2 MARARATU 10:19 - WUKE SUSI WATTI'U AL᷊AL᷊USASSA

¹⁹ Ana waugu udde ammul᷊a'e anambon nabin Baal wuṛṛu masasubane ana see lai manga imam; tawe sangkatou tantange. I ya'u sarun mangonggolu sasamba apan wahewalla si Baal. Isai tawe nirumanta sarun pateanna.” Arawe udde tumba'u ola'u wisara wuassi Yehu ipamate anambon masasubba si Baal.

2 MARARATU 10:19 Referans Kwoze

1 MARARATU 22:6

Ne i Ahab nangammullu iraṛṛangngo 400 nabi ana see naiwal᷊ote si mangitou, “Wotongnge i ya'u inai mamangalo Ramot ara'e tawe?” “Wotongnge!” sasimbakki mangitou. “Mawu sarun manantillu soa udde si Tuangnga.”

1 MARARATU 18:19

Orassa indi, parentaite anambon tumana'u Israel maisasomba'u su Wowon Karmel. Apira'a lai appatu ṛasutta liman pul᷊o nabi Baal wuṛṛu appatu ṛasutta nabi Monganni Asyera udde apan niwaeṛṛanni wo'i Izebel!”

1 TESALONIKA 2:3

Yami nangahe si yamiu wal᷊ine sambau inolaanna apan niumal᷊iwu; wuṛṛu lai wal᷊ine ringannu pandumma apan wengkola wuṛṛu ipangngawusu.

2 KORINTUS 11:3

Arawe i ya'u sussinggawangnga ṛingiṛṛannu, sarun awono'anna tawe tumuṛṛutta si Kristus, ere Hawa paarorone lai inawono'annu atoanna.

2 KORINTUS 4:2

I yami tawe mappaattu inolaanna marandumma apan maasili. Yami maddiri mammanara ringannu mangngapande ara'e mammal᷊elongngu wisaran Duata. I yami mangngimbe Ruata ringannu naungnga apan matul᷊ida tumuṛṛuttu apulu-Ne. Ana waugu udde, i yami mangngantimma anambon taumata ma'ellega si yami ringannu mapia sulal᷊ummu naungnge.

AMSAL 29:5

Isai maddalo sansul᷊ungnge taumata, mantaingngu sedda su watanganne sassane.

AYUB 13:7

Wotongnge ringannu arannu Ruata, i yamiu mammahia? Wotongnge i yamiu mangngawusu ana waugu hausan-Ne?

2 MARARATU 10:18

I Yehu nandolokku tumana'u Samaria na'ammula ana see i tou nabbisara, “I Ratu Ahab malassa mattaṛṛamawu si Baal; i ya'u sarun maola'a aṛṛimaranne wuassi tou.

2 MARARATU 3:13

“Anio maitul᷊unga si ya'u?” wisaran Elisa su ratun Israel. “Roote su manga nabin hagurangngu!” “Tawe!” sasimbakki Yoram. “Ana waugu ete Mawu apan nakkiinna manantilli yami siri tallu su ratun Moab.”