2 KORINTUS 9:2 - WUKE SUSI WATTI'U AL᷊AL᷊USASSA

² I ya'u masingkata yamiu maapulu mantul᷊ungnga, wuṛṛu ya'u buatte nilumuassi yamiu su manga taumatan Makedonia. I ya'u nabbisara si mangitou, manungku ro'en tonna nal᷊iu manga tuṛṛangnga su Akhaya nasaddiate mangonggolu sumbala. Wuṛṛu apulunu udde naatohassa lai apulun sangkawageanganna wuassi mangitou.

2 KORINTUS 9:2 Referans Kwoze

2 KORINTUS 8:10

Tumuṛṛuttu addapa'u, su ṛinone i yamiu manginsue manara apan buatte nitattaka tonna nal᷊iu. Ana waugu ete i yamiu apan paarorone naṛṛingidda wuṛṛu nanattaku manara indi.

2 KORINTUS 8:8

I ya'u tawe nandolokka udde maola'a sambau parenta. Arawe ringannu namasilo aroddi aṛṛimadde taumata waine mantul᷊ungngu taumata sansul᷊ungnge, i ya'u lai maapulu maasingkata na'oman sara suapa, darangngunu.

2 KORINTUS 8:24

I yami mangantima i yamiu mapaal᷊iatta'u darangngunu si mangitou, tadea'u anambon jamaatta masingkata manungku i yamiu marangngu si mangitou wuṛṛu manungku apa apan ilalluassi yami su ola'i yamiu udde atonna.

IBRANI 10:24

Wuṛṛu ṛinone i ite ua'aellega sandingananna, tadea'u i ite wotongnge uasasasa mandangngu sansul᷊ungnga wuṛṛu ma'ola'a manga inolaanna apan mapia.

1 KORINTUS 16:15

I yamiu asinungka massingkatti Stefanus wuṛṛu amonanne; i mangitou apan paarorone naola'a taumatan Saṛṛani su Akhaya. I mangitou ringannu ahewallu naungnge mammanara tumba'u mangngimbe walahannu Ruata.

1 TESALONIKA 1:7

Ringannu udde i yamiu naola'a tul᷊adda su anambon taumatan Saṛṛani su Makedonia wuṛṛu Akhaya.

2 KORINTUS 8:19

Wua'udde lai, taumata isassago'u udde suete nipile lai wuṛṛu nitantunu manga jamaatta ipandinganna si yami su amatanni yami. Ana waugu i yami sarun umamatta mamasingkattu sasumbala udde, tadea'u Mawu wantuhanna, wuṛṛu tadea'u i yamiu maasilo manungku i yamiu maapulu mantul᷊ungnga.

2 KORINTUS 7:4

I ya'u mangngimanna atonna si yamiu. Wuṛṛu lai ya'u mal᷊uassa atonna si yamiu! Salaiwe i yami naasomba manambo asasusa, naungku nal᷊uassa ana waugu i yamiu. Naungku lembon lulluassa!

2 KORINTUS 1:1

Manga tuṛṛangnga jamaattu Ruata su Korintus wuṛṛu al᷊aṛṛana'u Ruata sarangkanambone su ahewallu leta'u Akhaya. I Ya'u Paulus, rasulli Kristus Yesus, apan nitenega wuassu apulun Duata, suadio'a ringannu tuṛṛangngi ite Timotius,

WATTI'U MANGA RASUL 18:12

Napawe i Galio naola'a gubernuren Akhaya, manga taumatan Yahudi na'ammulla mannal᷊are si Paulus wuṛṛu mangapiddi tou watukku mallaṛṛuungnga.

WATTI'U MANGA RASUL 24:17

Napawe pirate tonna tawe uatana'a su Yerusalem, i ya'u nabelengke apia su Yerusalem nangapiddu sasumbala roitta su pabbawala'u wuṛṛu nangapiddu aonggolla sasamba su Ruata.

ROMA 15:26

Ana waugu manga jamaatta su Makedonia wuṛṛu Akhaya maapulute mangonggolu sasumbala su manga tuṛṛangnga apan asiangnga su wallattu jamaattu Ruata su Yerusalem.

2 KORINTUS 7:14

I ya'u atonna suete namarabungan kamiu si tou. Aadiangkamanna, i yamiu tawe namansili si ya'u. Anambon apa apan suete niwal᷊on kami si yamiu udde atonna. Aroddi lai apa apan ipamarabungan kami su ola'i yamiu si Titus udde niatialanna atonna.

2 KORINTUS 8:11

Orassa indi ṛinone i yamiu manassute manara udde tumuṛṛuttu auatannu. Ṛinone i yamiu maṛṛimadda manginsue manara udde, su ereapa i yamiu lai rorone maṛṛimadda maṛṛingiddu manara udde.