2 MARARATU 15:5 - WUKE SUSI WATTI'U AL᷊AL᷊USASSA

⁵ Mawu nangonggola si tou radda'a su pisi apan ma'ata'utta, na'oman sara i tou natete, raddange udde tawe mapia. I tou niṛṛae su sambau wal᷊en wuṛṛu niwala aroddi wuassu manarane. I Yotam anangnge namarenta tumanange naola'a sangkatou tepellu ratu.

2 MARARATU 15:5 Referans Kwoze

IMAMATTA 13:46

Su al᷊annune uatataṛṛangnga radda'a udde i tou ma'arantinna wuṛṛu ṛinone matana'a su liuddu paddasananna, marau wuassu manga taumata waine.

REENGANNA 12:14

Mawu sinumimbakka, “ Unnu wisara hatine niadduannu iamangnge, wal᷊inewe sulal᷊ummu pitu allo al᷊anune i tou ṛinone uapasanna asasili? Pasal᷊iua'a i tou wuassu paddasananna pitu allo al᷊annune, wua'udde i tou wotongngete sumutta apia.”

DARALO 72:1

Wuassi Salomo. Oh Ruata, tantiroa'e tita-Nu su ratu, onggol᷊a'e atatul᷊iddu Mawu su ratu.

AYUB 34:19

I Tou tawe manamba'a manga ratu, ara'e malliu ṛoron taumata ala wuassu taumata asiangnga. Ana waugu i mangitou sarangkanambone udde niariaddi-Ne.

2 MARARATU 7:3

Su allo udde siri appata taumata pia raddange su pisi apan maata'utta ua'ianna su liuddu ngara pasallangannu su Samaria. I mangitou uawawisara sangkatou ringannu sangkatou, “Apa hunane i ite ua'ianna isindi ual᷊aṛaddo mate?

2 MARARATU 5:27

Ana waugu i'o nanengkamma aonggola udde, i'o sarun manengkamma lai radda'i Naaman. Ewe'e lai saran mal᷊annu-l᷊annu, papapulunnu lai sarun maasomba radda'a udde!” Napawe i Gehazi sinumabbanga wua isudde, i tou naasombate radda'a su pisi – pisine nabbal᷊i mawira-wira.

1 MARARATU 3:28

Sutempo walahannu Israel naaringikka putusanni Salomo sulal᷊ummu hatto udde, i mangitou tinumiangnga wuṛṛu mangngaddatta si tou. Ana waugu, nilumiatta'e manungku Ruata buatte nangonggolla si tou asingkatta tadea'u mammanara ringannu atatul᷊idda.

1 MARARATU 3:9

Ana waugu udde, Mawu, onggol᷊aawe si ya'u asingkatta apan ta'u pappandumanna ipamarenta uman-Nu indi ringannu atatul᷊idda wuṛṛu tadea'u masingkatta mamile suapa apan mapia wuṛṛu suapa apan dal᷊eo. Amungkangngu tawe aroddi, ereapa wotongnge i ya'u mamarenta uman-Nu apan wahewalla indi?”

2 SAMUEL 8:15

Etearoddi i Daud namarenta ahewallu Israel wuṛṛu uariaga tadea'u tumanangnge sidutu paparentanna ringannu atatul᷊idda wuṛṛu apapia.

2 SAMUEL 3:29

Wala'ewe i Yoab wuṛṛu anambon amonanne iṛṛuumanna ana waugu pallal᷊agune udde. Doronganna sulal᷊ummu amonanni Yoab sidutu pia taumata apan raddangnge su pisi apan ma'ata'utta, ara'e esakka apan lome, ara'e mate sulal᷊ummu pangalo, ara'e asueannu anna!”

TAHIUL᷊E 24:8

Amungkangngu niasombanganna pia radda'a su pisi apan ma'ata'utta, paatutuṛṛe ringannu mapia apa apan nirolokku manga imam Lewi si yamiu; daringiṛṛe manga tatantiro apan ta'u nionggola si mangitou.

REENGANNA 12:10

Su tempo winabbawa udde nanantangken Dasannu Mawu, niasiloanna i Miryam niarunannu radda'a su pisi apan ma'ata'utta; pisine nabbal᷊i mawira naal᷊ihidda wumbukka. Napawe i Harun nanaile si Miryam wuṛṛu naasilo manungku i tou niarunanten radda'a udde,

2 MARARATU 15:6

Watti'a waine su ola'i Ratu Uzia niwoṛṛeta sulal᷊ummu wuke Watti'u Mararatun Yehuda.

1 TAWARIKH 5:17

Niasossoṛṛanna indi niwoṛṛetta sutempo i Yotam ratun i Yehuda, wuṛṛu Yerobeam ratun Israel.

HOSEA 1:1

Eteindi tanata apan nionggollu Mawu si Hosea ana'i Beeri sutempo araratuannu Yehuda nallal᷊isansunna paparentanni Ratu Uzia, Yotam, Ahas, see Hizkia, wuṛṛu araratuannu Israel paparentanni Yerobeam ana'i Yoas.

MIKHA 1:1

Mikha darantane wuassu sambau soa addio'a arane Moresyet. Sutempo wanua Yehuda paparentannu ual᷊al᷊isansunna eteudde Ratu Yotam, Ahas wuṛṛu Hizkia. Mikha nenengkamma tanatan Mawu su ola'u Samaria wuṛṛu Yerusalem.

2 MARARATU 15:32

Su tonna aruane sutempo i Ratu Pekah ana'i Remalya uaparenta su Israel, i Yotam ana'i Uzia naola'a ratun Yehuda.