2 MARARATU 13:22 - WUKE SUSI WATTI'U AL᷊AL᷊USASSA

²² Su al᷊o'engu tempo i Yoas uaparenta, i Hazael ratun Siria mangngallanga taumatan Israel.

2 MARARATU 13:22 Referans Kwoze

2 MARARATU 8:12

“Anio i Tuanga nilumuai?” aiwal᷊on Hazael. “Ana waugu i ya'u masingkattu al᷊al᷊eo apan niolangu su saruannu taumatan Israel,” unni Elisa. “I'o sarun manoṛṛobba manga soane apan pia tatandange watu, mamate manga taumata saṛentumuwo apan apianne, wuṛṛu mangattonga manga al᷊aṛana'a maradio'a see mama'a tiannu manga wawine apan pia illoṛṛo.”

1 MARARATU 19:17

Isai-sai apan tawe nipate Hazael, sarun pateanni Yehu, wuṛṛu i mangitou apan naatal᷊angnga wuassi Yehu sarun pateanni Elisa.

2 MARARATU 8:13

“Ah, i ya'u taumata apan tawe gunane,” sasimbakki Hazael, “tawe mariaddi ya'u pia taṛṛino ahewalle ereudde!” “Mawu buatte namasingkatta si ya'u manungku i'o sarun maola'a ratun Siria,” sasimbakki Elisa.

2 MARARATU 10:32

Sutempo udde Mawu nanatakke mangngadio'a wageangu leta'u Israel. I Hazael ratun Siria nangaṛṛo ahewallu wageangu leta'u Israel