2 MARARATU 1:15 - WUKE SUSI WATTI'U AL᷊AL᷊USASSA

¹⁵ Su orassa udde lai mala'ekattu Mawu nabbisarate si Elia, “Arie pa'ata'utta! Tantalongke si tou sumossokka wuassu wuidda indi.” Ana waugu udde i Elia inaite suadio'a ringannu tembonannu tantara udde inaite ringannu ratu.

2 MARARATU 1:15 Referans Kwoze

YESAYA 51:12

Mawu nabbisara, “Ete i Ya'u Mawu apan malluassa si yamiu. Anio i'o matta'uttu taumata apan mattate, su taumata apan niramme ere wal᷊abbuka?

YEHEZKIEL 2:6

Arawe i'o, ei taumata apan mattate, arie mata'uttu manga lumal᷊awangnga udde, ara'e manga apa apan iwisara mangitou. I mangitou sarun lumawangnga wuṛṛu mangadio'a si'o, na'oman sara ereola'u i'o mabbiakka su pattangngannu kalajengkinga. Salaiwe aroddi, arie paata'utta.

YEREMIA 1:17

Pandiahite, Yeremia! Roote wuṛṛu pasingkata'a si mangitou, sarangkanambone apan Ta'u nirolokka si'o. Arie mata'utti mangitou, tadea'u i'o tawe Ta'u olaanna lembon matta'utta lai sumaruanna si mangitou.

MATIUS 10:28

Arie mata'utti mangitou apan mammate wadangnga, arawe tawe taṛṛino mamate niawa. Ata'utten Duata apan uataṛṛino mamate, mapia ete wadangnga aroddi lai ṛimuudda sulal᷊ummu naraka.

YEREMIA 15:20

I'o sarun Ta'u olaanna ere tanda'a witu'a su saruanni mangitou. I mangitou sarun mamangalo si'o, arawe tawe mapamaddonu. I Ya'u sarun uaṛundinganna tadea'u mallu'adda wuṛṛu manal᷊amatta si'o.

DARALO 27:1

Daralon Daud. Mawu udde asasema'u wuṛṛu asasal᷊ama'u, taweddu ta'u iata'utta. Mawu uddewe tanda'a watu pattillumangku, i ya'u tawe mata'utta.

2 MARARATU 1:3

Arawe mala'ekattu Mawu nandolokki Elia, nabi wuassu Tisbe, inai maisasomban manga daroloṛanni Ratu Ahasia iapawisara, “Apa su Israel tawe Ruata, na'oman sara i yamiu inai maddorongnga tatantiro si Baal-Zebub, mongannu soa Ekron udde?

1 MARARATU 18:15

I Elia sinumimbakka, “Ringannu arannu Mawu Apan Lembontaṛṛino apan a'imbeangku, i ya'u maddiandi sarun dumanta sassane sumaruanna ratu allo indi lai.”

PANDARIADDI 15:1

Wua'udde, i Abram naasomba sondappa wuṛṛu naaringikka Mawu nabbisara si tou, “Arie paata'utta, i Abram, i Ya'u sarun mallu'adda si'o wuassu asasilaka, wuṛṛu mangonggolla si'o lal᷊antakke apan manambo.”

IBRANI 11:27

Ana waugu mangngimanna, ne i Musa nanantangu Mesir ringannu tawe matta'utta su asasa'un ratu. Musa niumamatta mattudam pattudanne ere ola'u i tou naasilote Ruata apan tawe asiloanna udde.

2 MARARATU 1:14

Ruan katou tembonannu tantara ara'e perwira waine suadio'a ringannu tantaran mangitou nate niepoddu putungnga wuassu langitta, arawe i ya'u sumal᷊ande, akkanaawe i ya'u!”