2 KORINTUS 8:19 - WUKE SUSI WATTI'U AL᷊AL᷊USASSA

¹⁹ Wua'udde lai, taumata isassago'u udde suete nipile lai wuṛṛu nitantunu manga jamaatta ipandinganna si yami su amatanni yami. Ana waugu i yami sarun umamatta mamasingkattu sasumbala udde, tadea'u Mawu wantuhanna, wuṛṛu tadea'u i yamiu maasilo manungku i yamiu maapulu mantul᷊ungnga.

2 KORINTUS 8:19 Referans Kwoze

2 KORINTUS 4:15

Sarangkanambone udde hunanu sassane. Ana waugu lembon aatambanna taumata uapendamma darangngun Duata, lembon manambo lai aal᷊iomanna apan iaal᷊iomanna su Ruata; ringannu aroddi Ruata wantuhanna.

2 KORINTUS 9:8

Ruata uataṛṛino mangonggola si yamiu al᷊amatta apan manambo-nambo, tadea'u i yamiu sidutu uatahuanna apa apan ipaapulun kamiu; wuṛṛu i yamiu lai sarun pia lebbene ipa'ola'a apapia wuṛṛu pasasumbala su taumata waine.

WATTI'U MANGA RASUL 15:25

Ana waugu udde i yami suete na'ire wuṛṛu sarangkanambone inumire mamile sire pira taumata wuṛṛu mandolokki mangitou ringanni yamiu. I mangitou sarun inai suadio'a ringannu tuṛṛangnga Barnabas wuṛṛu i Paulus apan arangnguanni yami.

WATTI'U MANGA RASUL 15:22

Manga rasul wuṛṛu manga piaṛṛangnge, su sampunna ringannu jamaatta udde naṛṛawessa mamile manga pirang katou taumata wuassu wallatti mangitou apan sarun irolokka watukku Antiokhia suadio'a ringanni Paulus wuṛṛu i Barnabas. I mangitou namile si Silas wuṛṛu si Yudas apan isassago lai i Barsabas. Taumata darua indi paarorone su wallattu manga taumata mangngimanna su Yerusalem.

WATTI'U MANGA RASUL 14:23

Wuṛṛu su al᷊awo'u jamaatta, i Paulus wuṛṛu i Barnabas nanenegu manga piaṛṛangnge su jamaatta udde. See ringannu u'al᷊iomanna wuṛṛu mappuasa, i mangitou nanantillu manga piaṛṛangnge udde su Mawu apan pangngimananni mangitou.

WATTI'U MANGA RASUL 19:22

Ne i tou nandolokku ruang katou wuassu mallal᷊al᷊imane eteudde i Timotius wuṛṛu i Erastus inai watukku Makedonia, wuṛṛu i tou matana'a manga pira tempo al᷊annune su leta'u Asia.

WATTI'U MANGA RASUL 19:29

Ne patatatiakka udde nilumewesse su ahewallu soa. Wua'udde ammul᷊annu al᷊iba'ukka udde nanamette si Gayus wuṛṛu si Aristarkus, eteudde manga taumata Makedonia apan uaammungnga si Paulus sulal᷊ummu amatanne, see namol᷊engnga si mangitou su wal᷊em pananalanganna su soa udde.

ROMA 5:3

Wuṛṛu nangillembo wua isudde, i ite lai lulluassa sulal᷊ummu asasusa, ana waugu i ite masingkata manungku asasusa ma'aola'a taumata maṛṛimadda,

ROMA 5:11

Wuṛṛu nangillembo wua isudde, i ite lai lullala'a ana waugu apapian Duata sulal᷊ummu Mawun kite Yesus Kristus. Ana waugu sulal᷊ummu Mawu Yesus, i ite orassa indi naapendampe paa'aukki ite apan mapia udde ringannu Ruata.

2 KORINTUS 8:11

Orassa indi ṛinone i yamiu manassute manara udde tumuṛṛuttu auatannu. Ṛinone i yamiu maṛṛimadda manginsue manara udde, su ereapa i yamiu lai rorone maṛṛimadda maṛṛingiddu manara udde.

2 KORINTUS 8:12

Amungkangngu i yamiu maapulu mangonggola, ne Ruata sarun manengkamma aonggolu udde pinangiananne wuassu apa apan pia si yamiu, wal᷊ine pinangiananne wuassu apa apan tawe si yamiu.

2 KORINTUS 8:20

I yami mateha-tehamma tadea'u tawe taumata mapaasal᷊an kami su ola'u padarorongnga sumbala apan wahewa indi.

2 KORINTUS 9:2

I ya'u masingkata yamiu maapulu mantul᷊ungnga, wuṛṛu ya'u buatte nilumuassi yamiu su manga taumatan Makedonia. I ya'u nabbisara si mangitou, manungku ro'en tonna nal᷊iu manga tuṛṛangnga su Akhaya nasaddiate mangonggolu sumbala. Wuṛṛu apulunu udde naatohassa lai apulun sangkawageanganna wuassi mangitou.