2 MARARATU 10:32 - WUKE SUSI WATTI'U AL᷊AL᷊USASSA

³² Sutempo udde Mawu nanatakke mangngadio'a wageangu leta'u Israel. I Hazael ratun Siria nangaṛṛo ahewallu wageangu leta'u Israel

2 MARARATU 10:32 Referans Kwoze

2 MARARATU 8:12

“Anio i Tuanga nilumuai?” aiwal᷊on Hazael. “Ana waugu i ya'u masingkattu al᷊al᷊eo apan niolangu su saruannu taumatan Israel,” unni Elisa. “I'o sarun manoṛṛobba manga soane apan pia tatandange watu, mamate manga taumata saṛentumuwo apan apianne, wuṛṛu mangattonga manga al᷊aṛana'a maradio'a see mama'a tiannu manga wawine apan pia illoṛṛo.”

1 MARARATU 19:17

Isai-sai apan tawe nipate Hazael, sarun pateanni Yehu, wuṛṛu i mangitou apan naatal᷊angnga wuassi Yehu sarun pateanni Elisa.

2 MARARATU 13:25

Ana see i Yoas ratun Israel namaddon Benhadad pa'atallu wuṛṛu nangul᷊e apia manga soa apan buatte niaṛṛon Benhadad sutempo Ratu Yoahas iamangi Yoas uaparenta.

2 MARARATU 13:22

Su al᷊o'engu tempo i Yoas uaparenta, i Hazael ratun Siria mangngallanga taumatan Israel.

2 MARARATU 14:25

Ete i Yerobeam II indi apan nangaṛṛo apia anambon wageangu leta'u Israel, wuassu lal᷊anna watukku Hamat su sawannakka naddatingngu Tahal᷊oanga Nate su timukka. Udde ere buatte pina'iren Mawu, Ruatan Israel, su allang-Nge, Nabi Yunus ana'i Amitai taumatan Gat-Hefer.

2 MARARATU 12:17

Sutempo udde i Hazael ratun Siria namangalo wuṛṛu namanua su soa Gat. Ana see i tou piate pandumma inai lai mamangalo Yerusalem.

DARALO 107:39

Arawe i mangitou niawaddo wuṛṛu ete matul᷊unga lambene ana waugu asasusa wuṛṛu pangangallanga apan nangillembo.