2 KORINTUS 5:17 - WUKE SUSI WATTI'U AL᷊AL᷊USASSA

¹⁷ Taumata apan buatte naaukka ringanni Kristus, maola'a taumata wakku atonna-tonna. Apan tabbe nal᷊iute – sarangkanambone naola'e wakku.

2 KORINTUS 5:17 Referans Kwoze

YEHEZKIEL 36:26

Ne i yamiu Ta'u onggol᷊annu naungnga apan bakku wuṛṛu ṛingiṛṛanna apan bakku. Naungngu apan maatikka ere watu udde sarun Ta'u hantiannu naungnga apan matuṛṛutta.

YOHANES 3:3

Mawu Yesus sinumimbakka, “Pangimante, tawe saran sangkatou apan botongnge maola'a lal᷊oṛṛon araratuannu Ruata, amungkangngu i tou tawe iasungkangnga apia.”

DARALO 51:10

Wala'ewe i ya'u maddaringikka watti'u al᷊al᷊uassa, tadea'u naungnga apan niṛṛimunsang-Ngu indi lumala'a apia.

YEHEZKIEL 11:19

I mangitou sarun Ta'u onggol᷊annu naungnga apan bakku wuṛṛu pallal᷊agu apan bakku. Naungngi mangitou apan aatikke ere watu sarun Ta'u anuanna wuṛṛu Ta'u hantiannu naungnga apan matuṛṛutta si Ya'u.

GALATIA 6:15

Nisunatta ara'e tawe nisunatta udde tawe maola'a hatto. Apianne eteudde maola'a taumata wakku.

ROMA 8:1

Orassa indi tate lai ṛuumanna si mangitou apan mabbiakka su sambau ringannu Mawu Yesus.

EFESUS 2:10

Ete i ite indi riadiannu Ruata, wuṛṛu wuassi Kristus Yesus, Ruata na'ola'a si ite, tadea'u i ite mammanara manga inolaanna apan mapia apan buatte nissaddian Tou si ite.

1 KORINTUS 1:30

Ete Ruata sassane apan ma'ola'a si'o naaukka ringanni Kristus Yesus. Sulal᷊ummi Kristus i ite niola'a pande. Wuṛṛu sulal᷊ummi Tou lai Ruata na'ola'a si ite nassangkapia apia ringanni Tou, i ite niola'a al᷊aṛṛanang-Nge apan apianne, wuṛṛu napaal᷊iun kite wuassu alal᷊eo.

YOHANES 15:5

Ete i Ya'u punnu anggore, wuṛṛu i yamiu manga rannane. Taumata apan sidutu uaaukka ringang-Ku wuṛṛu I Ya'u ringanni tou, sarun mabua manambo; ana waugu amungkangngu tawe i Ya'u, i yamiu tawe maola'a apa-apa.

YEHEZKIEL 18:31

Addoa'e al᷊awo'u al᷊al᷊eo apan niola'i yamiu wuṛṛu wala'e naungnga wuṛṛu ṛingirannu mabbal᷊i wakku. Anio i yamiu ṛinone mate?

2 KORINTUS 5:21

Kristus tawe pasasal᷊ane, arawe Ruata na'ola'a si Tou uapasanna rosan kite, tadea'u i ite maaukka apia ringannu Ruata ana waugu susambau ringanni Kristus.

ROMA 7:6

Arawe orassa indi i ite tate lai aiitannu titan agama Yahudi. I ite natete wuassu tita apan dorone uaparenta si ite. I ite tate lai tumuṛṛutta ere tatuṛṛuta apan dorone, tuttuṛṛutta tita apan uawoṛṛetta. Orasa indi i ite tumuṛṛutte ringannu ta tuṛṛutta wakku apan nipantingiddu Ghaṛṛahon Duata si ite.

2 KORINTUS 5:16

Ana waugu udde, i yami tate lai manguukka taumata tumuṛṛuttu aul᷊aannu taumata. Atonna i yami suete nanguukka Kristus wuassu pahuddu taumata, arawe orassa indi tate.

YOHANES 3:5

Mawu Yesus sinumimbakka, “Atonna-tonna wisara'U indi: amungkangngu taumata tawe iasungkangnga wuassu ua'e wuṛṛu Ghaṛṛahon Ruata, taumata udde tawe mawal᷊i su reengannu walahannu Ruata.

EFESUS 2:15

Titan agama Yahudi ringannu manga parenta wuṛṛu manga atoranne buatte nipappasi Kristus tadea'u walahanna darua udde maola'a sambau walahannu taumata wakku, apan uaaukka ringanni Tou. Ringannu olangnge udde Kristus nangapiddu paddarame.

GALATIA 3:28

Sulal᷊ummu olangnge indi tate lai paṛṛalane su wallatu taumatan Yahudi wuṛṛu taumata wal᷊ine Yahudi, su wallatu allangnga wuṛṛu tawe allangnga, su wallatu esakka wuṛṛu wawine. I yamiu sarangkanambone sambau ana waugu Kristus Yesus.

YOHANES 15:2

Suapan ranna si Ya'u apan tawe mabua, pototanna, wuṛṛu ranna apan mabua, hainganna rongngane, wuṛṛu lauṛṛanna tadea'u lembo manambo lai wuane.

YOHANES 17:23

I Ya'u ringanni mangitou, wuṛṛu Iamangnga ringang-Ku; tadea'u i mangitou atonna-tonna sambau. Ne runia indi sarun maasingkatta manungku ete Iamangnga apan nandolo-U, wuṛṛu manungku Iamangnga mandangngu si mangitou ere lai Iamangnga mandangngu si Ya'u.

YOHANES 14:20

Napawe nia'omante allo udde, i yamiu sarun maasingkatta manungku i Ya'u uaaukka ringannu Iamangnga, wuṛṛu i yamiu uaaukka ringang-Ku, wuṛṛu i Ya'u uaaukka ringanni yamiu.

GALATIA 5:6

Ana waugu amungkangu i ite buatte naaukka ringanni Kristus Yesus, su ola'u tumuṛṛutta ara'e maddiri tumuṛṛutta atorannu sunatta tate maola'a sambau hatto lai. Lembon apianne tumba'u mangngimanna si Kristus, wuṛṛu udde nilumiatta'a sulal᷊ummu darangngun kite su taumata waine.

MATIUS 12:33

“Tadea'u maasomba wua apan mapia, alune ṛinone masuwukka. Amungkangngu alune maṛṛisitta, wuane lai lal᷊eo. Masuwukka ara'e maṛṛisitta alu udde asingkatanna wuassu wuane.

MATIUS 24:35

Langitta wuṛṛu runia sarun mawul᷊i, arawe wisara-U ma'oman sara mal᷊annu-l᷊annu.”

1 KORINTUS 13:11

Su tempo i ya'u ta'e al᷊aṛṛana'a, i ya'u mabbisara ere wisaran dario'a, apendangku ere apendammu dario'a, wuṛṛu ṛingiṛṛangku ere ṛingiṛṛannu dario'a. Orassa indi ya'u timmaddete, pallal᷊agu'u ere pallal᷊agun dario'a, nirammete.

2 KORINTUS 5:19

I yami namasingkata manungku sulal᷊ummi Kristus, Ruata napaaukku taumata apia ringannu watangan-Ne. Ruata na'ola'a udde ringannu tawe naṛṛingiddu pasasal᷊a apan buatte niola'u taumata su saruannu watangan-Ne. Wuṛṛu i yami suete nirolokku Ruata iapapasingkatu Watti'a udde.

YESAYA 45:17

Arawe Israel niapasal᷊amattu Mawu; asasal᷊aman-Ne sarun mattaṛṛangnga. I ya'u sarun tawe pansilianna wuṛṛu al᷊uandahanna saran mal᷊annu-l᷊annu.’ ”

2 KORINTUS 12:2

I ya'u maaillal᷊a sangkatou Saṛṛani apan mapul᷊ote appata su tonnane nal᷊iu niapaasengkengnga su tampa atanggaṛṛanne su surga. (I ya'u wagga tanne wadangnge atonna-tonna nasengkengnga ara'e tumba'u sambau aellega – tumba'u Ruata sassane masingkata.)

FILIPI 4:21

Wal᷊oa'a tabea'u su anambon al᷊aṛṛana'u Ruata apan ua'aukka ringanni Kristus Yesus. Wuṛṛu sengkamma lai tabea wuassu manga tuṛṛanga apan suaddio'a ringangku isindi.

ROMA 16:7

Wal᷊oa'a lai tabea'u si Andronikus wuṛṛu si Yunias. Itarua wuṛṛu i ya'u papapulunnu sangkatou wuṛṛu buatte niṛṛuumanna su sampunna. Tantal᷊anna i ya'u taambe nangimanna si Kristus, i mangitou doronete nangimanna. I mangitou tinumelengnga su wallattu manga rasul.

ROMA 16:11

wuṛṛu si Herodion. Iambua walahanna sambau. Aroddi lai tabea'u su manga tuṛṛangnga pangangimanna sambau su wal᷊en Narkisus.

ROMA 16:3

Wal᷊oa'a tabea'u si Priskila wuṛṛu si Akwila, manga hawe'u apan suadio'a mammanara manaran Kristus Yesus.

ROMA 16:9

Wal᷊oa'a tabea'u si Urbanus, hawen kite apan mammanara su sampunna ringanni ite ana waugu Kristus. Wuṛṛu tabea'u lai si Stakhis apan arangnguangku.

ROMA 16:10

Tabea'u si Apeles. Tatuṛṛunne si Kristus niatialante. Tabea lai su lal᷊oṛṛon bal᷊e Aristobulus,

LUKAS 5:38

Anggore apan wakku sarun ilal᷊inna su tampane apan wakku lai.