2 MARARATU 11:2 - WUKE SUSI WATTI'U AL᷊AL᷊USASSA

² I Yoas ana'i Ahazia aṛingkenne'e niapate lai suadio'a ringannu manga parinsin datu waine, arawe i tou naatal᷊anga ana waugu niapasal᷊amatti Yoseba tuṛṛangu inangene. I Yoas wuṛṛu mandariagane niapidda wuṛṛu niwuni su sambau wabbo'a sulal᷊ummu Wal᷊en Mawu.

2 MARARATU 11:2 Referans Kwoze

YEHEZKIEL 40:45

Esakka udde nabbisara si ya'u manungku sabbua'a apan uasaruanna watukku timukka udde nisaddia su manga imam apan mammanara su Wal᷊e Mawu,

YEREMIA 35:2

“Roote paggahatto manga taumata ṛuanganni Rekhab. Apira'e i mangitou su sambau wabbo'a sulal᷊ummu Wal᷊e-U, wuṛṛu i mangitou sarueten anggore.”

YEREMIA 33:26

aroddi lai Ya'u sarun sidutu uaaggassa pa'aire-U ringannu papulunni Yakub wuṛṛu ringannu allang-Ku Daud. Sangkatou wuassu papapulunni Daud sarun Ta'u pileanna mamarenta papapulunni Abraham, Ishak, wuṛṛu Yakub. I Ya'u sarun umakkannu uma-U, wuṛṛu ma'ola'a si mangitou su lal᷊umanna'a apia.”

YEREMIA 33:21

Aroddi lai Ya'u buatte namattan paaire ringannu allang-Ku Daud, manungku wuassu papapulunne sidutu sarun pia sangkatou apan maola'a ratu; wuṛṛu i Ya'u buatte namattan paaire ringannu manga imam papapulunni Lewi manungku i mangitou sidutu sarun mangimbe si Ya'u. Manga paaire udde tawe iapappassa.

YEREMIA 33:17

I Ya'u, Mawu, na'ire manungku sidutu sarun pia sangkatou wuassu papapulunni Daud apan maola'a ratun Israel;

YESAYA 37:35

Soan Yerusalem sarun Ta'u itahekka wuṛṛu Ta'u lindumanna ana waugu awawantu-Ku sassane wuṛṛu ana waugu paaire-Ku ringannu allang-Ku i Daud.’ ”

AMSAL 21:30

Tawe apapande, asasiṛṛunga ara'e ṛingiranna matakko'a apan wotongnge mataṛṛangnga su saruannu Mawu.

2 TAWARIKH 22:11

Ahazia pia sangkatou tuṛṛangnga wawine aranne i Yoseba apan naawingngu sangkatou imam aranne i Yoyada. Ringannu mal᷊anna-l᷊annabba Yoseba nanganu sangkatou ana'i Ahazia esakka aranne i Yoas wuassu wallatu al᷊aṛṛana'u ratu apan pateanni Atalya. Ana suadio'a ringannu mallal᷊u'adde niwuni sulal᷊ummu sambau wabbo'a su Wal᷊en Mawu. Etearoddi i Yoseba nandalukka ana'a udde na'oman sara tawe niapaten Atalya.

2 MARARATU 11:21

I Yoas uukke pitu tonna sutempo i tou naola'a ratun Yehuda.

2 MARARATU 8:19

Arawe Mawu maddiri manginsue ruangannu Yehuda ana waugu i Tou buatte na'ire si Daud allang-Nge, manungku papapulunne sidutu maola'a ratu.

2 MARARATU 8:16

I Yehoram ana'i Yosafat naola'e ratun Yehuda sutempo i Ratu Yoram ana'i Ahab buatte namarenta Israel lima tonna al᷊annune.

SASABANGNGA 8:3

Sal᷊ukku Nil sarun mapenen aakka, na'oman sara manga winatangnga udde sumabangnga wuassu ua'e wuṛṛu sumutta sulal᷊ummu wal᷊en arartuannu, sulal᷊ummu tampa atatiil᷊anna wuṛṛu su atatiil᷊annu, sulal᷊ummu manga wal᷊en mammamanaran araratuanna, wuṛṛu tumana'u aratuanna, ewe'e lai sulal᷊ummu tampa pallol᷊oanna roti wuṛṛu manga urinna.

MAL᷊AṚṚUUNGNGA 9:5

ana see inaite watukku ampungngu iamange su Ofra. Poiaroddi i tou namate siri pitu pul᷊o tuṛangnge su wowon sambau watu. Arawe i Yotam ana'i Gideon ṛembonne tawe niapate ana waugu i tou na'imbuni.

2 MARARATU 11:3

Annumu tonna al᷊annune i Yoseba uapadul᷊i ana'a udde sulal᷊ummu Wal᷊en Mawu su tempo i Atalya uaparenta naola'a ratu wawine.

2 MARARATU 12:1

Su tonna appitune i Yehu uaparenta su Israel, i Yoas naola'a ratun Yehuda. I tou uaparenta su Yerusalem 40 su tonnane al᷊annune. Inangnge aranne i Zibya wuassu Bersyeba.

1 MARARATU 11:17

Arawe, i Hadad apan sutempo udde ta'e saṛṛentumuwo, tinumal᷊angke watukku Mesir suaddio'a ringannu manga pira taumatan Edom, manangimben iamangnge.

YEREMIA 36:26

Ratu ewe'e lai namarenta parinsine, eteudde Yerahmeel, suadio'a ringanni Seraya ana'i Azriel wuṛṛu Selemya ana'i Abdeel, tadea'u manametta si ya'u wuṛṛu si Barukh ruddutul᷊i'u. Arawe iambua niwuni Mawu.