2 KORINTUS 8:21 - WUKE SUSI WATTI'U AL᷊AL᷊USASSA

²¹ I yami maddiri mangawusu wal᷊ine tumba'u su lantakku hati Mawu, ewe'e su saruannu taumata lai.

2 KORINTUS 8:21 Referans Kwoze

ROMA 12:17

Amungkangngu taumata mandal᷊eo si'o, arie wal᷊isannu al᷊al᷊eo. Ola'e apa apan mapia su aellegu awadaalla.

1 PETRUS 2:12

Pallal᷊agunu su wallatu taumata apan tawe maaillal᷊a Mawu ṛinone lembon mapia, na'oman sara napawe i mangitou mangngadio'a si yamiu ere taumata lal᷊eo, i mangitou lai sarun manga'u inolaannu apan mapia na'oman sara i mangitou sarun maddalo Ruata su allo daranta-Ne.

FILIPI 4:8

Panginsueanne, manga tuṛṛangnga, loṛṛoite ṛingiṛṛannu ringannu inolaanna apan mapia, apan wotongnge raloanna, eteudde inolaanna apan naṛṛino, maaddata, apan matul᷊ida, waresi, masaṛṛionto'a, wuṛṛu mapia.

1 TESALONIKA 5:22

Pangindauten al᷊awo'u hatin al᷊al᷊eo.

2 KORINTUS 2:17

I yami tawe naal᷊ihida ere taumata nambo apan ma'ola'a Watti'u Ruata ere saranapa wal᷊u'anna. Manga pandumanni yami udde waresi, ana waugu i yami nirolokku Ruata. Wuṛṛu Ruata sassane ua'ellega manungku i yami mammasingkatu watti'a udde naola'a allangngi Kristus.

ROMA 14:18

Taumata apan mangngimbe Kristus olangnge aroddi, taumata udde maal᷊uassa naungngu Ruata, wuṛṛu aadatannu taumata waine.

1 TIMOTIUS 5:14

Ana waugu udde i ya'u maapulu tadea'u manga wawine wal᷊u ta'e dario'a maawingnga apia, maasomba ana'a wuṛṛu mammadul᷊i lal᷊oṛṛon bal᷊e, tadea'u manga seetti ite tawe maasomba tempone mandal᷊eo aranni ite.

MATIUS 6:4

Wala'e pallal᷊agunu udde tawe asingkatannu taumata, tumba'u Iamangngu su surga. I tou ma'asilo pallal᷊agunu apan uawuni udde wuṛṛu sarun mangonggolu lal᷊antakke si yamiu.”

MATIUS 5:16

Aroddi lai asasemakku ṛinone lai lumansiangnga su saruannu taumata, tadea'u i mangitou maasilo al᷊awo'u pallal᷊agunu apan mapia, wua'udde padalote Ruata su surga.”

MATIUS 23:5

Sarangkanambone apan niola'i mangitou tumba'u iapa'ellega su taumata. I mangitou malluṛṛen tal᷊in aal᷊iomanna apan mal᷊ala-l᷊alakka wuṛṛu mal᷊o'engnga uatungkele su jubah mangitou!

MATIUS 6:1

“Naungete, arie i yamiu ma'ola'a tatuṛṛuttu agama su saruannu awadaalla tadea'u ellehannu taumata. Amungkangngu i yamiu ma'ola'a aroddi, i yamiu tawe onggol᷊annu lal᷊antakke wuassu Iamangngu su surga.

RUT 3:14

Ne i Rut natiille isudde maranin leddan Boas. Tiṛṛabbine marua allo maṛṛanggapa, i Rut napu'ote tadea'u tawe asiloannu taumata. Ana waugu i Boas maddiri pia sangkatou apan maasingkatta manungku i Rut nirumanta su tampa udde.

AMSAL 3:4

tadea'u i'o ilalluassa wuṛṛu a'ellehannu Ruata wuṛṛu taumata.

2 KORINTUS 8:20

I yami mateha-tehamma tadea'u tawe taumata mapaasal᷊an kami su ola'u padarorongnga sumbala apan wahewa indi.

2 KORINTUS 8:22

Suadio'a ringanni Titus wuṛṛu tuṛṛangnge udde, i yami lai nandolokku sangkatou tuṛṛangnge waine. I yami masokkate naannama si tou wuṛṛu inasingkatanna i tou sidutu maapulu mantul᷊ungnga. Wuṛṛu orassa indi, i tou maapulu mantul᷊ungngi yamiu, ana waugu i tou pia antimma wahewa si yamiu.

1 TIMOTIUS 3:7

Ṛinone i tou taumata apan pia aranne mapia sulal᷊ummu soa; ana waugu amungkangu tawe aroddi, ne i tou sarun al᷊uandahannu taumata, na'oman sara manawo su liman Setanna.

1 MARARATU 18:34

i tou nabbisara, “Paassa lai,” ana see i mangitou na'ola'a. “Paassa lai,” unni i Elia, wuṛṛu i mangitou na'ola'a apia.