2 KORINTUS 6:10 - WUKE SUSI WATTI'U AL᷊AL᷊USASSA

¹⁰ Salaiwe naungngi yami massusa, arawe i yami sidutu lulluassa lai. I yami aellehanna asiangnga, arawe i yami suete napaa'alan taumata nambo. I yami aellehanna tawe darotongnga, arawe su ṛinone i yami uatahuanna sarangkanambone.

2 KORINTUS 6:10 Referans Kwoze

YOHANES 16:22

Aroddi lai yamiu; Orassa indi naungngi yamiu massusa, arawe i Ya'u sarun maisasomba apia ringanni yamiu, ne naungngi yamiu sarun lumuassa; wuṛṛu tawedu sangkatou maapanganu al᷊al᷊uassa udde wuassu lal᷊ummu naungngi yamiu.

2 KORINTUS 8:9

Ana waugu i yamiu masingkata atonna manungku i ite lembon arangnguanni Yesus Kristus Mawun kite. I Tou ala, arawe i Tou nattingkaola'a asiangnga ana waugu i ite, tadea'u ringannu paa'asiangnge udde i yamiu maola'a ala.

SONDAPPA 2:9

I Ya'u masingkatu manga asasusanu; i Ya'u masingkata i yamiu asiangnga arawe wutte'e yamiu ala! I Ya'u masingkatu manga aal᷊uandaga apan ipangal᷊uandaga si yamiu wuassu manga taumata apan mangnga'u ririne Yahudi, wutte'e wal᷊ine; ete i mangitou udde walahannu Setanna!

YAKOBUS 2:5

Paanaunge, manga tuṛṛangnga apan arangnguanna! Taumata asiangnga su runia indi, nipilen Duata maola'a taumata ala sulal᷊ummu pangangimanna. Manga taumata udde sarun maola'a reengannu al᷊aṛṛana'u Ruata ere suete nipa'iren Duata su taumata apan mandangngu si Tou.

IBRANI 10:34

wuṛṛu i yamiu lai mammendama su sambau, asasusan taumata apan su tuttupanna. Wuṛṛu su tempo manga al᷊awo'a apan tatahuananni yamiu aṛṛoanna, i yamiu nanengkamma udde ringannu naungnga mal᷊uassa, ana waugu i yamiu masingkata manungku i yamiu ta'e uatahuanna sambau apan lembon mapia, apan mataṛṛanga saran mal᷊annu-l᷊annu.

1 TIMOTIUS 4:8

Mannarammu wadangnga tumba'u addio'a hunane, arawe mannarammu pangangimanna mahuna su al᷊awo'u inolaanna, ana waugu pia paaire su ipabbiakka tempo indi wuṛṛu tempo addantane.

FILIPI 4:4

Antimanna i yamiu sidutu lulluassa ana waugu i yamiu suete nabbiakka su sambau ringannu Mawu. Paassa lai ya'u mabbisara: lalluasse!

1 TESALONIKA 1:6

I yamiu uantantalongnga pallal᷊agun kami wuṛṛu tul᷊adan Mawu. Salaiwe i yamiu tumaniten uatataṛṛanga, i yamiu mannal᷊oho ringannu naungnga mal᷊uassa watti'a apan iwabbatti'i yami si yamiu. Al᷊al᷊uassa udde nionggolu Ghaṛṛahon Duata.

KOLOSE 3:16

Ṛinone manga al᷊aṛṛa'i Kristus apan napenen al᷊amatta umusippa sulal᷊ummu naungngu. Ṛinone i yamiu uatatantiro wuṛṛu uaaonggolu al᷊aṛṛa'a lembon apianne. Antaria'e Mazmur wuṛṛu manga daralo see manga antarin Saṛṛani; pangantarite hunan Duata ringannu apendamu aadiangkamanna sulal᷊ummu naungngu.

FILIPI 2:17

Asinungka i ya'u sarun pateanna wuṛṛu ṛaṛṛa'u maola'a ere sambau sasamba manampal᷊iu wuassu sasamban kamiu su Ruata maola'a sambau tatiala manungku i yamiu mangngimanna si Tou. Amungkangu udde atonna ṛinone maola'a aroddi, ya'u maadiangkamanna su olangnge udde wuṛṛu lulluassa suaddio'a ringanni yamiu.

ROMA 11:12

Ana waugu walahannu Yahudi nassal᷊a wuṛṛu maddiri tumuṛṛutta apulun Duata, ne manga walahanna waine nial᷊amatannu Ruata. Nangillembo lai amungkangngu paa'aukku walahannu Yahudi ringannu Ruata maola'a mapia; ne maggewal᷊anna lai al᷊amatta apan sarun ionggolu Ruata!

AMSAL 16:16

Naasomba apande mappianne marau wuassu naasomba wul᷊awanna; naasomba asingkatta maareganne wuassu naasomba sal᷊a'a.

1 PETRUS 4:13

Ewe'e ṛinone i yamiu mamendama al᷊al᷊uassa ana waugu uatataṛṛanga suaddio'a ringanni Kristus. Ne napawe awawantugi Kristus niapaal᷊iatta'a, i yamiu sarun lumuassa.

2 KORINTUS 4:7

Arawe darotongngu surga apan maṛṛamaga udde iaapiddi yami su wadangngi yami apan tawe aregane indi apan niola'a wuassu leta'a. Ringannu aroddi nilumiatta'e manungku awawantugu taṛṛino udde su Ruata wal᷊ine si yami.

2 KORINTUS 2:4

I ya'u namoṛṛettu suratta si yamiu ringannu naungnga massusa wuṛṛu ipabbawata'a wuṛṛu ringannu manambo mapaaturon allo mata. Pandumangku wal᷊ine tadea'u i yamiu masusa, arawe tadea'u i yamiu maatutukka manungku i ya'u lembon mandangngu si yamiu.

ROMA 15:13

Ete Ruata apan pangngantimanni yamiu. Sal᷊andeanna i Tou malloṛṛo naungngu ringannu al᷊al᷊uassa wuṛṛu paddarame ana waugu i yamiu mangngimanna, tadea'u ringannu taṛṛinon Ghaṛṛahon Duata i yamiu lembo mangngantimma Ruata.

ROMA 12:15

Lalluasse su sambau ringannu manga taumata apan lulluassa, wuṛṛu luaite ringanni mangitou apan lulluai.

WATTI'U MANGA RASUL 5:41

Manga rasul udde nanantangngu Mallaṛṛuungngu Agama ringannu lulluassa ana waugu Ruata suete na'ola'a si mangitou naasomba aal᷊uandaga ana waugu Mawu Yesus.

LUKAS 6:21

Lal᷊umanna'a i yamiu apan mal᷊unussa orassa indi; i yamiu sarun iapaal᷊aidda! Lal᷊umanna'a i yamiu apan lulluai orassa indi; i yamiu sarun lumagge!

MATIUS 5:4

Lal᷊umanna'a su taumata apan massusa naungnge; Ruata sarun malluassa naungngi mangitou!

1 TIMOTIUS 6:18

Paddorongke si mangitou mapaal᷊iatta'u apapia, ringannu ma'ola'a al᷊awo'u inolaanna apan mapia, masaṛṛionto'a, wuṛṛu laghune mapia.

1 TESALONIKA 5:16

Ṛinone i yamiu sidutu lulluassa,

WATTI'U MANGA RASUL 3:6

Arawe i Petrus nabbisara si tou, “I Ya'u tawe doitta sarang kadio'a. Arawe apa apan indi si ya'u, sarun ta'u ionggolla si'o: Ringannu taṛṛinon Yesus Kristus taumata Nazaret udde, amatte i'o!”

DARALO 84:11

Mappianne allo massallo su Wal᷊en-Nu sul᷊ungnge'e saṛṛiwu su tonnane su tampa waine. I ya'u mamile maola'a mandariaga ngara su Wal᷊en Duata'u sul᷊ungnge'e matana'a su wal᷊en taumata lal᷊eo.

KOLOSE 1:24

Orassa indi ya'u mal᷊uassa matataṛṛanga hunan kamiu. Ana waugu ringannu asasusan wadangku, i ya'u manuungngu apa apan ta'e ṛinone niapendamanni Kristus su jamaan-Ne, eteudde wadang-Nge.

EFESUS 3:16

I ya'u u'al᷊iomanna doronganna Ruata apan mawantuga maapulu manohassa naungngu ringannu Ghaṛṛaho-Ne.

EFESUS 3:8

Su wallatu anambon al᷊aṛṛana'u Ruata, ete i ya'u aral᷊eoanne. Arawe Ruata nangonggolu al᷊amatta indi si ya'u: Manara mammasingkatu Watti'u Al᷊al᷊uassa su taumata wal᷊ine Yahudi su ola'u paa'alan Kristus apan tawe masue;

2 KORINTUS 4:15

Sarangkanambone udde hunanu sassane. Ana waugu lembon aatambanna taumata uapendamma darangngun Duata, lembon manambo lai aal᷊iomanna apan iaal᷊iomanna su Ruata; ringannu aroddi Ruata wantuhanna.

1 KORINTUS 1:5

Ana waugu i yamiu tatahuananten Kristus, ne pabbiaṛṛanu naalate su al᷊awo'u inolaanna. Asingkannu su ola'u al᷊awo'u inolaanna udde tumanite malal᷊umma, wuṛṛu i yamiu masingkata mangaṛṛa'u apapandenu udde.

ROMA 9:2

I ya'u tumanite massusa wuṛṛu naungku uatataṛṛanga sansara

ROMA 8:32

Anang-Nge sassane tawe niakkan-Ne, ewe'e tinantilli Tou hunane si ite sarangkanambone, ṛatade i Tou tawe mangonggolu al᷊awo'u hausanna waine si ite?

WATTI'U MANGA RASUL 16:25

Iraṛṛangngo alloaranete, i Paulus wuṛṛu i Silas u'al᷊iomanna wuṛṛu mangngantarin daralo su Ruata. Manga taumata tataṛṛanganna waine lai tantal᷊anna uararingikka sitarua mangngantari.

MATIUS 5:12

Manga nabi apan nabbiakka su tempo i yamiu taambe su runia, nisansara lai ereudde. Luasse wuṛṛu lala'e, ana waugu lal᷊antakke manambonisaddia Mawu si yamiu.”

SONDAPPA 21:7

Manga taumata apan naauntunga sarun manengkama manga wawal᷊issu inolaanne udde wuassia-U. I Ya'u sarun maola'a Ruatane, wuṛṛu i tou sarun maola'a ana-U.

AMSAL 13:7

Piaddu mattanno ere taumata ala, arawe tawe darotongnge; piaddu mattanno ere taumata asiangnga, wutte'e ala marasai.