2 KORINTUS 5:7 - WUKE SUSI WATTI'U AL᷊AL᷊USASSA

⁷ Ana waugu i yami mabbiakka pinangiananne wuassu mangngimanna si Kristus, wal᷊ine pinangiananne wuassu apa apan aasiloanna,

2 KORINTUS 5:7 Referans Kwoze

2 KORINTUS 4:18

Ana waugu i yami tawe ma'innunu manga inolaanna apan aasiloanna, arawe apa apan tawe aasiloanna. Apan aasiloanna tumba'u tal᷊an kadio'a, arawe apa apan tawe aasiloanna udde mal᷊annu-l᷊annu sarangkal᷊o'engnge.

1 PETRUS 1:8

I yamiu marangngu si Tou, salaiwe dorone i yamiu tawe naasilo si Tou. Wuṛṛu i yamiu mangngimanna si Tou, manimbe orasa indi yamiu tawe maasila si Tou. Ana waugu udde i yamiu lulluassa, wuṛṛu uapaendama lal᷊ala'a apan mahewa wuṛṛu tawe iawisara.

IBRANI 10:38

Wuṛṛu pabbawala'u apan naṛṛino sarun mangngimanna wuṛṛu mabbiakka; arawe amungkangu pia wuassu wallatti mangitou apan sussoṛṛota ne i Ya'u tawe mal᷊uassa si tou.”

GALATIA 2:20

Orassa indi wal᷊inewe i ya'u mabbiakka, arawe ete Kristus apan mabbiakka sulal᷊ummu wadangku. Wiakka apan iraṛṛingi'u orassa indi eteudde mabbiakka ipangngimanna Ana'u Ruata apan marangngu si ya'u wuṛṛu buatte nanantillu watangan-Ne ana waugu i ya'u.

1 PETRUS 5:9

Roopete i tou ringannu pangangimanna apan matohassa, ana waugu i yamiu masingkata manungku manga tuṛṛangnga sansul᷊ungnga Saṛṛani apan waine su ahewallu runia uatataṛṛanga lai ere i yamiu.

1 KORINTUS 13:12

Apa apan aasiloanni ite orassa indi eteudde nassul᷊ungngu lintau mal᷊abukka su saṛṛuminanna. Arawe i ite sarun maasilo ringannu matilangnga. Orassa indi ya'u ta'e waggan sarangkanambone, arawe sal᷊immurine i ya'u sarun maasingkata sarangkanambone ere lai Ruata namasingkatu sarangkanambone su ola'u riri'u.

2 KORINTUS 1:24

I ya'u tawe mamata'i yamiu su ola'u apa apan pangimananni yamiu, ana waugu i yamiu lembo mangngimanna si Kristus. I ya'u tumba'u mammanara su sambau ringanni yamiu tadea'u i yamiu lembo lulluassa.

TAHIUL᷊E 12:9

ana waugu i yamiu taambe naasutta su wanua apan nionggolu Mawu Ruatanu si yamiu, su tampa apan botongnge pamanuanni yamiu ringannu matammuda.