2 KORINTUS 9:5 - WUKE SUSI WATTI'U AL᷊AL᷊USASSA

⁵ Ana waugu udde i ya'u mammendama ṛinone mandolokki mangitou udde ringanni yamiu malliu ṛoro ana see mapanaddia sasumbala apan suete pina'iren kamiu udde. Udde ta'u niola'a tadea'u amungkangngu i ya'u rumanta, aonggoli yamiu udde nasaddiate. Ringannu aroddi, nilumiatta'e manungku aonggolu udde nionggola ringannu naungnga mal᷊uassa wuṛṛu wal᷊ine ana waugu niwata'a.

2 KORINTUS 9:5 Referans Kwoze

1 SAMUEL 25:27

Sengkampewe pinampi'unna apan niapiddu allangngu indi si Tuangku, wuṛṛu tantaran Tuangku.

PANDARIADDI 33:11

I ya'u sumal᷊ande, sengkampe sasamba apan buatte niapi'u indi. Ruata buatte nangonggolu naungnga mapia si ya'u wuṛṛu nangonggolu al᷊awo'u sarangkanambone apan ta'u hagausanna.” I Yakub sidutu mammata'a na'oman sara i Esau nanengkamma aonggola udde.

FILIPI 4:17

Udde wal᷊ine i ya'u tumba'u maapulu manengkamma aonggola. Apa apan ipaapulu'u eteudde, tadea'u i ya'u wotongnge maasilo manga pabbawuan manaranu apan maatamba auntungannu.

2 KORINTUS 8:6

Ana waugu udde i yami nandolokki Titus – apan nanattaku manara indi – tadea'u i tou manassu manara apan mapia indi su wallatti yamiu lai.

1 KORINTUS 16:2

Su allo paarorone suapan allo misa, ṛinone tuṛṛangnga sarangkanambone maṛṛaen roitta, sambau-sambau tumuṛṛuttu asombangi tou. Addoa'e roitta udde ma'oman sara i ya'u rumanta, tadea'u orassa udde lai tate madea'a mangammula.

2 MARARATU 5:15

Ana see i tou wuṛṛu anambon mallal᷊aṛenggene nabelengke ringanni Elisa. “Orassa indi ya'u masingkatte,” unni Naaman si Elisa, “manungku su ahewallu runia tumba'u pia sambau Ruata, eteudde Ruata apan sassubbannu taumatan Israel. Ana waugu udde, antimanna i Tuanga manengkamma aonggola wuassia'u.”

1 SAMUEL 30:26

Napawe i Daud nabelengke su Ziklag, i tou napaapiddu sambageanganna wuassu manga saranapa apan niaṛṛo udde su manga piaṛṛa'u soan Yehuda apan buatte nallal᷊ima si tou, wisarane, “Eteindi aonggolla si yamiu wuassu saranapa apan niaaṛṛon kami wuassu seettu Mawu.”

MAL᷊AṚṚUUNGNGA 1:15

I Akhsa sinumimbakka, “I ya'u mapulu manga pira al᷊imatan kua'e, ana waugu leta'a apan nionggoli papa si ya'u udde leta'a annalanne.” Ne i Kaleb nangonggola si tou al᷊imatan ua'e su ul᷊une wuṛṛu al᷊imatan ua'e su wunnene.

2 KORINTUS 9:3

Orassa indi ya'u nandolokki Titus wuṛṛu tuṛṛangnge ruang katou ringanni yamiu tadea'u apa apan ilalluassi yami su ola'i yamiu tawe maola'a awusu marasai. Nariaddi yamiu ṛinone nasaddiate, ana waugu i ya'u nabbal᷊o si mangitou i yamiu nasaddiate rumanta su manara udde.

2 KORINTUS 9:6

Paanaunge! Taumata apan mangngasi'u wualanna mampaadio'a, sarun mangitingnga hessine adio'a lai. Arawe taumata apan mangngasi'u wualanna manambo-nambo sarun mangitingnga lai hessine manambo.