2 MARARATU 10:29 - WUKE SUSI WATTI'U AL᷊AL᷊USASSA

^29-31 Ana waugu udde, Mawu nabbisara arendi si Yehu, “Al᷊awo'u parenta-U si'o apan nipa'ola'a su papapulunni Ahab buatte niolangngu. Ana waugu udde i Ya'u maddiandi manungku papapulunnu ma'oman sara aiappatu ṛawanne sarun maola'a ratu su Israel.” Arawe i Yehu tawe ringannu ahewallu naungnge tuttuṛṛuta Titan Mawu, Ruatan Israel. I tou nangaṛṛussa inolaanni Yerobeam apan naarosa taumatan Israel ringannu massubba sapi wul᷊awanna apan niola'a su Betel wuṛṛu su Dan.

2 MARARATU 10:29 Referans Kwoze

1 MARARATU 14:16

Mawu sarun manantangngu Israel ana waugu i Yerobeam buatte na'ola'a rosa wuṛṛu naaola'a lai taumatan Israel narosa.”

HOSEA 13:2

Naddatingngu orassa indi manga taumatan Efraim udde ta'e sidutu ma'ola'a rosa; i mangitou mallanginnu manga paal᷊uanna sal᷊a'a tadea'u subbanna – paal᷊uanna apan niṛṛiinnu ṛingirannu taumata wuṛṛu nilanginnu liman taumata. I mangitou nabbisaram, “Pangongollen sasamba su manga paal᷊uanna indi!” Maaherangnga, taumata mangngari'a paal᷊uanna ana'u sapi!

HOSEA 10:5

Tumana'u soa Samaria sarun mata'utta; i mangitou wuṛṛu manga imam apan mangimbe sapi wul᷊awanna su Babel udde sarun masusa wuṛṛu lumuai ana waugu al᷊awo'u araṛṛansangngu paal᷊uanni mangitou udde nawul᷊ite.

2 MARARATU 17:22

I mangitou tinumantalonga tul᷊adan Yerobeam wuṛṛu sidutu ma'ola'a anambon dosa apan niolange,

2 MARARATU 15:28

I tou na'ola'a rosa su saruannu Mawu ana waugu nangaṛṛussa al᷊al᷊eon Datu Yerobeam I apan naaola'a Israel narosa.

2 MARARATU 15:24

I tou na'ola'a rosa su Mawu ana waugu nangaṛṛussa al᷊al᷊eon Datu Yerobeam I, apan naaola'a taumatan Israel narosa.

2 MARARATU 15:18

Su al᷊o'engngu pabbiaṛṛanne i tou na'ola'a rosa su Mawu nangaṛussa al᷊al᷊eon Yerobeam I, apan naaola'a taumatan Israel narosa.

2 MARARATU 15:9

Ere lai manga ratu apan namarenta dorone wuassi tou, i tou lai na'ola'a rosa su Mawu. I tou nangaṛṛussa al᷊al᷊eon Ratu Yerobeam I, apan naaola'a Israel narosa.

2 MARARATU 14:24

I tou na'ola'a rosa su lantakku hatin Mawu, ana waugu nangaṛṛussa al᷊al᷊eon Ratu Yerobeam I apan naaola'a taumatan Israel narosa.

2 MARARATU 13:11

I tou lai na'ola'a rosa su Mawu ana waugu nangaṛṛussa al᷊al᷊eon Datu Yerobeam apan naaola'a taumatan Israel narosa.

2 MARARATU 13:2

Ere lai i Ratu Yerobeam apan uaparenta dorone wuassitou, Yoahas na'ola'a rosa lai su Mawu wuṛṛu naaola'a taumatan Israel narosa lai. I tou tawe nanantangu manga inolaanne apan dal᷊eo.

1 SAMUEL 2:24

Ariete pa'ola'a aroddi ana'u. Tumaniten dal᷊eo atonna inolaanna apan ipagahatton walahannu Mawu su ola'i yamiu!

SASABANGNGA 32:21

I tou nabbisara si Harun, “Apate niola'i mangitou si'o na'oman sara niwalanu i mangitou na'ola'a rosa wahewalla?”

SASABANGNGA 32:4

I Harun nanganu ngante-ngante udde, ana see niuno wuṛṛu niwoson tou sulal᷊ummu sambau pasitaane wuṛṛu i tou na'ola'a sambau sapi. Walahanna udde nabbisara, “Ei Israel, eteindi monganni ite apan nanguntuddi ite sinumabbangnga wuassu Mesir!”

PANDARIADDI 20:9

Wua'udde i Abimelekh namago si Abraham wuṛṛu naiwal᷊o, “Apa apan buatte niolangngu su saruanni yami? Apa sal᷊a'u su saruannu, na'oman sara i'o nandantan asasilaka si ya'u wuṛṛu su araratuangku? Tawe suṛṛinone inolaannu aroddi su saruangku.

2 MARARATU 10:28

Etearoddi i Yehu namaresi pasasubba si Baal su leta'u Israel.

YEHEZKIEL 23:8

I tou uatatana'a sussandaga ere dorone a'olaanne su Mesir, isudde i tou niawul᷊iannu perawanne. Ro'en ta'e addio'a, i tou buatte niatiilanna ere sangkatou masandaga.

2 MARARATU 3:3

Arawe, uapapaṛalan ere i Ratu Yerobeam ana'i Nebat apan namarenta liuṛorone wuassitou, i tou lai naaola'a taumatan Israel narosa wuṛṛu tawe illol᷊one ma'ola'a inolaanna udde.