2 KORINTUS 8:16 - WUKE SUSI WATTI'U AL᷊AL᷊USASSA

¹⁶ Lembon maadiangkamanna i yami su Ruata ana waugu i Tou suete na'ola'a si Titus maṛṛimadda ere i yami mantul᷊ungngi yamiu.

2 KORINTUS 8:16 Referans Kwoze

SONDAPPA 17:17

Ana waugu Ruata suete nangal᷊ore naungngi mangitou mapaamattu pandumannu Ruata. Ruata suete na'ola'a si mangitou sangkire ipanantillu taṛṛino mangitou su winatangnga udde, tadea'u winatangnga udde mamarenta ma'oman sara matipussa apa apan suete niapaasingkatu Ruata.

FILIPI 2:20

Tumba'u Timotius sassane taumata apan ṛingiranne nassul᷊ungku, wuṛṛu atonna-tonna maṛṛingiddu lal᷊umanna'i yamiu.

2 KORINTUS 7:12

Nariaddi, salaiwe i ya'u suete namoṛṛettu suratta udde, i ya'u namoṛṛetta, wal᷊ine ana waugu taumata nassal᷊a udde. Wal᷊ine lai ana waugu taumata apan uatataṛṛanga pasasal᷊a udde. I ya'u namoṛṛettu suratta udde tadea'u su saruannu Ruata i yamiu maatutukka sassane aroddi ahewalle naungngi ami si yamiu.

2 KORINTUS 7:7

Naungngi yami nal᷊uassa wal᷊ine tumba'u ana waugu Titus nirumanta ewe'e lai ana waugu i tou nabbatti'a ereapa naungnge nal᷊uassa ana waugu i yamiu. I Tou namasingkata si yami manungku i yamiu maapulu atonna maisasomba'u; manungku i yamiu sussassilu pallal᷊agunu paarorone wuṛṛu orassa indi mal᷊uassa manamba'a si ya'u. Olangnge udde naal᷊uassa sia'u lai.

YEREMIA 32:40

I Ya'u sarun ma'ola'a paaire apan tawe pattaal᷊anne ringanni mangitou. I Ya'u tawe mangillol᷊o ma'ola'a apapia si mangitou. I Ya'u sarun ma'ola'a si mangitou matta'utta wuṛṛu maaddatta si Ya'u ringannu ahewallu naungnga tadea'u i mangitou tawe mangindau-U.

YEREMIA 31:31

Mawu nabbisara, “Sarun a'omanna tempone i Ya'u ma'ola'a pa'aire apan bakku ringannu umattu Israel wuṛṛu Yehuda.

EZRA 7:27

Ana see Ezra nabbisara, “Paddalote Mawu, Ruata apan sassubbannu iupungngu al᷊amonan kite! I Tou buatte nangal᷊oren naungngu ratu na'oman sara i tou nangonggollu sasumbala pina'ola'a Wal᷊en Mawu su Yerusalem.

KOLOSE 3:17

Al᷊awo'u apa apan a'olaanni yamiu ara'e sulal᷊ummu wisara, ṛinone udde olaanna wuṛṛu iwisara sulal᷊ummu arannu Mawu Yesus. Aal᷊iomante su Ruata Iamangnga ana waugu inolaannu Mawu Yesus si yamiu.

NEHEMIA 2:12

Su al᷊annune udde i ya'u tawe namasingkatta sisai-sai manungku Ruata nangonggollu asingkatta si ya'u ipa'ola'a apia soa Yerusalem. Tiṛṛabine maranduma i ya'u napu'ote ana see nangahe manga pira hawe inai watukku liuddu soa. Wal᷊ine wuassu apan ta'u sasa'enna, i yami tawe nangapiddu winatangnga sasa'eanna wal᷊ine.

2 KORINTUS 8:6

Ana waugu udde i yami nandolokki Titus – apan nanattaku manara indi – tadea'u i tou manassu manara apan mapia indi su wallatti yamiu lai.

2 KORINTUS 8:23

Su ola'i Titus, i tou udde hawe'u, apan mammanara ringangku mantul᷊ungngi yamiu. Wuṛṛu su ola'u tuṛṛangnge darua udde, apan inai suadio'a ringanni tou, ete i mangitou udde taumata apan nirolokku manga jamaatta wuṛṛu naola'a sambau awawantugi Kristus.

2 TAWARIKH 31:8

Naasilo aonggola apan manambo udde, i Ratu Hizkia wuṛṛu mamanara araratuanne mammatuga Mawu, wuṛṛu naddalo tumana'u Israel, al᷊aṛanang-Nge.