2 KORINTUS 8:9 - WUKE SUSI WATTI'U AL᷊AL᷊USASSA

⁹ Ana waugu i yamiu masingkata atonna manungku i ite lembon arangnguanni Yesus Kristus Mawun kite. I Tou ala, arawe i Tou nattingkaola'a asiangnga ana waugu i ite, tadea'u ringannu paa'asiangnge udde i yamiu maola'a ala.

2 KORINTUS 8:9 Referans Kwoze

ROMA 8:32

Anang-Nge sassane tawe niakkan-Ne, ewe'e tinantilli Tou hunane si ite sarangkanambone, ṛatade i Tou tawe mangonggolu al᷊awo'u hausanna waine si ite?

MATIUS 20:28

Ere lai Ana'u Taumata udde, i Tou nirumanta wal᷊ine tadea'u imbeanna, arawe mangimbe, wuṛṛu manantillu niawa-Ne ipamallossu taumata nambo.”

ROMA 5:8

Arawe Ruata napaal᷊iatta'u darangngu-Ne si ite su tempo Mawu Yesus nate ana waugu i ite, su tempo i ite ta'e sulal᷊ummu rosa.

2 KORINTUS 6:10

Salaiwe naungngi yami massusa, arawe i yami sidutu lulluassa lai. I yami aellehanna asiangnga, arawe i yami suete napaa'alan taumata nambo. I yami aellehanna tawe darotongnga, arawe su ṛinone i yami uatahuanna sarangkanambone.

EFESUS 2:7

Ruata na'ola'a udde tadea'u su tempo apan addantane, taumata wotongnge maasilo aroddi ahewalle darangngun Ruata. Darangngu udde niapaasilon Duata sulal᷊ummu apapia naung-Nge si ite sulal᷊ummi Kristus Yesus.

YOHANES 1:14

Ṛengetanna naola'e taumata, I Tou uatana'a su wallatti ite, wuṛṛu i ite suete naasilo awawantu-Ge. Awawantuga udde suete sinengkammi Tou Ana'u Iamangnga tinggassa. Sulal᷊ummi Tou i ite naasilo Ruata wuṛṛu darangngu-Ne si ite.

YAKOBUS 2:5

Paanaunge, manga tuṛṛangnga apan arangnguanna! Taumata asiangnga su runia indi, nipilen Duata maola'a taumata ala sulal᷊ummu pangangimanna. Manga taumata udde sarun maola'a reengannu al᷊aṛṛana'u Ruata ere suete nipa'iren Duata su taumata apan mandangngu si Tou.

EFESUS 3:8

Su wallatu anambon al᷊aṛṛana'u Ruata, ete i ya'u aral᷊eoanne. Arawe Ruata nangonggolu al᷊amatta indi si ya'u: Manara mammasingkatu Watti'u Al᷊al᷊uassa su taumata wal᷊ine Yahudi su ola'u paa'alan Kristus apan tawe masue;

1 TIMOTIUS 6:18

Paddorongke si mangitou mapaal᷊iatta'u apapia, ringannu ma'ola'a al᷊awo'u inolaanna apan mapia, masaṛṛionto'a, wuṛṛu laghune mapia.

LUKAS 16:11

Nariaddi, amungkangngu su ola'u darotongngu runia indi yamiu tate apangimananna, isai maapulu mangngimanna si yamiu su darotongngu ṛimuudda?

IBRANI 1:2

Arawe su tempo panginsueanne indi Tou uahahattong kite sulal᷊ummu Anang-Nge. Sulal᷊ummu Anang-Nge indi Ruata nandiaddi ul᷊ilim pati'uppa. Wuṛṛu Ruata suete nanantuna lai manungku ete Anang-Nge indi apan manahuanna al᷊awo'u sarangkanambone.

LUKAS 9:58

Mawu Yesus sinumimbakka, “Serigala pia liangnge, wuṛṛu manu'u winalanganna pia sal᷊akke, arawe Ana'u Taumata tawe tampa lallalowangan-Ne.”

SONDAPPA 3:18

Ana waugu udde i Ya'u manantiro si yamiu tadea'u mamalli wul᷊awanna wuassia-U, eteudde wul᷊awanna apan apianne, tadea'u i yamiu maola'a ala. Pamallite lai laubba mawira wuassia-U tadea'u i yamiu pia peddeta wuṛṛu ipami'unte wadangi yamiu apan tantol᷊e wuṛṛu ma'asili. Wuṛṛu pamallite lai undama ipamuṛṛa matanu tadea'u i yamiu wotongnge maasilo.

EFESUS 3:19

apan ringannu ṛingiṛṛannu taumata tawe iasunna saran kadio'a. Doronganna i yamiu maaillal᷊a darangngun Kristus udde, na'oman sara i yamiu mapenen apulun Duata apan nasuungnga.

1 KORINTUS 1:4

I ya'u sidutu maadiangkamanna su Ruata su ola'i yamiu, ana waugu yamiu buatte nanengkamma al᷊amattu Ruata sulal᷊ummi Kristus Yesus.

LUKAS 2:7

I tou nangunsiweten sangkatou ana'a esakka, anangnge pahul᷊u. Ana'a udde nioosannu laṛṛeme, see niapaatiilla su tampan aananannu winatangnga niampaṛṛannu laṛṛami; ana waugu i mangitou niasueannu tampa pattindahoanna.

YESAYA 53:2

Mawu mappandumma allang-Nge udde ere solla apan tinumuwo su leta'a mamara. Tawe aṛṛamaga si tou apan ellehanni ite; taweddu ma'anemma apulun kite.

YOHANES 16:15

Sarangkanambone apan tatahuanannu Iamangnga udde lai tatahuanang-Ku. Ana waugu udde i Ya'u mabbisara manungku apa apan niapaasingkattu Ghaṛṛaho si yamiu, nisengkamme wuassia-U.”

YOHANES 1:17

Tita Mawu, nisengkammi ite wuassi Musa. Arawe darangngu wuṛṛu tatal᷊antupu Ruata niapaal᷊iatta'a sulal᷊ummi Yesus Kristus.

YOHANES 1:10

Ṛengetanna piate su runia, runia niola'a sulal᷊ummi Tou, arawe runia tawe maaillal᷊a si Tou.

MATIUS 8:20

Mawu Yesus sinumimbakka, “Serigala pia loṛṛangnge wuṛṛu manu'u winalanganna pia sal᷊akke, arawe Ana'u Taumata tawe tampa lallalowanganne.”

SONDAPPA 21:7

Manga taumata apan naauntunga sarun manengkama manga wawal᷊issu inolaanne udde wuassia-U. I Ya'u sarun maola'a Ruatane, wuṛṛu i tou sarun maola'a ana-U.

1 KORINTUS 15:47

Adam paarorone niola'a wuassu leta'a, arawe Adam aruane nirumanta wuassu surga.

ROMA 11:12

Ana waugu walahannu Yahudi nassal᷊a wuṛṛu maddiri tumuṛṛutta apulun Duata, ne manga walahanna waine nial᷊amatannu Ruata. Nangillembo lai amungkangngu paa'aukku walahannu Yahudi ringannu Ruata maola'a mapia; ne maggewal᷊anna lai al᷊amatta apan sarun ionggolu Ruata!

YOHANES 17:19

Su hausanni mangitou, i Ya'u nanantillu riri-U maola'a pussa'an Iamangnga sassane, tadea'u i mangitou lai maola'a pussa'an Iamangnga sassane sulal᷊ummu atatul᷊idda.

YOHANES 12:30

See Mawu Yesus nabbisara si mangitou, “Tingikka udde niaringiṛṛanna, wal᷊ine hausang-Ku, arawe maola'a hausannu.

MARKUS 6:3

Wal᷊inewe i Tou indi ana'u waseng kalu, ana'i Maria, wuṛṛu tuṛṛangngi Yakobus, i Yoses, i Yudas wuṛṛu i Simon? Ore, manga tuṛṛang-Nge wawine lai udde uatana'a isindi.” Ana waugu udde i mangitou nanol᷊ai Tou.

MATIUS 17:27

Arawe arie i ite mapaasusa naungngu manga taumata udde. Nariaddi, roote su rano pamaṛṛungnga. Apira'a inassa paarorone niawaṛṛungannu. Sulal᷊ummu moṛṛongngu inassa udde, i'o sarun maasomba roitta apan botongnge ipamaekka wosen kadua. Anute roitta udde wuṛṛu waeṛṛete si mangitou wosen kite hunan Bal᷊e Mawu.”

YESAYA 65:8

Mawu nabbisara, “Wuang anggore apan ta'e pia ua'ene tawe iramme, arawe olaanna ua'en anggore. Aroddi lai pabbawala-U tawe Ta'u pateanna abbi, ana waugu suwallatti mangitou ta'e paiddu apan mattaṛṛamawu si Ya'u.

YESAYA 62:1

Ana waugu Yerusalem i Ya'u sarun mabbisara, ana waugu Sion i Ya'u tawe uatatana'a mal᷊annabba, maddatingngu i tou iapaasal᷊amatta wuṛṛu auntunganna mabbanala ere sasol᷊oanna sutempo ṛabbi.

KOLOSE 1:24

Orassa indi ya'u mal᷊uassa matataṛṛanga hunan kamiu. Ana waugu ringannu asasusan wadangku, i ya'u manuungngu apa apan ta'e ṛinone niapendamanni Kristus su jamaan-Ne, eteudde wadang-Nge.

LUKAS 8:3

wuṛṛu lai i Yohana awingngi Khuza, maṛṛinun araratuanni Herodes; i Susana, wuṛṛu manambo lai wawine waine. Ringannu roitti mangitou sassane, i mangitou nallal᷊ima Mawu Yesus wuṛṛu manga mallal᷊aṛṛenggen-Ne.

ROMA 15:3

Ana waugu Kristus lai tawe maṛṛingiddu al᷊al᷊uassu riri-Ne sassane. Sulal᷊ummu Wuke Susi uawoṛṛetta arendi, “Al᷊awo'u al᷊uandaga apan nipangal᷊uandaga si'o, naṛṛia'e si ya'u.”

SONDAPPA 2:9

I Ya'u masingkatu manga asasusanu; i Ya'u masingkata i yamiu asiangnga arawe wutte'e yamiu ala! I Ya'u masingkatu manga aal᷊uandaga apan ipangal᷊uandaga si yamiu wuassu manga taumata apan mangnga'u ririne Yahudi, wutte'e wal᷊ine; ete i mangitou udde walahannu Setanna!