2 MARARATU 17:14 - WUKE SUSI WATTI'U AL᷊AL᷊USASSA

¹⁴ Arawe Israel wuṛṛu Yehuda maddiri maddaringikka. Puan mangitou maatikka ere al᷊amonan mangitou tawe mangimanna Mawu, Ruatan mangitou.

2 MARARATU 17:14 Referans Kwoze

WATTI'U MANGA RASUL 7:51

Wal᷊ine hampa aatikku puan manga tuṛṛangnga, wuṛṛu aroddi asahadde tumuṛṛutta Ruata! Tal᷊inganu wengella ipadaringikka wisaran Ruata! I yamiu naal᷊ihida ere iupungngu al᷊amonanu; sidutu lullawangnga Ghaṛṛahon Ruata!

TAHIUL᷊E 31:27

I ya'u masingkatta i mangitou puane mangke maatikka wuṛṛu apulune lullawangnga. Ro'en i ya'u ta'e wiakka lai i mangitou lullawangnga Mawu; nangillembo lai su allo addantane, napawe i ya'u natete!

IBRANI 3:12

Manga tuṛṛangnga, paatehamma arie ma'oman sara piaddu sangkatou wuassu wallatti yamiu apan pia naungnge aroddi alal᷊eone wuṛṛu tawe pangangimanne, na'oman sara i tou mabelengnga wuṛṛu mangindaun Ruata apan biakka!

YEREMIA 7:26

Arawe taweddu maddaringikka ara'e massunna. I yamiu ewe'e lai nabbal᷊i lembon aattikke wuṛṛu lal᷊eo wuassu iupungngu al᷊amonanu.”

YESAYA 48:4

I Ya'u masingkatta manungku naungngu maattikka, pua maattikka wuṛṛu puane watu.

AMSAL 29:1

Isai sidutu lullawangnga awungkangngu tantiroanna, su sambau tempo sarun mawinasa wuṛṛu tate maola'a apia.

DARALO 106:24

Wua'udde i mangitou nanol᷊a'u wanua apan maṛṛamaga udde ana waugu tawe mangimanna pairen Duata.

DARALO 78:32

Salaiwe aroddi al᷊aṛṛanang-Nge sidutu marosa, manga al᷊aṛṛindung-Nge tawe naola'a si mangitou mangimanna.

DARALO 78:22

ana waugu i mangitou tawe mangimanna Ruata, su taṛṛino-Ne apan wotongnge manal᷊amatta si mangitou.

2 TAWARIKH 36:13

Ratu Nebukadnezar buatte namata'i Zedekia massalu ringannu arannu Ruata manungku i tou sarun matuṛṛutta si Nebukadnezar. Arawe wua'udde i Zedekia namangalo si Nebukadnezar. Zedekia mangke tawe mangimanna Mawu, Ruatan Israel. I tou maddiri manantangngu manga rosane wuṛṛu maddiri mabelengnga ringannu Mawu.

TAHIUL᷊E 1:32

Arawe salaiwe i ya'u buatte nabbisara aroddi, yamiu lai taambe mangimanna Mawu Ruatanu,

SASABANGNGA 32:9

I Ya'u masingkatta manungku walahannu udde tate maddaringikka.

SASABANGNGA 16:28

Ana see Mawu nabbisara si Musa, “Ma'oman sara tingngera i yamiu tawe tumuṛutta manga parenta-U?

SASABANGNGA 33:3

I yamiu mattudan leta'a apan ala wuṛṛu masuwukka. Arawe i Ya'u sassane tawe tumantalongnga ringanni yamiu, tadea'u i yamiu tawe Ta'u pateanna su tangngan dal᷊anna, ana waugu i yamiu walahanna puane maattika.”

TAHIUL᷊E 9:13

Mawu lai nabbisara si ya'u, ‘I Ya'u masingkata walahanna udde tumaniten maatikka puane.

DARALO 78:8

tadea'u i mangitou tawe mangaṛussa iupungngu al᷊amonan mangitou apan apulune mammangalo wuṛṛu mandal᷊eo; pallal᷊awanna apan matul᷊u pangangimanne, wuṛṛu tawe maddaringikka Ruata.

YEREMIA 34:14

I Ya'u nabbisara manungku anambon allangngu Ibrani apan buatte nangimbe annummu tonna al᷊annune, ṛinone ipallossa su panginsueannu tonna appitune. Arawe al᷊amonanu maddiri mappandumma ara'e maddaringikka wisara-U udde.

YEHEZKIEL 3:19

Amungkangngu i'o mapanaungngu taumata lal᷊eo udde wuṛṛu i tou maddiri umaddo ma'ola'a al᷊al᷊eo, i tou sarun mate ere sangkatou taumata marosa, arawe i'o sassane sarun masal᷊amatta.

DANIEL 5:20

Arawe sutempo i tou nabbal᷊i mawunga, tawe maddaringikka wuṛṛu maṛṛagissa, i tou niema'a wuassu adderan araratuanne na'oman sara i tou niawul᷊iannu awawantuge.

2 TAWARIKH 24:19

Mawu nandolokku manga nabi niapatagu si mangitou tadea'u mabelengnga apia mattaṛṛamawu Mawu, arawe tumanangnge maddirite maddaringikka.

NEHEMIA 9:29

I'o nanaggu si mangitou tadea'u al᷊aṛṛang-Ngu daringiṛṛanna, arawe i mangitou nanol᷊a'u tita-Nu wuṛṛu naungnge mawunga. Sumbal᷊i, amungkangngu tita-Nu daringiṛṛanna, atonna sarun maola'a pabbiaṛṛanna. I mangitou puane maattikka wuṛṛu matanggakka, tawe maddaringikka, wuṛṛu maddiri tumuṛṛutta.

YEREMIA 3:7

Ṛingi-U napawe i tou buatte na'ola'a sarangkanambone udde, i tou sarun mabbelengnga apia ringang-Ku. Arawe i tou tawe nabbelengnga, ewe'e inai sinumandaga. Ana waugu udde i Ya'u nanindo wuṛṛu nallimbuakka si tou. Yehuda, tuṛṛangngu Israel, apan mal᷊awangnga udde maasilo sarangkanambone udde, arawe i tou tawe nata'utta. Ewe'e i tou lai nabbali masandaga,

YEHEZKIEL 2:3

“Ei taumata apan mattate, i'o Ta'u irolokka inai ringannu manga taumatan Israel apan lullawangnga si Ya'u. I mangitou udde lullawangnga ere iupungngi mangitou lai.

YEHEZKIEL 12:2

“Ei taumata apan mattate, i'o uatana'a suwallattu manga taumata mal᷊awangnga. I mangitou pia mata, arawe tawe maasilo; pia tal᷊inga, arawe tawe maaringikka, ana waugu i mangitou apulune lullawangnga.

HOSEA 11:2

Arawe lembon Ta'u wabbagoang ana-Ku udde i tou lembon mangnginda-U lai. I tou nangapiddu sasamba wuṛṛu mannambunnu amania hunan Baal wuṛṛu manga mongana waine.