2 MARARATU 16:9 - WUKE SUSI WATTI'U AL᷊AL᷊USASSA

⁹ I Ratu Tiglat-Pileser naddaringikka sasal᷊anden Ahas, ana see namangalo wuṛṛu nangaṛṛo Damsyik. Tumanange apan niawawi niapidde watukku Kir, wuṛṛu ratune, eteudde i Ratu Rezin, apan nipatene.

2 MARARATU 16:9 Referans Kwoze

AMOS 9:7

Mawu nabbisara, “Ei umattu Israel, i Ya'u mannutukka taumatan Sudan uasul᷊ungnga ere lai i Ya'u mannutukka si yamiu. I Ya'u buatte nangapiddu taumatan Filistin wuassu Kreta wuṛṛu taumatan Siria wuassu Kir uasul᷊ungnga ere lai i Ya'u nangapiddi yamiu wuassu Mesir.

YESAYA 22:6

Taumatan Siria nirumanta ringannu awal᷊o wuṛṛu keretan pangalo, taumatan Elam ahidde al᷊atianna wuṛṛu anaanna, taumatan Kir nanaddia allungnge.

YESAYA 9:11

Walahannu Siria su samba'an ra'i wuṛṛu walahannu Filistin su samba'an waṛṛatta nangaṛṛo Israel. Arawe Mawu ta'e massa'u wuṛṛu sidutu makkuumanna.

YESAYA 7:16

Ana waugu tantal᷊anna tempone udde taambe nia'omanna, wanua darua apan paparentannu manga ratu apan ia'ata'unnu udde sarun itantangnga tawe loṛṛone.

2 TAWARIKH 28:21

Nal᷊are i Ahas nanganu wul᷊awanna su Wal᷊en Mawu, su wal᷊en araratuanna, wuṛṛu su manga wal᷊en piaṛṛa'u tumanangnge, ana see tinantilla si ratun Asyur. Arawe udde lai tawe gunane si tou.

2 TAWARIKH 28:5

Ana waugu i Ratu Ahas na'ola'a rosa, Mawu Ruatane namalan tou niawaddon ratun Siria wuṛṛu lai nangapiddu manambo taumatan Yehuda apan niatawanna niapidda watukku Damsyik. Mawu lai namalan Ahas niawaddon Ratu Pekah ana'i Remalya wuassu Israel, apan sulal᷊ummu allo massallo namate 120.000 tantaran Yehuda apan awaṛṛanianne. Mawu, Ruatan al᷊amonan mangitou namalan sarangkanambone udde nariaddi, ana waugu tumana'u Yehuda tate lai maddaringikka Mawu.

YESAYA 10:9

Ta'u aṛṛoanna manga soan Kalno wuṛṛu Karkemis, Hamat wuṛṛu Arpad. Ta'u aṛṛoanna lai manga soan Samaria wuṛṛu Damsyik.

YESAYA 17:1

Mawu nabbisara, “Damsyik tate lai maola'a soa, arawe tumba'u aombuannu manga tuiddu wal᷊en nangkaṛṛa'a.

YESAYA 37:18

I yami sarangkanambone masingkatta, Mawu, manungku manga ratun Asyur buatte namate manambo manga walahanna wuṛṛu nakkimunsa'a manga wanuan mangitou.

2 TAWARIKH 16:4

Benhadad inumire darorongnga udde ana see i tou nandolokku manga piaṛṛa'u tantarane suadio'a ringannu tantaran mangitou namangalo manga soan Israel. I mangitou namaddon soa Iyon, Dan, Abel-Bet-Maakha wuṛṛu anambon pangangadoannu anna su leta'u Naftali.

YESAYA 9:10

Mawu buatte nangal᷊oren seetti mangitou tadea'u lumawangnga si mangitou.