2 KORINTUS 6:5 - WUKE SUSI WATTI'U AL᷊AL᷊USASSA

⁵ i yami nisansaranna, niṛṛuumanna, wuṛṛu niṛṛimpulunanna, i yami mammanara maṛṛimadda, mal᷊awa matiilla, wuṛṛu masokka lai tawe maasomba anna.

2 KORINTUS 6:5 Referans Kwoze

2 KORINTUS 11:27

I ya'u mattingkasahadda wuṛṛu mammanara maṛṛimadda: pattaṛṛa assa tawe matiilla, tawe umanna, tawe ma'inumma, masokka i ya'u umamatta mal᷊unussa, aamansungeanna, ana waugu tawe laubba wuṛṛu tawe tampa atatanaanna.

WATTI'U MANGA RASUL 17:5

Arawe manga taumatan Yahudi mannihikka arae madengki. I mangitou namago manga taumata ul᷊allele su manga lal᷊anna wuṛṛu na'ola'a ammul᷊anna mangal᷊iba'ukka. See i mangitou nangal᷊iba'ukke su ahewallu soa udde wuṛṛu nattudam bal᷊en sangkatou apan mangngimanna aranne i Yason maddea'a si Paulus wuṛṛu si Silas, ana waugu i mangitou ma'apulu mangapiddi Paulus wuṛṛu i Silas sumabangnga iapasaruanna awada'alla.

SONDAPPA 2:10

Arie matta'uttu asasusa apan tate mal᷊annu lai apendamanni yamiu. Paanaunge, Setanna sarun mantaṛṛon sangkawageanganna wuassi yamiu sulal᷊ummu tuttupanna, ana waugu ipamono'a si yamiu. I yamiu sarun matataṛṛanga mapul᷊o allo al᷊annune. Ṛinone i yamiu matuṛṛuta si Ya'u ma'oman sara mate, ne i Ya'u sarun mangonggola si yamiu wiakka tutune wuṛṛu saran mal᷊annu-l᷊annu apan maola'a sambau lal᷊antaku naauntunga.

IBRANI 13:23

Ṛinone i yamiu masingkata manungku tuṛṛangi ite i Timotius nipallose wuassu tuttupanna. Amungkangu i tou na'omate su tampa'u indi, ya'u sarun mangapiddi tou su tempo i ya'u mattembo si yamiu.

IBRANI 13:17

Paatuṛṛute parenta manga piaṛṛangu, wuṛṛu paasallunga si mangitou. Ana waugu i mangitou sidutu maṛṛingiddu niawanu, wuṛṛu i mangitou ṛinone sumimbakka ola'i yamiu su Ruata. Amungkangu i yamiu matuṛṛuta si mangitou, i mangitou wotongnge mammanara ringannu naungnga mal᷊uassa; amungkangu tawe, ne i mangitou sarun mammanara ringannu naungnga susa, wuṛṛu udde tawe maauntunga si yamiu.

IBRANI 11:36

Piaddu lai a'al᷊uandahanna, pappuul᷊anna, niṛṛapussu ṛate wuṛṛu tinaṛṛo su tuttupanna.

2 TIMOTIUS 4:5

Salaiwe aroddi, i'o ṛinone uaparenta watangannu sulal᷊ummu al᷊awo'a apan mariaddi. Paasabare sulal᷊ummu asasusa, ola'e manaranu mabatti'u Watti'u Al᷊aluassa udde wuṛṛu amata'e ringannu mapia-pia manaranu ere sangkatou mangangimbe Ruata.

2 TIMOTIUS 2:9

Ana waugu mabatti'u Watti'u Al᷊al᷊uassa udde, i ya'u natataṛṛangnga; ewe'e lai na'oman sara niṛṛapussa ere sangkatou taumata lal᷊eo. Arawe wisaran Duata tawe iaṛṛapussa.

2 TIMOTIUS 1:8

Ana waugu udde arie masili mangonggolu tatiala su ola'u Mawun kite, wuṛṛu arie lai masili su ola'u riri'u, apan niṛṛuumanna ana waugu i Tou. Arawe ṛinone i'o ringannu atatohassa wuassu Ruata, sidutu sulal᷊ummu asasusa lai ana waugu Watti'u Al᷊al᷊uassa udde.

1 TIMOTIUS 4:10

Ana waugu udde i ite mammanara maṛṛimadda, ana waugu i ite pia antimma atonna su Ruata apan wiakka; eteudde Punnu Sal᷊amattu anambon taumata, nangillembo taumata apan mangngimanna.

1 TESALONIKA 2:9

Asinungka i yamiu ta'e maanaungnga ereapa aṛṛimade i yami mattinsahadda wuṛṛu mammanara. Allo ṛabbi yami mammanara tadea'u i yami tawe mapaasusan saran sangkatou wuassi yamiu su tempo yami mammasingkatu Watti'u Al᷊al᷊uassu Ruata udde si yamiu.

FILIPI 1:13

Pangillul᷊eanne, anambon mandariagga wal᷊en araratuanna wuṛṛu manga taumata su soa indi masingkata manungku i ya'u niṛṛuumanna ana waugu i ya'u mabbatti'i Kristus.

EFESUS 3:1

Ana waugu udde i ya'u Paulus, nitaṛṛo su tuttupanna ana waugu Kristus Yesus maola'a hunan kamiu taumata wal᷊ine Yahudi.

1 KORINTUS 15:10

Arawe ana waugu al᷊amattu Ruata, i ya'u naola'a lai ere olangnge i ya'u orassa indi. Wuṛṛu talawe tawe gunane Ruata nangampunga si ya'u. Ewe'e ete i ya'u mammanara maṛṛimadda wuassu anambo manga rasul waine. Arawe udde ṛinone wal᷊ine ya'u mattinsahadda, udde sahaddu Ruata apan marangngu si ya'u wuṛṛu mammanara suadio'a ringangku.

1 KORINTUS 7:5

Arie sangkawinganna udde matatal᷊ei sangkatou ringannu waine. Wotonge ewe'e tumba'u tal᷊an kadio'a, sambal᷊iate udde apulun tarua. Ringannu aroddi sangkatou-sangkatou wotongnge umal᷊iomanna ringannu tawe limbane. Arawe wua'udde, ṛinone i yamiu mabawelengnga ere sangkawinganna. Amungkangngu tawe aroddi, yamiu wotongnge awono'annu ghaṛṛaho lal᷊eo, ana waugu i yamiu tawe maataṛṛangnga apulun runia.

1 KORINTUS 4:11

Na'oman sara orassa indi yami uatataṛṛanga lunussa, wuṛṛu ararou; laubbi yami ete indi ual᷊uṛṛe; taumata mangke mannansara si yami; yami tawe tampa atanaanna,

WATTI'U MANGA RASUL 28:30

Rua tonna al᷊annune i Paulus uatana'a su Roma, su wal᷊e apan sasewanne sassane. I tou mal᷊uassa manarimmattu anambon taumata apan rudanta mattembo si tou.

WATTI'U MANGA RASUL 26:29

“Sulal᷊ummu tempo adio'a ara'e sulal᷊ummu tempo mal᷊o'engnga,” sasimbakki Paulus, “i ya'u umal᷊iomanna su Ruata tadea'u i Tuangnga Agripa wuṛṛu manga mawu sarangkanambone apan uararingikka si ya'u allo indi wotongnge maola'a ere i ya'u – tabene'e tumba'u ṛaṛṛapussa indi!”

WATTI'U MANGA RASUL 26:10

Wuṛṛu atonna inolaanna udde suete ta'u niola'a su Yerusalem. Ringannu suratta taṛṛino wuassu manga imam tembonanne, i ya'u suete nantaṛṛo manambo taumata apan matuṛṛutta Ruata su tuttupanna. Ewe'e i ya'u lai inumire manungku i mangitou ṛinone pateanna.

WATTI'U MANGA RASUL 24:27

Napawe ruate tonna, i Perkius Festus nallol᷊ossa si Feliks naola'a gubernure. Wuṛṛu ana waugu i Feliks maapulu massal᷊o'u naungngu manga taumatan Yahudi, i tou namalam Paulus sulal᷊ummu tuttupanna.

WATTI'U MANGA RASUL 23:35

i tou nabbisara, “Apianne! Ya'ute mamarikissa hattonu, amungkangngu manga taumata apan nangalaenu na'omate isindi.” See i tou namarenta tadea'u i Paulus taṛṛanganna sulal᷊ummu wal᷊en araratuanni Herodes.

WATTI'U MANGA RASUL 23:10

Patatatiakka udde naola'a aroddi ahewalle na'oman sara piaṛṛangnge udde nata'utta, aṛṛengenne i Paulus ṛimpulananni mangitou. Nariaddi i tou nandolokku tantarane inai mangal᷊appa si Paulus wuassu pattangngannu manga taumata udde see niapidda su tampa mangitou.

WATTI'U MANGA RASUL 20:31

Ana waugu udde paariagga! Paanaunge manungku tallu tonna al᷊annune ringannu anambon allommata, allo ṛabbi, ya'u tawe illol᷊one mangngaṛṛa'a awadaalla wuṛṛu si yamiu.

WATTI'U MANGA RASUL 14:23

Wuṛṛu su al᷊awo'u jamaatta, i Paulus wuṛṛu i Barnabas nanenegu manga piaṛṛangnge su jamaatta udde. See ringannu u'al᷊iomanna wuṛṛu mappuasa, i mangitou nanantillu manga piaṛṛangnge udde su Mawu apan pangngimananni mangitou.

WATTI'U MANGA RASUL 14:19

Manga pira taumatan Yahudi apan nirumanta su Listra wuassu Antiokhia su Pisidia wuṛṛu Ikonium mammono'a awada'alla, na'oman sara taumata nambo udde nanamba'a si mangitou. I mangitou nanuntungngu watu si Paulus, wuṛṛu namol᷊engnga si tou watukku liuddu soa. I mangitou massunna naudde i tou natete,

WATTI'U MANGA RASUL 13:3

Napawe suete nappuasa wuṛṛu inumal᷊iomanna, i mangitou nangandangngu lima si Barnabas wuṛṛu si Saulus see nandoloken tarua.

WATTI'U MANGA RASUL 5:18

Manga rasul udde sinametta, see nitaṛṛo sulal᷊ummu tuttupannu awada'alla.

MATIUS 14:10

I tou nandolokku taumata inai watukku tuttupanna iapapototta puan Yohanes.

MATIUS 14:3

Ana waugu dorone i Herodes nandolokka napasametti Yohanes wuṛṛu naṛṛapussa si tou see niapasutta sulal᷊ummu tuttupanna. I Herodes na'ola'a aroddi ana waugu i Herodias awingngi tuṛṛangngi tou sidutu, eteudde i Filipus.

MATIUS 9:15

Mawu Yesus sinumimbakka, “Ereapa su ṛingiṛṛanni yamiu? Wotongngewe manga raho su andeangngu awingnga massusa naungnge amungkangngu ma'a'awingnga esakka ta'e udde su sampunna ringanni mangitou? Asinungka tawe! Arawe sarun a'omanna tempone maa'awingnga esakka udde al᷊apanna wua dinganni mangitou. Su tempo udde nanattakke i mangitou mappuasa.

YEHEZKIEL 3:17

“Ei taumata apan mattate, i'o Ta'u nitenega maola'a mallal᷊u'addu walahannu Israel. Wal᷊oa'a si mangitou pananaungnga apan Ta'u nionggolla indi.

YEREMIA 38:6

Wua'udde i mangitou nanganute si ya'u wuṛṛu i ya'u nisossokka ringannu tal᷊i sulal᷊ummu paṛṛihi Malkia parinsin datu, apan aaddone su rallakku wal᷊en araratuanna. Tawe ua'e sulal᷊ummu paṛṛihi udde, tumba'u labbo, ne i ya'u sinumuttate sulal᷊ummu labbo udde.

YEREMIA 33:1

Sutempo i ya'u ta'e tataṛṛanganna si rallakka, i ya'u naasomba tanata wuassu Mawu

YESAYA 53:5

Arawe i tou nilessa ana waugu manga rosan kite, wuṛṛu nipuulla ana waugu al᷊al᷊eo kite. I Tou niṛṛuumanna tadea'u i ite masal᷊amatta, ana waugu manga apapiane i ite niapa'apia.

2 TAWARIKH 16:10

Wisaran Nabi Hanani udde naasa'u si Asa na'oman sara nabi udde nitaṛṛon Asa sulal᷊ummu tattupanna. Orassa udde lai Asa nanansara manga pira taumata wuassu tumanangnge.

1 MARARATU 22:27

Doloṛṛa'a i mangitou mantaṛṛon tou sulal᷊ummu tuttupanna, wuṛṛu mangonggolla si tou anna wuṛṛu ua'e addio'a ma'oman sara i ya'u mabbelengnga ringannu sal᷊amatta.”

TAHIUL᷊E 25:3

arawe tawe wotongnge lumebbe wuassu appatu pul᷊o anambone. Amungkangngu nilumebbe, mangal᷊ene taumata udde niadio'a su saruannu awadaalla.