2 KORINTUS 7:6 - WUKE SUSI WATTI'U AL᷊AL᷊USASSA

⁶ Arawe aadiangkamanna, Ruata sidutu mannohassa naungngu taumata apan nial᷊iwune, i Tou nalluassa si yami ringannu darantan Titus.

2 KORINTUS 7:6 Referans Kwoze

2 KORINTUS 7:13

Ana waugu udde naungngi yami nal᷊uassa. Ringannu lulluassa, i yami lai lullala'a ana waugu naasilo lal᷊uassi Titus, naungnge lulluassa ana waugu i yamiu sarangkanambone.

YEREMIA 31:13

Sutempo udde manga maṛṛuala sarun massal᷊aingnga ringannu naungnga mal᷊uassa. Timmadde wuṛṛu dario'a suadio'a lullala'a, ana waugu i Ya'u sarun malluassa naungngi mangitou. Asasusa mangitou Ta'u wal᷊uanna maola'a al᷊al᷊uassa, lal᷊uai mangitou Ta'u wal᷊uanna mabbal᷊i lal᷊umanna'a.

1 TESALONIKA 3:2

tantal᷊anna i yami nandolokku tuṛṛangi ite Timotius. I tou sangkatou mamamanara Duata apan mammanara suadio'a ringanni ami mammasingkatu Watti'u Al᷊al᷊uassa su ola'i Kristus. I yami nandolokki Timotius ringanni yamiu tadea'u i tou mannohassa si yamiu wuṛṛu mangonggolu sasasa si yamiu ana see lembon mangngimanna lai si Kristus.

YESAYA 57:18

I Ya'u naasilote pallal᷊aghun mangitou, arawe i mangitou i Ya'u iapaapia lai. I Ya'u sarun mangehetta wuṛṛu mantul᷊ungngi mangitou wuṛṛu mapaal᷊uassu taumata apan naungnge massusa.

FILIPI 2:1

I yamiu matohassa, ana waugu i yamiu uaaukka ringanni Kristus. Wuṛṛu i yamiu nial᷊iwuṛṛana ana waugu Kristus mandangngu si yamiu! I yamiu aehetannu Ghaṛṛahon Duata, wuṛṛu i yamiu lai uararangngu wuṛṛu uasasumbala sangkatou ringannu waine.

ROMA 15:5

Sal᷊andeanna su Ruata apan mangonggolu asasabare wuṛṛu lal᷊imbata su taumata, mantul᷊ungngi yamiu mabbiakka su paa'aukka tumuṛṛuttu tul᷊adan Kristus Yesus.

MATIUS 5:4

Lal᷊umanna'a su taumata apan massusa naungnge; Ruata sarun malluassa naungngi mangitou!

YESAYA 57:15

Ana waugu ete arendi wisaran Duata Apan Atanggaṛṛanne wuṛṛu na'ukkassa, apan uataṛṛino saran mal᷊annu-l᷊annu, “I Ya'u uatana'a su tampa apan matanggakka wuṛṛu susi, ewe'e lai suwallattu manga taumata apan masaṛṛionto'a wuṛṛu apan sussassillu manga rosane, ipanal᷊i'u atatohassa wuṛṛu antimmi mangitou.

YESAYA 51:12

Mawu nabbisara, “Ete i Ya'u Mawu apan malluassa si yamiu. Anio i'o matta'uttu taumata apan mattate, su taumata apan niramme ere wal᷊abbuka?

YESAYA 12:1

Sarun dumanta tempone i yamiu mangantari: “Mawu, i ya'u ma'adiangkamanna Si'o, ana waugu I'o nalluassa si ya'u. Dorone I'o massa'u si ya'u, arawe orassa indi nompo'e asasa'u-Nu.

YOHANES 14:16

I Ya'u sarun madorongnga su Iamangnga, wuṛṛu i Tou sarun manganggilla si yamiu Mattatul᷊ungnga waine, apan sarun matana'a ringanni yamiu saran mal᷊annu-l᷊annu.

2 KORINTUS 7:7

Naungngi yami nal᷊uassa wal᷊ine tumba'u ana waugu Titus nirumanta ewe'e lai ana waugu i tou nabbatti'a ereapa naungnge nal᷊uassa ana waugu i yamiu. I Tou namasingkata si yami manungku i yamiu maapulu atonna maisasomba'u; manungku i yamiu sussassilu pallal᷊agunu paarorone wuṛṛu orassa indi mal᷊uassa manamba'a si ya'u. Olangnge udde naal᷊uassa sia'u lai.

2 KORINTUS 7:14

I ya'u atonna suete namarabungan kamiu si tou. Aadiangkamanna, i yamiu tawe namansili si ya'u. Anambon apa apan suete niwal᷊on kami si yamiu udde atonna. Aroddi lai apa apan ipamarabungan kami su ola'i yamiu si Titus udde niatialanna atonna.