2 MARARATU 11:1 - WUKE SUSI WATTI'U AL᷊AL᷊USASSA

¹ Napawe i ratu wawine i Atalya naasingkatta manungku Ratu Ahazia, anangnge, natete, i tou namarenta tadea'u amonanni Ahazia sarangkanambone pateanna.

2 MARARATU 11:1 Referans Kwoze

YEREMIA 41:1

Su wul᷊anna appitune tonna udde i Ismael ana'i Netanya wuṛṛu pulunni Elisama inaite suadio'a ringannu siri mapul᷊o taumata watukku Mizpa inai maisasomban Gedalya. (Ismael udde sangkatou papapulunnu ratu, sangkatou suwallattu perwira matanggakku araratuanna.) Tantal᷊anna i mangitou sarangkanambone u'anna suadio'a,

2 MARARATU 25:25

Arawe su wul᷊anna appitune su tonna udde i Ismael ana'i Netanya wuṛṛu pulunni Elisama apan ta'e lai pallal᷊awannu ratu, inaite suadio'a ringannu siri 10 su atoune watukku Mizpa. I mangitou namangalo wuṛṛu namate si Gedalya suadio'a ringannu taumatan Yehuda, wuṛṛu taumatan Babel apan susampunna ringanni Gedalya isudde.

MATIUS 2:16

Napawe i Herodes naasingkatta manungku manga mapapanden anumpitanna wuassu ra'i udde namahia si Tou, i tou nasa'u atonna. Wua'udde i tou nandolokke mapapaten al᷊awo'u ana'a esakka uukke rua tonna inawa su Betlehem wuṛṛu lai su wanua maranine. Udde nassul᷊ungngu tal᷊aane apan niaringiṛṛanna wuassu manga mapapanden anumpitanna udde su tempo anumpitanna udde niasiloanna.

2 TAWARIKH 24:7

Manga mallal᷊aṛenggeni Atalya, eteudde wawine lal᷊eo apan buatte nanggohakku Wal᷊en Mawu, wuṛṛu manambo wuassu manga saranapa apan niṛṛae hunan Duata buatte nipaatti mangitou pinassubba si Baal.)

2 MARARATU 9:27

I Ahazia naasilo apa apan buatte nariaddi, ne i tou nantal᷊angu keretane watukku soan Bet-Hagan. I Yehu nangenggenna si tou wuṛṛu nangintul᷊i tantarane, “Pate lai tou!” I mangitou namiti'a si tou wuṛṛu nallessa sulal᷊anna mattudda watukku Gur, maranin soan Yibleam. Arawe i tou naatal᷊angu watanganne na'oman sara su Megido, wuṛṛu isudde i tou nate.

2 MARARATU 8:26

Sutempo udde i Ahazia uukke ruan pul᷊o dua su tonnane, ne i tou namarenta su Yerusalem santonna al᷊annune. Inangnge aranne i Atalya, ana'i Ratu Ahab wuṛṛu pulunni Omri ratun Israel.

MATIUS 2:13

Napawe manga mapapanden anumpitanna udde napul᷊ete, mala'ekattu Mawu naipasilon batangane si Yusuf sulal᷊ummu wal᷊iawa. Mala'ekatta udde nabbisara, “I Herodes pia pandumma madea'a ana'a udde pateanni tou. Ana waugu udde apu'ote, apira'e ana'a udde ringannu inangnge tal᷊anga'e watukku Mesir. Atana'e poiaroddi ma'oman sara i ya'u mabbal᷊o si'o apia.”

MAL᷊AṚṚUUNGNGA 9:5

ana see inaite watukku ampungngu iamange su Ofra. Poiaroddi i tou namate siri pitu pul᷊o tuṛangnge su wowon sambau watu. Arawe i Yotam ana'i Gideon ṛembonne tawe niapate ana waugu i tou na'imbuni.

1 MARARATU 2:44

I'o masingkatta atonna anambon al᷊al᷊eonu su saruanu iamangku. Ana waugu udde Mawu sarun makkumannu,

2 MARARATU 10:7

Napawe naasengkamma suratta wuassi Yehu, manga matatimmadu soa Samaria udde namate siri pitun pul᷊o ana'a wuṛṛu pulunni Ahab udde ana see manga puan mangitou nitaṛṛo su so'anna wuṛṛu niuntudda si Yehu su Yizreel.

PANDARIADDI 9:5

Suapan taumata wuṛṛu winatangnga apan namate taumata sarun Ta'u iṛṛuumanna pateanna.

PANDARIADDI 9:6

Taumata niola'a lihidde ere i Ya'u; ana waugu udde, isai-sai apan mamate taumata, i tou sassane sarun pateannu taumata lai.

1 MARARATU 1:12

Amungkangngu Inangnga mapullu tadea'u i Salomo wuṛṛu Inangnga sassane masal᷊amatta, i ya'u manantiro

2 MARARATU 12:1

Su tonna appitune i Yehu uaparenta su Israel, i Yoas naola'a ratun Yehuda. I tou uaparenta su Yerusalem 40 su tonnane al᷊annune. Inangnge aranne i Zibya wuassu Bersyeba.