2 MARARATU 13:17 - WUKE SUSI WATTI'U AL᷊AL᷊USASSA

¹⁷ Ana see wuassu parentan nabi udde, ratu namu'a sungketa ara'e sungketa apan uasaruanna watukku Siria. “Pallosa'e anaannu!” parentan Elisa. Tawe nal᷊annu napawe ratu namallossu anaanna udde, nabi niumui, “Ete i'o anaannu Mawu. Ringannu anaanna udde Mawu sarun mamaddon Siria. I'o sarun mapapangalo mando'appa taumatan Siria su Afek ma'oman sara i'o maawaddon mangitou.”

2 MARARATU 13:17 Referans Kwoze

1 MARARATU 20:26

Sutempo rongnga manontongke manansunna i tou napaasabbangngu tantarane wuṛṛu niumal᷊ore watukku soan Afek inai mamangalo taumatan Israel.

1 KORINTUS 1:18

Ana waugu su taumata apan mattudam papate, watti'a su ola'u papaten Kristus su alu arussa naudde watti'a wahia. Arawe si ite apan buatte niapaasal᷊amattu Ruata, watti'a udde maola'a lal᷊annu Ruata mapaal᷊iatta'u taṛṛino-Ne.

2 SAMUEL 5:24

Napawe i'o maaringikka ere lempangngu taumata mabbarissa su oto'u manga aaluanna udde, ne amatte, ana waugu i Ya'u sarun umamatta su saruanni yamiu mamaddon taumatan Filistin.”

1 SAMUEL 4:1

Sutempo udde taumatan Filistin nangapiddu anambon tantarane inai mamangalo Israel; ana waugu udde tantaran Israel inaite watukku tampa papangaloanna; i mangitou naddasanna maranin Eben-Haezer, wuṛṛu tantaran Filistin naddasanna su Afek.

SASABANGNGA 4:17

Apira'e ta'inna indi, i'o sarun ma'ola'a manga al᷊aṛṛindua'a ringannu ta'inna udde.”

SASABANGNGA 4:2

Mawu naiwal᷊o si Musa, “Apa udde aagasannu?” I Musa sinumimbakka, “Ta'inna.”

2 MARARATU 13:16

ana see i Elisa nandolokki tou niapariahi papiti'a. Ratu nandiahite, wuṛṛu i Elisa nangadon limane su wowon liman datu.

2 MARARATU 13:18

I Elisa nandolokki Ratu Yoas nanganu manga anaanne waine wuṛṛu nipappa'a su leta'a. Ratu namappa'a paatallu, ana see naddote.

1 MARARATU 20:29

Su al᷊annune pitu allo taumatan Siria wuṛṛu taumatan Israel sidutu sulal᷊ummu paddasananni mangitou, uasasaruanna. Su allo appitune i mangitou mannattakke uapapangalo. Sulal᷊ummu pangalo udde taumatan Israel namate 100.000 suatoune taumatan Siria.