2 MARARATU 17:21 - WUKE SUSI WATTI'U AL᷊AL᷊USASSA

²¹ Napawe Mawu naṛṛaeten Israel wuassu Yehuda, taumatan Israel namile si Yerobeam ana'i Nebat naola'a ratun mangitou. Ana see i Yerobeam naaola'a si mangitou nanantangu Mawu wuṛṛu na'ola'e manga rosa apan bahewalla.

2 MARARATU 17:21 Referans Kwoze

1 MARARATU 11:11

Mawu nabbisara, “Ana waugu ringannu ṛingiranna masemakka i'o nilumawangnga pa'airenu si Ya'u wuṛṛu tawe tinumuṛṛutta manga parenta-U, ne i Ya'u sarun mangaṛṛo araratuanna udde wuassi'o, wuṛṛu ionggolla su sangkatou mammamanaran araratuannu.

1 MARARATU 11:31

Wua'udde i tou nabbisarate si Yerobeam, “Anute mapul᷊on pototta si'o, ana waugu Mawu, Ruatan Israel, nabbisara arendi si'o, ‘I Ya'u sarun mangaṛṛo araratuanna indi wuassi Salomo, wuṛṛu mangonggollu mapul᷊o ṛuanganna si'o.

1 MARARATU 14:16

Mawu sarun manantangngu Israel ana waugu i Yerobeam buatte na'ola'a rosa wuṛṛu naaola'a lai taumatan Israel narosa.”

YOHANES 19:11

Mawu Yesus sinumimbakka, “Amungkangngu Ruata tawe mangonggolu taṛṛino udde si'o, i'o atonna-tonna tawe taṛṛino su riri-U. Ana waugu udde taumata apan nanantillu riri-U si'o, magewal᷊anna rosane wuassu rosanu.”

YESAYA 7:17

Mawu sarun mandantan ratun Asyur, ana see i'o wuṛṛu anambon lal᷊oṛṛon bal᷊enu se'e tumana'u soa sarun mamendamma manga allo napenen asasuṛṛipitta apan maggewal᷊anna wuassu sarangkanambone apan buatte niapendamanni yamiu ro'en araratuannu Israel wuṛṛu Yehuda natahia darua.

DARALO 25:11

Mawu, ampungewe i ya'u ere buatte nipa'ire-Nu, ana waugu pasasal᷊a'u tumaniten wahewalla.

2 TAWARIKH 11:15

Yerobeam nanenegu manga imam apan hunane si tou sassane ipa'imbe su manga tampa pasasubbanna paal᷊uanna wuṛṛu ipassubba manga setanna see lai paal᷊uannu sapi apan nilanginne sassane.

2 TAWARIKH 11:11

I tou nanohassa manga soa apan pia tanda'a watune udde wuṛṛu napatana'au sangkatou piaṛṛa'u tantara su anambon soa udde. Sambau-sambau soa udde pia saddiane anna, lanan zaitun wuṛṛu anggore

1 MARARATU 14:8

I'o buatte Ta'u nionggol᷊annu araratuanna apan Ta'u niaṛṛo wuassu papapulunni Daud. Arawe i'o tawe ere allang-Ku Daud. I tou matamudda atonna si Ya'u wuṛṛu matuṛṛutta su parenta-U. I tou ma'ola'a tumba'u su apa apan ipaapulu-U.

1 SAMUEL 2:24

Ariete pa'ola'a aroddi ana'u. Tumaniten dal᷊eo atonna inolaanna apan ipagahatton walahannu Mawu su ola'i yamiu!

1 SAMUEL 2:17

Etearoddi ruan katou ana'i Eli udde na'ola'a rosa apan bahewalla su lantakku hatin Mawu, ana waugu itarua manggal᷊usa'a sasamba apan ia'onggolla su Mawu.

SASABANGNGA 32:21

I tou nabbisara si Harun, “Apate niola'i mangitou si'o na'oman sara niwalanu i mangitou na'ola'a rosa wahewalla?”

PANDARIADDI 20:9

Wua'udde i Abimelekh namago si Abraham wuṛṛu naiwal᷊o, “Apa apan buatte niolangngu su saruanni yami? Apa sal᷊a'u su saruannu, na'oman sara i'o nandantan asasilaka si ya'u wuṛṛu su araratuangku? Tawe suṛṛinone inolaannu aroddi su saruangku.

1 MARARATU 13:34

Inolaanne apan dal᷊eo udde pinangillul᷊eanne papapulunne nasilaka wuṛṛu mangke naṛṛimunsa'a.

2 MARARATU 17:22

I mangitou tinumantalonga tul᷊adan Yerobeam wuṛṛu sidutu ma'ola'a anambon dosa apan niolange,

2 MARARATU 3:3

Arawe, uapapaṛalan ere i Ratu Yerobeam ana'i Nebat apan namarenta liuṛorone wuassitou, i tou lai naaola'a taumatan Israel narosa wuṛṛu tawe illol᷊one ma'ola'a inolaanna udde.