2 KORINTUS 8:23 - WUKE SUSI WATTI'U AL᷊AL᷊USASSA

²³ Su ola'i Titus, i tou udde hawe'u, apan mammanara ringangku mantul᷊ungngi yamiu. Wuṛṛu su ola'u tuṛṛangnge darua udde, apan inai suadio'a ringanni tou, ete i mangitou udde taumata apan nirolokku manga jamaatta wuṛṛu naola'a sambau awawantugi Kristus.

2 KORINTUS 8:23 Referans Kwoze

FILIPI 2:25

Su ola'u tuṛṛangi ite Epafroditus apan nirolokki yamiu mallal᷊ima si ya'u, i ya'u mammendama mappianne i tou irolokka iapaawelengnga ringanni yamiu apia. I tou suete nallal᷊ima si ya'u sulal᷊ummu manara'u.

FILEMON 1:17

Ana waugu udde, i'o ma'ellega si ya'u ere sangkatou hawe sulal᷊ummu paa'aukku taumatan Saṛṛani, tarimmata'e apia Onesimus ere lai i'o nanarimmatti ya'u.

2 KORINTUS 8:6

Ana waugu udde i yami nandolokki Titus – apan nanattaku manara indi – tadea'u i tou manassu manara apan mapia indi su wallatti yamiu lai.

3 YOHANES 1:8

Ana waugu udde, i ite manga taumatan Saṛṛani ṛinone mantul᷊ungngu manga tuṛṛangngi ite apan labbisa taumatan Saṛṛani ereudde, tadea'u i ite wotongnge su sambau sulal᷊ummu manaran mangitou mabatti'u al᷊aṛṛa'a su ṛinone wuassu Ruata.

FILEMON 1:24

Sengkamma lai tabea manga hawe'u: Markus, Aristarkhus, Demas wuṛṛu Lukas.

1 TESALONIKA 2:2

I yamiu masingkata manungku ro'en i yami taambe nirumanta ringanni yamiu su Tesalonika, i yami suete niapaasusa wuṛṛu nial᷊uandahanna su Filipi. Arawe salaiwe manambo taumata mandooppa si yami, Mawu Ruatan kite suete nangonggolu awawaṛṛani si yami ipabbatti'u Watti'u Al᷊al᷊uassa si yamiu apan darantane wuassi Tou.

KOLOSE 1:7

Olangnge udde niapaasingkati Epafras si yamiu, hawe apan arangnguanni yami. I tou udde allangngi Kristus apan matuṛṛuta mammanara hunan kite.

FILIPI 4:3

Su hawe'u apan matuṛṛuta, i ya'u madorongnga lai tadea'u tuṛṛanga massumbala wawine darua udde. I mangitou suete nammanara maṛṛimadda ringangku mabatti'u Watti'u Al᷊al᷊uassa wuassu Ruata; ere lai Klemen wuṛṛu anambon taumata waine apan mammanara suadio'a ringangku. Manga aranni mangitou uawoṛṛetta sulal᷊ummu Wuken Taumata Wiakka.

2 KORINTUS 12:18

I ya'u suete nandolokki Titus inai mattembo si yamiu, wuṛṛu i ya'u nandolokku tuṛṛangnga waine apan Saṛṛani inai su sambau ringanni tou. Apa Titus nanganu auntunganna wuassi yamiu? Arawe iambua mammanara ringannu pandumma apan uasul᷊ungnga wuṛṛu ma'ola'a ringannu inolaanna apan uasul᷊ungnga!

2 KORINTUS 8:19

Wua'udde lai, taumata isassago'u udde suete nipile lai wuṛṛu nitantunu manga jamaatta ipandinganna si yami su amatanni yami. Ana waugu i yami sarun umamatta mamasingkattu sasumbala udde, tadea'u Mawu wantuhanna, wuṛṛu tadea'u i yamiu maasilo manungku i yamiu maapulu mantul᷊ungnga.

2 KORINTUS 8:16

Lembon maadiangkamanna i yami su Ruata ana waugu i Tou suete na'ola'a si Titus maṛṛimadda ere i yami mantul᷊ungngi yamiu.

2 KORINTUS 7:6

Arawe aadiangkamanna, Ruata sidutu mannohassa naungngu taumata apan nial᷊iwune, i Tou nalluassa si yami ringannu darantan Titus.

LUKAS 5:10

Aroddi lai ringannu manga hawen Simon, eteudde i Yakobus wuṛṛu i Yohanes, al᷊aṛṛana'i Zebedeus. Mawu Yesus nabbisara si Simon, “Arie pa'ata'utta! Manattakka orassa indi i'o sarun maola'a mananoma taumata.”

LUKAS 5:7

Ana waugu udde i mangitou naitul᷊ungnga su manga hawene su saalanna waine. Manga hawe mangitou nirumanta see i mangitou su sambau nalloṛṛo saalanna rua ngassa udde napenen inassa na'oman sara manga saalanna udde maraniten lumakkuba.

YOHANES 13:16

Mangke atonna wisara-U indi: Sangkatou allangnga tawe magewal᷊anna wuassu mawune, wuṛṛu sangkatou darol᷊oṛṛanna tawe magewal᷊anna wuassu mandarolokke.

1 KORINTUS 11:7

Esakka tawe wotongnge mappaattu tatindunga, ana waugu i tou naal᷊ihida hambarannu inolaan-Ne wuṛṛu awawantugu Ruata. Arawe wawine maola'a hambarannu awawantugu esakka,

2 KORINTUS 8:18

Suadio'a ringanni tou i yami nandolokku sangkatou tuṛṛangnga apan aadatannu anambon jamaatta ana waugu manarane mammasingkatu Watti'u Al᷊al᷊uassa wuassu Ruata.

2 KORINTUS 8:22

Suadio'a ringanni Titus wuṛṛu tuṛṛangnge udde, i yami lai nandolokku sangkatou tuṛṛangnge waine. I yami masokkate naannama si tou wuṛṛu inasingkatanna i tou sidutu maapulu mantul᷊ungnga. Wuṛṛu orassa indi, i tou maapulu mantul᷊ungngi yamiu, ana waugu i tou pia antimma wahewa si yamiu.

2 TIMOTIUS 4:10

ana waugu Demas suete nanantangku ana waugu nandangute runia indi. I tou nanute watukku Tesalonika. Kreskes nabatukken Galatia, wuṛṛu Titus watukku Dalmatia.

TITUS 1:4

Titus, eteudde i'o atonna-tonna ana'u, ana waugu i'o wuṛṛu i ya'u suaddio'a suete nangimanna si Kristus. I ya'u mangantimma doronganna Ruata Iamangnga wuṛṛu Kristus Yesus Ratum Punnu Sal᷊amatti ite, mangonggolu al᷊amatta wuṛṛu paddarame si'o.