2 KORINTUS 8:1 - WUKE SUSI WATTI'U AL᷊AL᷊USASSA

¹ Manga tuṛṛangnga, i yami maapulu i yamiu maasingkata lai su ola'u ereapa apiane Ruata su manga jamaattu Makedonia.

2 KORINTUS 8:1 Referans Kwoze

KOLOSE 1:29

Su ipaddea'a olangnge udde i ya'u mammanara ringannu maṛṛimadda. I ya'u mammanara ringannu ahewallu atatohassa apan nionggoli Kristus si ya'u wuṛṛu apan mammanara sulal᷊ummu wadangku ringannu napenen taṛṛino.

1 TESALONIKA 4:10

Wuṛṛu olangnge indi suete niapaal᷊iatta'i yamiu su saruannu manga tuṛṛanga apan pangangimanna sambau su Makedonia. Arawe manga tuṛṛangnga, i yami sumal᷊ande atonna si yamiu, tadea'u wiakki yamiu maola'a lembon apianne lai.

1 KORINTUS 15:10

Arawe ana waugu al᷊amattu Ruata, i ya'u naola'a lai ere olangnge i ya'u orassa indi. Wuṛṛu talawe tawe gunane Ruata nangampunga si ya'u. Ewe'e ete i ya'u mammanara maṛṛimadda wuassu anambo manga rasul waine. Arawe udde ṛinone wal᷊ine ya'u mattinsahadda, udde sahaddu Ruata apan marangngu si ya'u wuṛṛu mammanara suadio'a ringangku.

WATTI'U MANGA RASUL 16:9

Ṛabbine su Troas, i Paulus nissondapanna. Sulal᷊ummu sondapa udde i tou naasilo taumata Makedonia uarisikka su saruanne lapiddu sussal᷊ande tadea'u i tou lai inai watukku Makedonia mantul᷊ungngi mangitou.

EFESUS 3:8

Su wallatu anambon al᷊aṛṛana'u Ruata, ete i ya'u aral᷊eoanne. Arawe Ruata nangonggolu al᷊amatta indi si ya'u: Manara mammasingkatu Watti'u Al᷊al᷊uassa su taumata wal᷊ine Yahudi su ola'u paa'alan Kristus apan tawe masue;

2 KORINTUS 9:2

I ya'u masingkata yamiu maapulu mantul᷊ungnga, wuṛṛu ya'u buatte nilumuassi yamiu su manga taumatan Makedonia. I ya'u nabbisara si mangitou, manungku ro'en tonna nal᷊iu manga tuṛṛangnga su Akhaya nasaddiate mangonggolu sumbala. Wuṛṛu apulunu udde naatohassa lai apulun sangkawageanganna wuassi mangitou.

ROMA 15:26

Ana waugu manga jamaatta su Makedonia wuṛṛu Akhaya maapulute mangonggolu sasumbala su manga tuṛṛangnga apan asiangnga su wallattu jamaattu Ruata su Yerusalem.

WATTI'U MANGA RASUL 11:23

Wuṛṛu napawe i Barnabas na'omate su Antiokhia, wuṛṛu naasilo ereapa Ruata nangal᷊amatta manga taumata udde, i tou lembon lulluassa. See i tou nadorongnga tadea'u i mangitou atonna-tonna tumuṛṛutta Ruata ringannu ahewallu naungnge.

2 KORINTUS 11:9

Amungkangngu su tempo udde i ya'u sulal᷊ummu paa'asiangnga, i ya'u tawe mapaasusa saran sangkatou wuassu wallatti yamiu. Anambon apa apan pappandumangku suete nissaddian manga tuṛṛangnga apan nirumanta wuassu Makedonia. I ya'u uariaga mapia-pia tadea'u i ya'u tawe mapaasusan kamiu su al᷊awo'u inolaanna, wuṛṛu i ya'u sidutu uariaga tadea'u olangnge udde tawe mawal᷊u.

2 KORINTUS 9:12

Ana waugu inolaanna mapia apan niola'i yamiu indi wal᷊ine tumba'u mannuungngu aurangannu walahannu Ruata, arawe udde ma'aola'a taumata nambo maadiangkamanna su Ruata.

2 KORINTUS 9:4

I ya'u sussinggawangnga aṛṛengenne pia taumatan Makedonia apan tumantalongnga si ya'u su tempo i ya'u rumanta ringanni yamiu. Wuṛṛu amungkangngu i mangitou naaratingnga manungku i yamiu taambe naasaddia, uare asasili eteapa si yami, ana waugu i yami suete nabbal᷊o si mangitou manungku i yami lembo mangngimanna si yamiu! Wuṛṛu i yamiu sassane lai masili.

WATTI'U MANGA RASUL 24:17

Napawe pirate tonna tawe uatana'a su Yerusalem, i ya'u nabelengke apia su Yerusalem nangapiddu sasumbala roitta su pabbawala'u wuṛṛu nangapiddu aonggolla sasamba su Ruata.

MATIUS 25:22

See mangangimbe aruane apan nanengkamma rua ṛiwu roitta wul᷊awanna udde nirumanta wuṛṛu nabbisara, ‘Mawu, Mawu suete nanantillu rua ṛiwu roitta wul᷊awanna si ya'u. Pa'ellege, i ya'u naasomba auntunganne rua ṛiwu lai.’