2 KORINTUS 6:16 - WUKE SUSI WATTI'U AL᷊AL᷊USASSA

¹⁶ Apa sul᷊ungnge Wal᷊e Mawu wuṛṛu wal᷊em paal᷊uanna? I ite indi Wal᷊en Mawu, eteudde Ruata apan wiakka. Ruata sassane nabbisara, “I Ya'u sarun matana'a su pattangnganni mangitou, wuṛṛu mabbiakka suadio'a ringanni mangitou. I Ya'u sarun maola'a Ruata mangitou wuṛṛu i mangitou sarun maola'a al᷊aṛṛana-U.

2 KORINTUS 6:16 Referans Kwoze

SONDAPPA 21:3

See i ya'u naaringikka wuassu adderan araratuanna udde mabbisara ma'ikkatta, “Orassa indi tampa atatanaannu Ruata suadio'a ringannu taumata! I Tou sarun mabbiakka suadio'a ringanni mangitou, wuṛṛu i mangitou sarun maola'a al᷊aṛṛanang-Nge. Ruata sassane sarun matana'a ringanni mangitou wuṛṛu maola'a Ruata mangitou.

SASABANGNGA 29:45

I Ya'u sarun matana'a su pattangnganu balahannu Israel, wuṛṛu maola'a Ruata mangitou.

IBRANI 8:10

Arawe orassa indi, ete indi paaire apan sarun olaangku su walahannu Israel su miallo-miallo apan sarun dumanta unnu Mawu: I Ya'u sarun mantaṛṛon tita-U sulal᷊ummu ṛingiṛṛanni mangitou wuṛṛu iwoṛṛeta su naungngi mangitou. I Ya'u sarun maola'a Ruata mangitou, wuṛṛu i mangitou sarun maola'a pabbawala-U.

IMAMATTA 26:12

I Ya'u sarun marundinganna si yamiu; i Ya'u sarun maola'a Ruatanu wuṛṛu i yamiu mabbal᷊i al᷊aṛṛana-U.

YEREMIA 32:38

I mangitou sarun maola'a uma-U, wuṛṛu i Ya'u sarun maola'a Ruata mangitou.

YEHEZKIEL 11:20

Ne i mangitou sarun matuṛṛutta su manga atorang-Ku wuṛṛu mararingikka anambon parenta-U. I mangitou sarun maola'a uma-U wuṛṛu i Ya'u sarun maola'a Ruata mangitou.

YEREMIA 31:33

Eteindi pa'aire wakku apan Ta'u niola'a ringannu umattu Israel: Manga tita-U sarun Ta'u iaddo sulal᷊ummu naungngi mangitou, wuṛṛu Ta'u iwoṛṛetta sulal᷊ummu ate mangitou. I Ya'u sarun maola'a Ruatan mangitou, wuṛṛu i mangitou sarun maola'a uma-U.

YEREMIA 24:7

I Ya'u sarun mangonggolla si mangitou apendamma ipassunna manungku ete i Ya'u Mawu. Ne i mangitou sarun maola'a uma-U, wuṛṛu i Ya'u mabbal᷊i Ruata mangitou, ana waugu i mangitou sarun mabbelengnga ringang-Ku ringannu ahewallu naungnga.

1 KORINTUS 6:19

I yamiu ṛinone masingkata manungku eteudde wadangngu atatanaannu Ghaṛṛahon Duata. Ghaṛṛaho udde uatana'a sulal᷊ummi yamiu. Wuṛṛu Ghaṛṛahon Duata sassane apan nangonggolu Ghaṛṛaho udde si yamiu. Wadangngu wal᷊inewe pussaanu. Udde pussa'an Duata.

HOSEA 2:23

Sarun Ta'u olaanna uma-U mabbiakka su lal᷊umanna'a wuṛṛu mamanua su wanuan mangitou. Si mangitou apan isassago ‘Apan Tawe Niakkanna’ sarun Ta'u iapaal᷊iatta'a manungku i mangitou Ta'u arangnguanna, wuṛṛu si mangitou apan isassago ‘Wal᷊ine Uma-U’ sarun Ta'u iwal᷊o, ‘I yamiu Uma-U’. I mangitou sarun sumimbakka arendi, ‘Ete I'o Ruatan kami.’ ”

ROMA 8:11

Amungkangngu Ghaṛṛahon Duata apan napaawiakki Kristus wuassu papate, mabbiakka sulal᷊ummu ririnu, ne i Tou apan napaawiakki Kristus wuassu papate udde, mapaawiakku ririnu lai apan wotongnge mate udde. I Tou na'ola'a udde ringannu Ghaṛṛaho-Ne apan mabbiakka sulal᷊ummu ririnu.

SONDAPPA 21:7

Manga taumata apan naauntunga sarun manengkama manga wawal᷊issu inolaanne udde wuassia-U. I Ya'u sarun maola'a Ruatane, wuṛṛu i tou sarun maola'a ana-U.

1 YOHANES 4:15

Isa-sai apan mangnga'u manungku Yesus udde Ana'u Ruata, Ruata mabbiakka uaaukka ringannu taumata udde, wuṛṛu taumata udde lai mabbiakka uaaukka ringannu Ruata.

ZAKARIA 8:8

wuṛṛu mangapiddi mangitou mabbelengnga wuassu ra'i wuṛṛu wuassu waṛṛatta, ma'oman sara i mangitou matana'a su Yerusalem apia. I mangitou sarun mabbal᷊i uma-U wuṛṛu i Ya'u Ruatan mangitou. I Ya'u sarun mamarenta si mangitou ringannu satia wuṛṛu atatul᷊idda.”

ZAKARIA 13:9

Tumba'u sepeṛṛe tatallu apan masal᷊amatta. Wuṛṛu i mangitou sarun Ta'u iapaasusi ere taumata mannal᷊u'attu wul᷊awanna. Wua'udde i mangitou sarun umal᷊iomanna si Ya'u, wuṛṛu i Ya'u sarun sumimbakka si mangitou. I Ya'u sarun mabbisara si mangitou manungku i mangitou uddewe uma-Ku, wuṛṛu i mangitou lai sarun manga'u manungku ete i Ya'u Mawu Ruata mangitou.”

EFESUS 3:17

Doronganna ana waugu i yamiu mangngimanna si Kristus, Kristus matana'a sulal᷊ummu naungngu, wuṛṛu wiakku niwantanna wuṛṛu niparentannu darangngu.

YEHEZKIEL 36:28

Ne i yamiu sarun matana'a su leta'a apan buatte Ta'u nionggolla su iupungngu al᷊amonanu. I yamiu sarun maola'a uma-U wuṛṛu i Ya'u lai sarun maola'a Ruatanu.

YOHANES 6:56

Taumata apan umanna ṛeme-U wuṛṛu ma'inumma raṛṛa-U sidutu su sambau ringang-Ku wuṛṛu i Ya'u ringanni tou.

IBRANI 3:6

Arawe i Kristus matuṛṛuta ere sangkatou Ana'a apan uariaga Wal᷊en Ruata. Wuṛṛu ete i ite indi Wal᷊en Ruata, amungkangu i ite sidutu maṛṛimadda wuṛṛu sidutu mangngimanna maasomba apa apan aantimanni ite.

1 PETRUS 2:5

I yamiu naal᷊ihida manga watu apan wiakka. Ana waugu udde ṛinone i yamiu pia apulu ipaatta ipa'ola'a Wal᷊en Duata apan pia ghaṛṛaho. Ringannu aroddi yamiu naola'a manga imam, apan mabbiakka tumba'u hunane su Ruata, wuṛṛu sulal᷊ummi Yesus Kristus mangonggola su Ruata, sasamban pangangimanna apan ipaapulun Duata.

2 TIMOTIUS 1:14

Ringannu sumbala wuassu Ghaṛṛahon Duata apan wiakka sulal᷊ummu waddangi ite, ṛinone i'o uariaga ringannu mapia-pia manga inolaanna maaregga apan suete tinantilla si'o.

1 YOHANES 4:12

Tawe saran sangkatou apan suete naasilo Ruata, arawe amungkangngu i ite uararangngu, Ruata uaaukka ringanni ite wuṛṛu darangngu-Ne masuungnga sulal᷊ummu watanganni ite.

ROMA 9:26

Wuṛṛu su tampa udde iapaasingkata su taumata ‘I yamiu wal᷊ine al᷊aṛṛana-U,’ isudde manga taumata sarun isaggo al᷊aṛṛana'u Ruata apan wiakka.”

YEHEZKIEL 43:9

Arawe manattakka orassa insi mangitou ṛinone mangillol᷊o massubba paal᷊uanna wuṛṛu mangingkattu manga winal᷊unannu manga ratu mangitou. Wua'udde, i Ya'u sarun matana'a su pattangnganni mangitou saran mal᷊annu-l᷊annu.”

ROMA 8:9

Arawe i yamiu tawe mabbiakka tuttuṛṛutta apulun taumata. I yamiu mabbiakka tuttuṛṛutta Ghaṛṛahon Duata – amungkangngu atonna-tonna Ghaṛṛahon Duata uaparenta sulal᷊ummu watanganni yamiu. Taumata apan tawe uatahuanna Ghaṛṛahon Kristus, taumata udde wal᷊ine tatahuananni Kristus.

YEHEZKIEL 43:7

“Ei taumata apan mattate, eteindi adderan araratuang-Ku. Ete isindi i Ya'u sarun matana'a su pattangngu umattu Israel wuṛṛu mamarenta si mangitou saran mal᷊annu-l᷊annu. Mawae ete i mangitou aroddi lai manga ratu mangitou, tate lai mandal᷊eo arang-Ku apan na'ukkassa ringannu massubba paal᷊uanna ara'e ringannu mallabingu winal᷊unannu manga ratu mangitou su tampa indi.

EFESUS 2:20

I yamiu lai suete niapararisikka su rapappakke apan niaddo manga rasul wuṛṛu manga nabi, ringanni Kristus Yesus sambau watu apan apianne.

YEHEZKIEL 36:25

Wua'udde i yamiu sarun Ta'u ṛente'annu ua'e matilangnga, tadea'u i yamiu mawaresi wuassu al᷊awo'u paal᷊uannu wuṛṛu wuassu al᷊awo'u manga apa apan buatte nandal᷊eo si yamiu.

TAHIUL᷊E 5:7

Imbaṛṛangnga massubba manga paal᷊uana waine. Passubbate si Ya'u sassane.

DARALO 90:1

Aal᷊iomanni Musa, allangngu Ruata. Oh Mawu, ete I'o tampa pattillumanni yami sara maṛṛawa mappulunna.

SASABANGNGA 34:14

Imbaṛṛangnga massubba Mawu waine, ana waugu i Ya'u Mawu, eteudde Ruata apan tawe iasul᷊ungngu manga apa su ruania indi.

SASABANGNGA 20:3

Imbaṛṛangnga masubba manga Mawu waine. Passubbate si Ya'u.

MATIUS 6:24

“Tawe saran sangkatou taumata maamanara su ruang katou mawu. Ana waugu i tou sarun lembo marangngu sangkatou wuassu sangkatou apan baine. Ara'e i tou lembo matuṛṛutta su mawune apan sambau wuassu mawune apan baine. Aroddi lai matataṛṛino si yamiu. I yamiu tawe maappammanara manara su Ruata wuṛṛu su darotongnga lai.

SASABANGNGA 23:13

Daringiṛṛete sarangkanambone apan buatte Ta'u niwisara si'o. Imbaṛṛangnga massubba manga Mawu waine, ewe'e lai managgon aranne lai arie.”

SONDAPPA 2:1

“Su mala'ekattu jamaatta su Efesus, woṛṛetta'a arendi: Ete indi tanata wuassi Tou apan uaagassa anumpitanna pitu su lima uanan-Ne, wuṛṛu u'amatta su wallatu pitu leddan sol᷊o wul᷊awanna udde.

HOSEA 14:8

I mangitou sarum mabbelengnga ringang-Ku wuṛṛu matana'a sulal᷊ummu lal᷊u'arang-Ku. Ringannu mal᷊ihakka i mangitou sarun aatambanna lal᷊umanangnge, naal᷊ihidda gandumma apan tinumuwo su wawail᷊anna apan masuwukka wuṛṛu naal᷊ihidda wawail᷊annu anggore. Naal᷊ihidda ua'en anggore Libanon aranni mangitou tinumelengnga.

1 MARARATU 18:21

Ana see i Elia nangundanin tumana'a udde wuṛṛu nabbisara, “Ma'oman sara tingngera i yamiu sidutu naungnga uapapaddua? Amungkangngu Mawu udde Ruata, passubbate Mawu! Amungkangngu Baal udde Ruata, passubbate si Baal!” Tumana'a apan uasemodda isudde mangke mal᷊annabba.

ZEFANYA 1:5

I Ya'u sarun manahangginna ma'oman sara mawaresi isai-isai apan niumawitta su atuppa tadea'u massubba matannallo, wul᷊anna wuṛṛu manga anumpitanna. Sarun Ta'u iapaawul᷊i i mangitou lai apan massubba si Ya'u wuṛṛu massalu matuṛṛutta si Ya'u, arawe lai massalu ringannu arannu Monganna Milkom.

SASABANGNGA 25:8

Doloṛṛa'e walahanna udde ma'ola'a rasang-Ku, tadea'u i Ya'u wotongnge matana'a suadio'a ringanni mangitou.

YEREMIA 31:1

Mawu nabbisara, “Sarun a'omanna tempone i ya'u maola'a Ruata anambon ṛuangannu Israel, wuṛṛu i mangitou mabbal᷊i uma-U.

MATIUS 16:16

I Simon Petrus sinumimbakka, “Ete Iamangnga Ratum Punnu Sal᷊amatta, Ana'u Ruata apan biakka.”

YOHANES 14:23

Mawu Yesus sinumimbakka, “Taumata apan mandangngu si Ya'u, sarun tumuṛṛutta al᷊aṛṛa-U. Iamang-Ku sarun mandangngu si tou. Iamang-Ku wuṛṛu i Ya'u sarun rumanta ringanni tou wuṛṛu matana'a su sampunna ringanni tou.

1 KORINTUS 10:21

I yamiu tawe wotongnge ma'inumma wuassu tampa pa'inumannu Mawu, wuṛṛu wuassu tampa pa'inumannu ghaṛṛaho lal᷊eo lai. Yamiu tawe wotongnge umanna su medda Mawu, wuṛṛu wuassu medda ghaṛṛaho lal᷊eo lai.

EFESUS 2:22

Ana waugu mabbiakka uaaukka ringanni Kristus, i yamiu lai tantal᷊anna iapararisikka su sambau ringannu manga taumata waine maola'a sambau Wal᷊en Duata; isudde Ruata uatana'a ringannu Ghaṛṛaho-Ne.

1 TIMOTIUS 3:15

tadea'u amungkangu i ya'u mal᷊annu, i'o masingkate ereapa i ite mabbiakka maola'a walahannu Ruata, eteudde jamaattu Ruata apan wiakka. Ete jamaatta indi apan naola'a alu tatungkale wuṛṛu rapappaku al᷊aṛṛa'a apan naṛṛino wuassu Ruata.

YAKOBUS 4:5

Arie massunna manungku Wuke Susi tawe pinangiananne mabbisara, “Sulal᷊ummu wadangi ite Ruata nangaddon Ghaṛṛaho apan matohassa apulune.”

LUKAS 5:36

See Mawu Yesus nabatti'e si mangitou sasumandingnga indi, “Tawe taumata mandapella laubba tabbe rappelannu sampototta mal᷊aṛṛenessu laubba wakku. Ana waugu i tou sarun manggesa'a laubba wakku udde. Wuṛṛu lai mal᷊aṛṛenessa rarapela wakku udde tawe mapparen laubba tabbe.