2 KORINTUS 6:9 - WUKE SUSI WATTI'U AL᷊AL᷊USASSA

⁹ I yami sassunnanna taumata awagananna, arawe i yami asingkatannu awadaalla. I yami sassunnanna nate, arawe wutte'e i yami ta'e wiakka. Salaiwe i yami sassansaranna, i yami tawe nate.

2 KORINTUS 6:9 Referans Kwoze

ROMA 8:36

Sulal᷊ummu Wuke Susi uawoṛṛetta arendi, “Su al᷊o'engngu allo i yami mabbiakka uasaruanna papate ana waugu I'o Mawu. I yami niola'a naal᷊ihida ere domba apan ṛatante.”

2 KORINTUS 11:6

Asinungka i ya'u tawe tumani masingkata mabbisara, arawe su ola'u asingkata, i ya'u wal᷊ine taumata woddo. Udde buatte niapaal᷊iatta'a si yamiu su al᷊awo'u inolaanna.

2 KORINTUS 4:2

I yami tawe mappaattu inolaanna marandumma apan maasili. Yami maddiri mammanara ringannu mangngapande ara'e mammal᷊elongngu wisaran Duata. I yami mangngimbe Ruata ringannu naungnga apan matul᷊ida tumuṛṛuttu apulu-Ne. Ana waugu udde, i yami mangngantimma anambon taumata ma'ellega si yami ringannu mapia sulal᷊ummu naungnge.

1 KORINTUS 4:9

Ana waugu tumuṛṛuttu addapa'u, i yami manga rasul, buatte niola'u Ruata ere apa wabbialanna su saruannu taumata wuṛṛu manga mala'ekatta. I yami naal᷊ihida ere taumata lal᷊eo apan niṛṛuumanna na'oman sara mate su saruannu awadaalla wuṛṛu aal᷊uandahannu runia.

2 KORINTUS 5:11

I yami masingkata apa atappasanne mata'uttu Mawu; ana waugu i yami maapulu mangaṛṛa'a taumata see mangngimanna ola'u wadangngi ami. Ruata maaillal᷊a si yami, wuṛṛu i ya'u mangantimma i yamiu lai maaillal᷊a si yami sulal᷊ummu naungngu.

1 KORINTUS 15:31

Manga tuṛṛangnga! Miallo-miallo i ya'u uatataṛṛanga asasusa, ana waugu i ya'u lulluassu pabbiaṛṛani yamiu, ana waugu i yamiu nangimante si Kristus Yesus, Mawung kite.

1 KORINTUS 11:32

Arawe amungkangngu i ite iṛṛuumannu Ruata, i Tou sarun mamuulla si ite, tadea'u tawe maṛṛuumanna suadio'a ringannu runia indi.

ROMA 15:19

wuṛṛu manga al᷊aṛṛindu'a wuṛṛu manga inolaanna apan wahewalla; sarangkanambone udde wuassu taṛṛinon Ghaṛṛahon Ruata. Watti'u Al᷊al᷊uassa su ola'u Mawu Yesus suete ta'u niapaasingkatta su anambon taumata, nanattaka wuassu Yerusalem na'oman sara watukku Ilirikum.

WATTI'U MANGA RASUL 25:26

Arawe i ya'u taambe naasomba sasimbakka apan masemakka su ririne see i ya'u maapamoṛṛettu suratta si Kaisar. Ana waugu udde i ya'u napaasaruanni tou si Tuangnga sarangkanambone, nangillembo apan awantuhanne i Tuangnga Agripa! Pandumangku eteudde tadea'u napawe nasuete pamamarikissa indi, i ya'u piaddu iwoṛṛeta.

WATTI'U MANGA RASUL 25:19

I mangitou tumba'u nassal᷊a sunna ringanni tou su ola'u agama mangitou sassane wuṛṛu su ola'u sangkatou apan aranne Mawu Yesus. Taumata udde natete, arawe i Paulus mangke mannohassu pangangimanne manungku taumata udde wiakka.

WATTI'U MANGA RASUL 19:26

Orassa indi manga tuṛṛangnga naasilote wuṛṛu naaringikke sassane apa apan niola'i Paulus udde. I tou nabbisara manungku manga monganna apan niola'u taumata, wal᷊inewe monganna atonna. Wuṛṛu i tou namohete manambo taumata mangngimanna al᷊aṛṛangnge, wal᷊ine tumba'u isindi su Efesus, ewe'e maranin su ahewallu leta'u Asia.

WATTI'U MANGA RASUL 17:18

Manga huru mallal᷊aṛṛenggenni Epikuros wuṛṛu Stoa uasasimbakki tou lai. Siri pira wuassi mangitou nabbisara, “Taumata indi masingkattu apa? Asingkanne tumba'u adio'a, arawe i tou tal᷊imoṛṛonganna!” Siri pirang katou waine nabbisara, “Lihidde i tou mabatti'u manga mongannu walahanna waine.” I mangitou nabbisara aroddi ana waugu i Paulus nabatti'u Mawu Yesus wuṛṛu su ola'u mabbiakka apia wuassu papate.