2 KORINTUS 7:11 - WUKE SUSI WATTI'U AL᷊AL᷊USASSA

¹¹ Annama'a i yamiu panutukka, apa asombangani yamiu wuassu asasusa apan su lal᷊annu apulun Duata! Sombangnge eteudde i yamiu atonna-tonna maṛṛusahadda manilangnga apan mal᷊abukka! I yamiu naola'a maddantinu rosa, i yamiu mata'utta, i yamiu marangngu, i yamiu naola'a matohassa, i yamiu maapulu maṛṛuumannu taumata nassal᷊a! Sulal᷊ummu al᷊awo'u hatto indi, yamiu buatte napaal᷊iatta'a manungku i yamiu tawe nassal᷊a.

2 KORINTUS 7:11 Referans Kwoze

ROMA 14:18

Taumata apan mangngimbe Kristus olangnge aroddi, taumata udde maal᷊uassa naungngu Ruata, wuṛṛu aadatannu taumata waine.

2 TIMOTIUS 2:15

Ṛinone i'o mammanara atonna-tonna tadea'u i'o a'uannu Ruata mola'a sangkatou taumata apan wotongnge mangimbe si Tou. Pappandumpe tadea'u i'o tawe masili su ola'u manaranu, ewe'e mangngaṛṛa'u al᷊aṛṛa'a apan su ṛinone wuassu Ruata.

2 KORINTUS 7:7

Naungngi yami nal᷊uassa wal᷊ine tumba'u ana waugu Titus nirumanta ewe'e lai ana waugu i tou nabbatti'a ereapa naungnge nal᷊uassa ana waugu i yamiu. I Tou namasingkata si yami manungku i yamiu maapulu atonna maisasomba'u; manungku i yamiu sussassilu pallal᷊agunu paarorone wuṛṛu orassa indi mal᷊uassa manamba'a si ya'u. Olangnge udde naal᷊uassa sia'u lai.

DARALO 2:11

Pattaṛṛamawute Mawu ringannu maadunna,

SONDAPPA 3:19

Manga taumata apan arangnguang-Ku, ete i mangitou apan Ta'u tagguanna wuṛṛu wabbal᷊anna. Ana waugu udde ṛinone i yamiu maṛṛimadda mammanara, wuṛṛu awal᷊ute wuassu manga rosanu.

YUDAS 1:23

Wol᷊engke taumata udde paasabbanga'a wuassu lal᷊ummu putungnga ana see i mangitou masal᷊amatta. Su saruannu manga taumata waine ṛinone i yamiu mapaal᷊iatta'u darangngu rarundinganannu apendama matta'utta, arawe arantinten sara lai laubbi mangitou apan napenen luhudu al᷊al᷊eo mangitou apan marosa.

1 PETRUS 2:2

Ṛinone i yamiu maola'a ere ana'a wakku niasungkanga, sidutu maroun susu ghaṛṛaho apan waresi. Ringannu aroddi yamiu sarun tumuwo wuṛṛu iapaasal᷊amatta.

1 PETRUS 1:17

I yamiu mannagon Duata udde Iamangnga su tempo i yamiu u'al᷊iomanna si Tou. Ne, ete Ruata udde apan mamarikissa taumata tumuṛṛuttu inolaannu sangkatou-sangkatou ringannu tawe pilene. Ana waugu udde tantal᷊anna i yamiu ta'e su runia indi, ṛinone i yamiu mamantuga Ruata sulal᷊ummu wiakku.

IBRANI 4:1

Aroddi pa'aire Mawu ta'e ipappa'atta, wuṛṛu i ite sarun iapaillol᷊o ere suete nipa'ire-Ne. Nariaddi, ṛinone i ite mandiaga tadea'u arie piaddu sangkatou wuassu wallatti yamiu apan tawe maatemma allom pangillol᷊oanna apan suete nipai're udde.

TITUS 3:8

Wisara indi atonna-tonna. I ya'u maapulu i'o mangaṛṛa'u olangnge indi, tadea'u manga taumata apan mangngimanna Ruata atonna-tonna maddea'a ma'ola'a manga manara apan mapia wuṛṛu mahuna su anambon taumata.

FILIPI 2:12

Ana waugu udde, manga tuṛṛangnga apan arangnguanna, su ereapa i yamiu sidutu matuṛṛuta si ya'u su tempo i ya'u uatana'a su pattangnganni yamiu, ne nangillembo orassa indi su tempo i ite mararaute, ṛinone i yamiu sidutu tuttuṛṛuta si ya'u. I yamiu suete nisal᷊amattu Ruata, nariaddi sidutu pammanarate tadea'u paddaramenu maola'a masuungnga. Ola'e udde ringannu addata wuṛṛu tatuṛṛuta su Ruata,

EFESUS 5:11

Arie ma'ola'a inolaanna apan tawe gunane apan a'olaannu manga taumata apan mabbiakka su lal᷊ummu araranduma. Arawe ṛinone i yamiu mannualaga inolaanna ereudde. (

EFESUS 4:26

Amungkangu i yamiu masa'u, arie mamalan asasa'unu udde maarosa si yamiu. Arie masa'u su al᷊o'engngu allo,

2 KORINTUS 13:7

I yami u'al᷊iomanna su Ruata antimanna i Tou mantul᷊ungngi yamiu ana see tawe ma'ola'a pasasal᷊a. Wal᷊inewe mapaal᷊iatta'a manungku i yami indi pande mammanara, arawe tadea'u i yamiu tuttuṛṛutta apulun Duata – salaiwe aellehanna i yami tawe tumuṛṛutta, udde tawe apane!

2 KORINTUS 9:2

I ya'u masingkata yamiu maapulu mantul᷊ungnga, wuṛṛu ya'u buatte nilumuassi yamiu su manga taumatan Makedonia. I ya'u nabbisara si mangitou, manungku ro'en tonna nal᷊iu manga tuṛṛangnga su Akhaya nasaddiate mangonggolu sumbala. Wuṛṛu apulunu udde naatohassa lai apulun sangkawageanganna wuassi mangitou.

2 KORINTUS 7:1

Manga tuṛṛangnga apan arangnguanna! Anambon paaire udde tuddane si ite. Ana waugu udde ṛinone i ite mamaresi watanganni ite. Ṛinone i ite mata'uttu Ruata, tadea'u i ite wotongnge mabbiakka sassane hunan Mawu ringannu nasuungnga.

2 KORINTUS 6:4

Arawe sulal᷊ummu al᷊awo'u inolaanna i yami mapaal᷊iatta'a manungku ete i yami allangngu Ruata. Ana waugu al᷊awo'u hatin asasusa buatte niapendamanni yami ringannu sabare;

2 KORINTUS 2:6

Su taumata apan ereudde, ṛuumanna apan ionggola si tou wuassu taumata anamboanne su wallatti yamiu, wotongngete.

1 KORINTUS 12:25

Ringannu aroddi wadangnga udde tawe natahia; sambau sambau wageangnga, mangngarega wageangnge waine.

1 KORINTUS 5:2

Salaiwe aroddi, i'o ta'e matanggakka. Arawe ṛinone i yamiu masusa wuṛṛu mapaasabangngu taumata ma'ola'a inolaanna ereudde wua dinganni yamiu.

ROMA 11:20

Udde mangke atonna. Arawe i mangitou niramme ana waugu i mangitou tawe mangimanna, arawe tuṛṛangnga tinarimmatta ana waugu tuṛṛangnga mangimanna. Nariaddi imbaṛṛangnga tuṛṛangnga mamunga ana waugu udde; arawe ṛinone i'o pia apendamma mata'utta.

WATTI'U MANGA RASUL 17:16

Tantal᷊anna i Paulus uaraṛṛaddo si Silas wuṛṛu si Timotius su Atena, naungnge massusa naasilo soa udde napene manga paal᷊uanna.

YOHANES 2:17

Ne manga mallal᷊aṛṛenggen-Ne naanaungnga wageangngu Wuke Susi ereindi, “Naung-Ku su Wal᷊e-Nu, o Ruata, ma'atutungnga naung-Ku.”

MARKUS 3:5

Ringannu nasa'u Mawu Yesus na'ellega taumata apan uapal᷊iwutta si Tou, arawe i Tou nasusa lai, ana waugu i mangitou tumanite maattikka puane. See i Tou nabbisara taumata udde, “Ul᷊uṛṛa'e limanu.” Taumata udde nangul᷊ukken limane see limane udde napiate.

DANIEL 6:14

Ana see unni mangitou su ratu, “Daniel, sangkatou apan niwuangnga wuassu Yehuda, tawe naddaringikka si Tuangku wuṛṛu mangngaddio'a parentan Tuangku. I tou u'al᷊iomanna ringannu uaatokka paatallu allo massallo.”

YESAYA 66:2

Ul᷊ilin pati'uppa uddewe lanna'u lima-U, ne sarangkanambone udde niola'a. Arawe apulu-U eteudde taumata naungnge masaṛṛionto'a, apan mangnga'u manga rosane, apan matta'utta wuṛṛu matuṛṛutta si Ya'u.

YESAYA 26:8

I yami uatantalongnga laṛṛawen-Nu, oh Mawu, wuṛṛu sidutu ual᷊aṛṛaddo Si'o; ete I'o raddaloanna wuṛṛu ilaṛṛintulu naungngi yami.

ANTARI MAWANTUGA 8:6

Ola'ewe i ya'u lal᷊engke doonu, ariete maṛṛa'uppa si sai-sai tumba'u i ya'u; ana waugu paapulu udde ere atatohassu papate, wuṛṛu apulu mamarenta ere papate. Ṛenggamme naal᷊ihidda ṛenggammu putungnga apan sussal᷊oi ringannu wahewalla.

AMSAL 28:14

Pangaddate Mawu sidutu, ne i'o sarun su lal᷊umanna'a. Amungkangngu i'o lumawangnga si Tou, i'o sarun maasomba asasilaka.

AMSAL 14:16

Taumata pia budine sidutu uatehamma wuṛṛu mangngindau wuassu al᷊al᷊eo, taumata woddo nasa'u, wua'udde naapendamma mal᷊angnganna.

DARALO 145:19

I Tou malluassa naungngu manga taumata ma'imanna; i Tou maddaringikka sasal᷊anden mangitou wuṛṛu nanal᷊amatta si mangitou.

DARALO 130:6

I ya'u luṛṛintulun Mawu, nangillembo wuassu sangkatou mandariaga uaantimma matannallo.

DARALO 119:139

Asasa'u erete waṛṛa sulal᷊ummu wadangku ana waugu see'u naabul᷊in al᷊aṛṛang-Ngu.

DARALO 69:9

I ya'u nabbal᷊i ere taumata raho su manga tuṛṛangku, naal᷊ihidda ana'a uata'a su manga iaangku tuari'u.

DARALO 42:1

Su piaṛṛa'u mangangantari. Antari al᷊aṛṛa'u ṛuanganni Korah.

DARALO 38:9

I ya'u naṛimunsa'a wuṛṛu niasueannu ikkata, i ya'u ma'uare ana waugu naungku sussinggawanga.

DARALO 35:13

Sutempo i mangitou maradda'a, i ya'u massusa wuṛṛu tawe umanna; i ya'u u'al᷊iomanna ringannu uaruutta,

NEHEMIA 13:25

Ta'u nitaguanna wuṛṛu ta'u niwontohanna i mangitou. Piaddu ta'u nipuulla wuṛṛu niṛṛahotta utangnge. Wua'udde i mangitou ta'u nirolokka massalu ringannu arannu Ruata manungku i mangitou wuṛṛu al᷊aṛṛana'i mangitou tate maawingnga apia ringannu walahanna waine.

2 KORINTUS 7:9

Arawe i ya'u orassa indi lulluassa – wal᷊ine ana waugu naungngu nasusa, ewe'e ana waugu asasusanu udde naawal᷊u pallal᷊agunu. Atonna asasusanu udde su lal᷊annu apulun Duata. Nariaddi, yami tawe namoddo si yamiu.

AYUB 42:6

Ana waugu udde i ya'u massili mannaungnga al᷊awo'u wisara'u wuṛṛu ringannu sussasilla i ya'u niuma'ianna sulal᷊ummu awu wuṛṛu leta'a.”

ROMA 3:5

Arawe amungkangngu taṛṛinon Duata lembon nilumiatta'e, ana waugu i ite ma'ola'a pasasal᷊a, apa sarun iwisaran kite? Manungku Ruata wengkolla amungkangngu i tou maṛṛuumanni ite? (Atonna aiwal᷊o indi maṛṛia'a su taumata.)

1 TESALONIKA 4:6

Sulal᷊ummu olangnge ereudde, arie saran sangkatou ma'ola'a pasasal᷊a su tuṛṛangnge, ara'e mallinga. Dorone yami suete napaanaungnga ringannu atonna si yamiu, manungku Mawu sarun maṛṛuumannu manga taumata apan ma'ola'a manga pasasal᷊a ereudde.

1 TIMOTIUS 5:20

Taumata apan ma'ola'a rosa, ṛinone tagguanna su saruannu anambon jamaatta, tadea'u ingana'a waine lai matta'utta.

YAKOBUS 3:17

Arawe taumata apan pia apande niarantane wuassu surga, i tou paarorone atonna waresi, wua'udde maapulun paddarame, masaṛṛionto'a, wuṛṛu matuṛṛuta. I tou napenen darangngu, wuṛṛu mabbuan manga pallal᷊agu apan mapia. I tou tawe manamba'a wuṛṛu tawe mallilangkamal᷊e'a.