggolu Mawu si mangitou. I mangitou niramme ana waugu al᷊awo'u rosa apan niola'i Ratu Manasye;

2 MARARATU 25:21

su wageangu leta'u Hamat. Poiaroddi i mangitou nisansara wua'udde nipate. Etearoddi manga taumatan Yehuda niṛoota wuassu wanuan mangitou wuṛṛu niapidda watukku leta'a pamamuanganna.

NEHEMIA 9:32

Oh Ruata, Ruatan kami apan matohassa! Ruata apan bahewalla wuṛṛu masiṛṛungnga! Ringannu satia I'o uaaggassa al᷊awo'u paaire; manga paaire-Nu I'o nanipussa wuṛṛu niapaaman-Nu. Ro'en tempon manga ratun Asyur mangngallangnga si yami na'oman sara orassa indi, manambo asasusa apan naṛṛia'a si yami. Manga ratun kami, imam, nabi wuṛṛu manga matatimmaddu wanua, wuṛṛu lai al᷊amona wuṛṛu tumana'a, buatte natataṛṛangnga sarangkanambone. Arie paabul᷊iane anambon asasusa udde! Arie timbul᷊ianan-Nu wuassu naung-Ngu!

DARALO 51:13

Ariewe mandamme'u wuassu saruan-Nu, wuṛṛu ariewe mangal᷊appa gaṛṛaho-Nu apan susi wuassi ya'u.

YESAYA 7:8

ana waugu Siria tawe mattohasanna wuassu Damsyik inangngu soane, wuṛṛu Damsyik tawe mattohasanna wuassi Ratu Rezin. Arawe sulal᷊ummu tempo annumu pul᷊o l᷊ima su tonnane, Israel sarun massal᷊iawukka ma'oman sara tawe matatana'a ere sambau walahanna.

YEREMIA 7:15

I yamiu sarun Ta'u limbuaṛṛanna wuassu saruang-Ku ere lai Ya'u buatte nallimbuakka manga amonannu, umattu Israel.”

YEREMIA 52:3

Mawu mangke nasa'u su tumana'u Yerusalem wuṛṛu taumatan Yehuda na'oman sara i Tou nallimbuakka si mangitou wuṛṛu tate mandiaga si mangitou lai. I Zedekia nilumawangnga si Nebukadnezar ratun Babel,

HOSEA 12:3

Mawu uatahuanna hatto ringannu walahannu Yehuda; i Tou lai sarun makkuumannu Israel ana waugu pallal᷊aghun mangitou. I Tou sarun mabbal᷊issa inolaanni mangitou.

MIKHA 1:5

Sarangkanambone udde sarun mariaddi ana waugu taumatan Israel marosa wuṛṛu mammangalo su saruannu Ruata. Isaite apan naaola'a Israel marosa? Wal᷊inewe Samaria inangngu soane sassane? Isaite apan naaola'a Yehuda massubba paal᷊uanna? Wal᷊inewe Yerusalem sassane?

MIKHA 2:5

Ana waugu udde, napawe nia'omante tempone wanua udde iapawelengnga su umattu Mawu, tawe saran sangkatou wuassi yamiu apan sarun manengkamma wageangnge.