2 KORINTUS 7:15 - WUKE SUSI WATTI'U AL᷊AL᷊USASSA

¹⁵ Orassa indi i tou lembon marangngu si yamiu ana waugu i tou mannaungnga ereapa i yamiu sarangkanambone tuttuṛṛutta piaṛṛangnge, wuṛṛu ereapa i yamiu manarimmatti tou ringannu maaddatta wuṛṛu matuṛṛuta.

2 KORINTUS 7:15 Referans Kwoze

FILIPI 2:12

Ana waugu udde, manga tuṛṛangnga apan arangnguanna, su ereapa i yamiu sidutu matuṛṛuta si ya'u su tempo i ya'u uatana'a su pattangnganni yamiu, ne nangillembo orassa indi su tempo i ite mararaute, ṛinone i yamiu sidutu tuttuṛṛuta si ya'u. I yamiu suete nisal᷊amattu Ruata, nariaddi sidutu pammanarate tadea'u paddaramenu maola'a masuungnga. Ola'e udde ringannu addata wuṛṛu tatuṛṛuta su Ruata,

2 KORINTUS 2:9

I ya'u namoṛṛettu suratta udde si yamiu ringannu pandumanne maannamma si yamiu, tanne i yamiu sidutu maapulu tumuṛṛutta manga tatantiro'u.

1 YOHANES 3:17

Amungkangu sangkatou apan wiakke natimu naasilo tuṛṛange wiakke tawe natimu, arawe maddiri mantul᷊ungngu tuṛṛangnge udde, ereapa taumata udde wotongnge mabbisara manungku i tou mandangngu Ruata?

2 TESALONIKA 3:14

Asinungka ta'e pia taumata apan maddiri tumuṛṛutta apa apan niapaasingkati yami sulal᷊ummu suratta indi. Paatehamma su saruannu taumata ereudde wuṛṛu arie maggawen tou tadea'u i tou masili.

KOLOSE 3:12

Eteudde tuṛṛanga sarangkanambone al᷊aṛṛana'u Ruata. Ruata marangngu si yamiu wuṛṛu namile si yamiu maola'a pussa'a-Ne sassane. Ana waugu udde i yamiu ṛinone mapaal᷊iatta'u apapia, i yamiu ṛinone uasasangkapia, masaṛṛionto'a, masaṛṛiologa wuṛṛu mataṛṛanga su asasusa.

FILIPI 1:8

Ruata masingkatta manungku i ya'u atonna-tonna luṛṛintulun kamiu ringannu apendamu darangngu wuassi Kristus Yesus sassane.

2 KORINTUS 6:12

I yami manutuba naungngi yami si yamiu, tumba'u i yamiu mammuni naungngi yamiu si yami.

WATTI'U MANGA RASUL 16:29

Tembonannu tuttupanna udde nadorongnga sol᷊o see tinumal᷊angnga watukku lal᷊umme, wuṛṛu ringannu mangngindo i tou inumal᷊intuda su saruanni Paulus wuṛṛu i Silas.

HOSEA 13:1

Dorone ṛuanganni Efraim aaddatanna na'oman sara napawe pia parenta wuassu ṛuanganna udde, manga ṛuanganna waine su Israel matta'utta. Arawe ṛuanganni Efraim na'ola'a rosa ana waugu massubba si Baal, ana waugu udde i tou sarun namuli.

YESAYA 66:2

Ul᷊ilin pati'uppa uddewe lanna'u lima-U, ne sarangkanambone udde niola'a. Arawe apulu-U eteudde taumata naungnge masaṛṛionto'a, apan mangnga'u manga rosane, apan matta'utta wuṛṛu matuṛṛutta si Ya'u.

ANTARI MAWANTUGA 5:4

Naungku sussinggawanga ana waugu arangnguangku uaagasse papal᷊e ngara.

DARALO 119:120

I ya'u mangngindo ana waugu matta'un-Nu, naungku mangiladda su saruannu raṛṛawen-Nu.

DARALO 2:11

Pattaṛṛamawute Mawu ringannu maadunna,

AYUB 21:6

Amungkangngu i ya'u maṛṛingiddu olangnge indi i ya'u mangngindote ana waugu nata'utta.

EZRA 10:9

Napawe tallu allo nal᷊iudde, su allo daruan pul᷊o wul᷊anna assione, anambon taumata esakka apan uatana'a su wageangngu leta'a Yehuda wuṛṛu Benyamin nirumanta watukku Yerusalem wuṛṛu naammulla su rallakku Wal᷊en Mawu. Sutempo udde uranna nangansalla ringannu masassagga. Awadaalla mangngiladdu asasunge hatin banua wuṛṛu ana waugu ammul᷊anna udde tumaniten mahuna.

EZRA 9:4

I ya'u sidutu ua'ianna aroddi naddatingngu orassu pangangonggollu sasamban bawallo. Wua'udde nirumantate manga taumata uapal᷊iwutta si ya'u. I mangitou matta'utta mannaungnga wawansaggu Ruatan Israel su saruannu rosan manga taumata apan buatte nabbelengnga wuassu pamamuanganna udde.

EFESUS 6:5

Manga tuṛṛangnga apan naola'a allangnga! Paatuṛṛuta parenta mawunu su runia indi. Olaawe udde ringannu apendamma maaddata wuṛṛu matuṛṛuta ringannu atonna-tonna naal᷊ihida ere a'olaanni yamiu si Kristus sassane.

1 MARARATU 3:26

Naaringikka parenta udde, inangnga apan ṛinone wuassu ana'a udde nabbisara, “Ampunga, Tuangnga, aria pappate ana'a udde. Onggol᷊a'e si tou.” Inangnga udde nabbisara aroddi ana waugu i tou lembon marangngu anangnge. Arawe wawine apan baine udde nabbisara, Ore, ponggo'e, tadea'u su naaringikka parenta udde, inangnga apan rinone wuassu ana'a udde nabbisara, “Ampunga, Tuangnga, arie pappate ana'a udde. Onggol᷊a'e si tou.” Inangnga udde nabbisara aroddi ana waugu i tou lembon marangngu anangnge. Arawe wawine apan baine udde nabbisara, “Ore, ponggo'e, tadea'u su walatti yambua taweddu maasomba!”

PANDARIADDI 43:30

Naungngi Yusuf sinumarootta ana waugu ma'apulute ma'asomba wuṛṛu mandangngu tuarine. Ete addio'a i tou tawe naaṛṛaddannu apulune, ana waugu udde i tou nangingkatta wua isudde ringannu mal᷊ihakka wuṛṛu sinumutta su wabbo'ane wuṛṛu nilumuai.

YOHANES 16:21

Amungkangngu sangkatou wawine maraniten mangunsiwe, i tou massusa, ana waugu temponete i tou matataṛṛangnga. Arawe aroddi anangnge niasungkangnga, wawine udde naabul᷊iten asasusane ana waugu lulluassa manungku sangkatou ana'a niasungkangke su runia.

1 KORINTUS 2:3

Su tempo i ya'u suadio'a ringanni yamiu, i ya'u lome wuṛṛu mangngindon atata'utta.