2 KORINTUS 9:8 - WUKE SUSI WATTI'U AL᷊AL᷊USASSA

⁸ Ruata uataṛṛino mangonggola si yamiu al᷊amatta apan manambo-nambo, tadea'u i yamiu sidutu uatahuanna apa apan ipaapulun kamiu; wuṛṛu i yamiu lai sarun pia lebbene ipa'ola'a apapia wuṛṛu pasasumbala su taumata waine.

2 KORINTUS 9:8 Referans Kwoze

EFESUS 3:20

Ringannu taṛṛinon Duata apan maṛṛimadda mammanara sulal᷊ummu naungngi ite, Ruata wotongnge ma'ola'a mannamboanne wuassu apa apan wotongnge doronganni ite ara'e iraṛṛingiddi ite.

AMSAL 10:22

Ana waugu tumba'u al᷊amattu Mawu taumata nabbal᷊i ala; mammanara maṛṛimadda tawe maatamba darotongnga.

MALEAKHI 3:10

Apira'e sepeṛṛe mapul᷊onu sarangkanambone watukku Wal᷊e-U tadea'u pia anna manambo poiaroddi. Panal᷊u'ate si Ya'u, ne i yamiu sarun maasilo manungku i Ya'u namu'a manga ngaran surga wuṛṛu nangonggolla si yamiu al᷊awo'a apan mapia.

HAGAI 2:8

Al᷊awo'u wul᷊awanna wuṛṛu sal᷊a'a su runia indi udde pussa'a-Ku.

AMSAL 28:27

Isai apan mangngonggolla taumata asiangnga sarun tawe asueanne. Isai manutubbu mata su awusu taumata asiangnga sarun awontohanna.

DARALO 84:11

Mappianne allo massallo su Wal᷊en-Nu sul᷊ungnge'e saṛṛiwu su tonnane su tampa waine. I ya'u mamile maola'a mandariaga ngara su Wal᷊en Duata'u sul᷊ungnge'e matana'a su wal᷊en taumata lal᷊eo.

AMSAL 3:9

Pangaddate Mawu ringannu mangonggolla si Tou sambau saranapa apan apianne wuassu al᷊awo'u darotongnga wuṛṛu hessin sasuannu,

TITUS 3:14

Manga taumatan kite ṛinone mangurumma al᷊aṛṛa'a, ma'ola'a inolaanna apan mapia tadea'u wotongnge mapaasuungngu sarannapa apan ipaapulune; arie ma'oman sara i mangitou mabbiakka tawe gunane.

2 KORINTUS 8:7

Yamiu apianne wuassu al᷊awo'u taumata; i yamiu apianne su ola'u pangangimanna, su ola'u mapaasabangngu ṛingidda, su ola'u asingkata, sulal᷊ummu al᷊awo'u hati manara, wuṛṛu sulal᷊ummu darangngu si yami. Ana waugu udde, mappianne i yamiu lai apianne sulal᷊ummu manara apan mapia indi.

1 KORINTUS 15:58

Ana waugu udde, manga tuṛṛangnga apan arangnguanna, ṛinone i yamiu matohassa wuṛṛu sidutu mangngimanna. Pammanarate sidutu su Mawu ringannu atonna-tonna, ana waugu i yamiu masingkatta manungku sarangkanambone apan mammanaranni yamiu udde su Mawu, tawe maholo'a.

2 KORINTUS 9:11

Ringannu aroddi yamiu sarun maasuungnga sulal᷊ummu manga hausannu na'oman sara i yamiu sidutu wotongnge mangonggola ringannu naungnga mal᷊uassa. Wuṛṛu manga aonggoli yamiu apan tattahianni yami, ma'aola'a taumata nambo maadiangkamanna su Ruata.

2 KORINTUS 8:2

I mangitou buatte niannamannu manga asasusa apan mawakkata. Arawe su pattangngannu manga asasusa udde, i mangitou lulluassa, wuṛṛu naungnge masaṛṛionto'a ipangonggolu sumbala ipantul᷊ungngu taumata waine, salaiwe i mangitou asiangnga.

AMSAL 11:24

Pia taumata mappulu mangonggolla, arawe aatambanna paa'alane, piaddu apulune mapiikka, arawe aatambanna lai paasiangnge.

2 TAWARIKH 25:9

“Arawe ereapa ringannu anambon sal᷊a'a apan buatte ta'u nionggola si mangitou?” aiwal᷊on Amazia. Nabi udde sinumimbakka, “Mawu wotongnge mamelengnga mannamboanna lai wua isudde!”

TITUS 3:8

Wisara indi atonna-tonna. I ya'u maapulu i'o mangaṛṛa'u olangnge indi, tadea'u manga taumata apan mangngimanna Ruata atonna-tonna maddea'a ma'ola'a manga manara apan mapia wuṛṛu mahuna su anambon taumata.

EFESUS 2:10

Ete i ite indi riadiannu Ruata, wuṛṛu wuassi Kristus Yesus, Ruata na'ola'a si ite, tadea'u i ite mammanara manga inolaanna apan mapia apan buatte nissaddian Tou si ite.

1 PETRUS 4:10

I yamiu sambau-sambau suete nanengkamma aonggola apan uapapaṛṛala wuassu Ruata. Ana waugu udde ere sangkatou mangangatokka apan mapia wuassu manga aonggolu Ruata ṛinone i yamiu mapaahunan apande udde si yamiu suaddio'a.

TITUS 2:14

I Tou suete nanantillu watangan-Ne ana waugu i ite wuṛṛu ana waugu mamallosi ite wuassu al᷊awo'u al᷊al᷊eo, wuṛṛu na'ola'a si ite sambau walahanna apan nal᷊iu wuassu al᷊awo'u rosa wuṛṛu tumba'u naola'a pussa'a-Ne sassane, wuṛṛu maṛṛimadda ma'ola'a apapia.

2 KORINTUS 8:19

Wua'udde lai, taumata isassago'u udde suete nipile lai wuṛṛu nitantunu manga jamaatta ipandinganna si yami su amatanni yami. Ana waugu i yami sarun umamatta mamasingkattu sasumbala udde, tadea'u Mawu wantuhanna, wuṛṛu tadea'u i yamiu maasilo manungku i yamiu maapulu mantul᷊ungnga.

KOLOSE 1:10

Ringannu aroddi yamiu wotongnge mabbiakka tuttuṛṛuta apulun Duata, wuṛṛu sidutu malluassa naugnge, na'oman sara sulal᷊ummu al᷊awo'u inolaanna i yamiu wotongnge mamasilo manga inolaanna apan mapia. Wuṛṛu asingkati yamiu su ola'u Ruata sarun aatambanna lai.

WATTI'U MANGA RASUL 9:36

Su Yope pia sangkatou wawine aranne i Tabita. I tou sangkatou apan mangngimanna Mawu Yesus. (Aranne sulal᷊ummu wisaran Yunani eteudde i Dorkas atappasanne rusa.) Inolaanni tou sidutu mapia wuṛṛu mantul᷊ungngu taumata asiangnga.

2 TIMOTIUS 3:17

Ringannu Wuke Susi udde taumata apan mangngimbe Ruata wotongnge peddetannu asasuungnga su al᷊awo'u manara apan mapia.

2 KORINTUS 13:3

Ne i yamiu sarun maasomba anambon tatialane apan ipaapulun kamiu manungku Kristus atonna-tonna mabbisara si ya'u. Amungkangngu Kristus mamasingkata si yamiu, i Tou tawe mamasingkata ringannu al᷊allome, arawe ṛinone i Tou mapaal᷊iatta'u taṛṛino-Ne su wallatti yamiu.

FILIPI 4:11

I ya'u namasingkatu indi wal᷊inewe ana waugu i ya'u awussa, ana waugu i ya'u suete nangurumma al᷊aṛṛa'a mammendamma nasuungnga ringannu apa apan piate.

2 TIMOTIUS 2:21

Taumata apan mammaresi watanganne wuassu anambon al᷊al᷊eo, taumata udde sarun ipaatta su pandumma apan apianne. I tou maola'a pussa'a apianne wuṛṛu mahuna su mawune. I tou sasaddianna ipaatta su al᷊awo'u manara apan mapia.