2 MARARATU 17:15 - WUKE SUSI WATTI'U AL᷊AL᷊USASSA

¹⁵ Israel wuṛṛu Yehuda maddiri tumuṛṛutta manga parentan Mawu wuṛṛu tawe tumuṛṛutta pa'aire apan buatte niolange ringannu al᷊amonan mangitou, ewe'e mattaṛṛamawu manga monganna tawe gunane, na'oman sara i mangitou sassane lai naola'a tawe gunane. I mangitou mannantuṛṛutta tul᷊adan manga walahanna su al᷊indonganni mangitou, salaiwe Mawu buatte naningadda.

2 MARARATU 17:15 Referans Kwoze

TAHIUL᷊E 32:21

I mangitou na'ola'a i Ya'u nasa'u su saranapa apan wal᷊ine Ruata, wuṛṛu massa'u su paal᷊uanna sassubbanni mangitou. Ne i Ya'u na'ola'a manga al᷊aṛṛana-U nasa'u su apa apan wal᷊ine walahanna, wuṛṛu nasa'u su walahanna apan longonna.

YEREMIA 2:5

Mawu nabbisara, “Pasasal᷊a apate apan niasombangannu al᷊amonanu si Ya'u, na'oman sara i mangitou nandal᷊eo si Ya'u? I mangitou sidutu massubba paal᷊uanna apan tawe gunane wuṛṛu panginsueanne i mangitou sassane nabbal᷊i nahelo.

YEREMIA 8:9

Manga mapapande suwallatti yamiu sarun pansilianna. I mangitou sarun awul᷊iannu ṛingidda wuṛṛu asametanna. I mangitou maddiri manengkamma tatantiro-U; orassa indi, asingkatta apa apan ta'e pia si mangitou?

1 MARARATU 16:13

I Baesa wuṛṛu i Ela, anangnge, massubba manga monganna wuṛṛu pangillul᷊eanne taumatan Israel na'ola'a rosa. Ana waugu udde, i mangitou nandantan asasa'un Mawu, Ruata apan ṛinone subbannu taumatan Israel.

1 KORINTUS 8:4

Su ola'u hatto u'anna anna apan buatte nionggola sasamba su paal᷊uanna, i ite masingkata manungku paal᷊uanna udde ere ola'u sambau apan tawe baddi'a. Wuṛṛu i ite masingkata lai manungku Ruata tumba'u sambau; tawe bal᷊ine.

YEREMIA 44:4

I Ya'u ṛinone sidutu mandolokka ringanni yamiu manga allang-Ku manga nabi, apan manningaddi mangitou ma'ola'a al᷊al᷊eo apan iaaranting-Ku udde.

YEREMIA 31:32

Arawe pa'aire udde wal᷊ine ere pa'aire apan Ta'u niola'a ringannu al᷊amona mangitou sutempo Ta'u ni'ehetta i mangitou sinumabbangnga wuassu Mesir. Salaiwe i Ya'u ere sangkatou awingngi mangitou, arawe i mangitou nassinaaddu pa'aire-U si mangitou.

YEREMIA 10:15

Manga paal᷊uanna udde tawe aregane, ṛinone a'al᷊uandahanna wuṛṛu lobbosanna. Napawe nia'omante tempone i mangitou sarun mate.

YEREMIA 10:8

Longonna wuṛṛu woddo mangitou sarangkanambone ana waugu mongannu tumba'u alu sangkabuwu, tawe maapangaṛṛa'a apa apan pia gunane.

DARALO 115:8

Antimanna etearoddi pal᷊addu manga taumata apan nallanginna, wuṛṛu anambon taumata apan mangngimanna si tou.

NEHEMIA 9:26

Arawe uman-Nu nilumawangnga wuṛṛu tate tumuṛṛutta Si'o, tawe maddaringikka tita wuṛṛu atoran-Nu, namate manga nabi apan napaanaungngi mangitou, wuṛṛu apan nadolokki mangitou mabbelengnga ringan-Nu, Ruatane. Oh Mawu, masokka lai I'o lallobbosanni mangitou,

2 TAWARIKH 33:9

Manasye naaola'a tumana'u Yerusalem na'ola'a manga rosa maddal᷊eoanna wuassu rosa apan buatte niola'u manga walahanna apan nilimbuaṛṛannu Mawu wuassu Kanaan sutempo al᷊aṛṛana'u Mawu sinumutta su wanua udde.

2 TAWARIKH 33:2

I tou na'ola'a rosa su lantakku hatin Mawu, ana waugu nangaṛṛussa manga anaramma lal᷊eo wuassu walahanna apan nilimbuaṛṛannu Mawu wuassu Kanaan sutempo taumatan Israel sinumuttate su wanua udde.

2 MARARATU 17:8

wuṛṛu mattanno inanaramannu manga walahanna apan buatte nilimbuaṛṛannu Mawu sutempo walahannu Israel inai namangalo wanua udde. Walahannu Israel tuttuṛṛutta inanaramannu al᷊amona apan tinantunu manga ratun Israel,

1 SAMUEL 12:21

Imbaṛṛangnga tumantalongnga manga monganna apan tawe maatul᷊ungnga wuṛṛu maasal᷊amatta si yamiu, ana waugu i mangitou udde tawe baddi'a.

TAHIUL᷊E 32:31

Seettu Israel masingkatta manungku mallal᷊u'addi mangitou tawe ere Ruata mallu'addu Israel.

YOHANES 2:8

See Mawu Yesus nabbisara si mangitou, “Orassa indi pangabbate ua'e adio'a wuṛṛu apira'e su piaṛṛa'u andeangnga.” I mangitou nangapiddu ua'e udde su piaṛṛa'u andeangnga,

IMAMATTA 26:15

amungkangngu i yamiu lumawangnga pa'aire apan Ta'u niola'a ringanni yamiu wuṛṛu maddiri tumuṛṛutta manga ṛarawessa wuṛṛu manga titale,

1 MARARATU 11:11

Mawu nabbisara, “Ana waugu ringannu ṛingiranna masemakka i'o nilumawangnga pa'airenu si Ya'u wuṛṛu tawe tinumuṛṛutta manga parenta-U, ne i Ya'u sarun mangaṛṛo araratuanna udde wuassi'o, wuṛṛu ionggolla su sangkatou mammamanaran araratuannu.

DARALO 78:10

I mangitou nilumawanga paairen Duatan mangitou, wuṛṛu maddiri tumuṛṛutta tita-Ne.

YEREMIA 44:8

Anio i yamiu ma'ola'a manga inolaanna apan maasa'u si Ya'u? I yamiu nirumanta wuṛṛu natana'a su Mesir, wanua apan awaganannu udde, wua'udde i yamiu nassubbate pa'al᷊uanna wuṛṛu nangonggollu sasamba su manga mongannu wanua udde! Apa i yamiu mappulu makkimunsa'a watangannu sassane tadea'u i yamiu heloannu anambon balahanna su runia wuṛṛu arannu ipaatta ipammontoga?

YUNUS 2:8

Manga masasubba paal᷊uanna apan tawe gunane, nanantangngu Mawu wuṛṛu tate tumuṛṛutta.

SASABANGNGA 16:28

Ana see Mawu nabbisara si Musa, “Ma'oman sara tingngera i yamiu tawe tumuṛutta manga parenta-U?

TAHIUL᷊E 18:10

Suwallati yamiu imbaṛṛangnga piaddu mangonggolu manga anangnge maola'a sasamba itattambunna. Wuṛṛu ariewe lai pia sangkatou apan maola'a taṛṛa si'atta, maddea'a manga tatiala, mappaattu daroa ara'e

TAHIUL᷊E 29:24

Ne ahewallu runia sarun maiwal᷊o, ‘Anio Mawu na'ola'a aroddi su wanua mangitou? Anio ana waugu i Tou aroddi ahewalle nasa'u?’

2 TAWARIKH 24:19

Mawu nandolokku manga nabi niapatagu si mangitou tadea'u mabelengnga apia mattaṛṛamawu Mawu, arawe tumanangnge maddirite maddaringikka.

YEREMIA 7:26

Arawe taweddu maddaringikka ara'e massunna. I yamiu ewe'e lai nabbal᷊i lembon aattikke wuṛṛu lal᷊eo wuassu iupungngu al᷊amonanu.”

YEREMIA 44:22

Mawu tate maataṛṛangnga lai ma'ellega si yamiu mangngonggollu sasamba su manga mawu waine. Pallal᷊agunu udde lal᷊eo maarantinna. I yamiu narosa su lantakku hati Mawu wuṛṛu tawe tumuṛṛutta manga parenta-Ne. Ana waugu udde orassa indi lai wanuanu naṛṛimunsa'e na'oman sara tate atanaanna apia, wuṛṛu aranne iapaatta maola'a wawontoga. Taumata apan naasilo naapendamma atata'utta.”

YEHEZKIEL 2:3

“Ei taumata apan mattate, i'o Ta'u irolokka inai ringannu manga taumatan Israel apan lullawangnga si Ya'u. I mangitou udde lullawangnga ere iupungngi mangitou lai.

YEHEZKIEL 12:2

“Ei taumata apan mattate, i'o uatana'a suwallattu manga taumata mal᷊awangnga. I mangitou pia mata, arawe tawe maasilo; pia tal᷊inga, arawe tawe maaringikka, ana waugu i mangitou apulune lullawangnga.