2 KORINTUS 5:15 - WUKE SUSI WATTI'U AL᷊AL᷊USASSA

¹⁵ Kristus nate ana waugu anambon taumata, tadea'u manga taumata apan wiakka, tate lai mabbiakka hunan wadangnge sassane, arawe mabbiakka hunan Kristus apan buatte nate wuṛṛu niapaawiakka apia ana waugu hunane si mangitou.

2 KORINTUS 5:15 Referans Kwoze

KOLOSE 3:1

I yamiu suete niapaawiakka apia su sambau ringanni Kristus. Ana waugu udde ṛinone i yamiu mammanara tadea'u maasomba apapia wuassu surga, suapa Kristus uaparenta ringannu Ruata.

KOLOSE 3:17

Al᷊awo'u apa apan a'olaanni yamiu ara'e sulal᷊ummu wisara, ṛinone udde olaanna wuṛṛu iwisara sulal᷊ummu arannu Mawu Yesus. Aal᷊iomante su Ruata Iamangnga ana waugu inolaannu Mawu Yesus si yamiu.

1 YOHANES 4:9

Ruata napaal᷊iatta'a manungku i Tou u'akkanni ite ringannu nandolokku Anang-Nge tinggasa sulal᷊ummu runia tadea'u i ite maasomba wiakka wuassu Anang-Nge udde.

TITUS 2:14

I Tou suete nanantillu watangan-Ne ana waugu i ite wuṛṛu ana waugu mamallosi ite wuassu al᷊awo'u al᷊al᷊eo, wuṛṛu na'ola'a si ite sambau walahanna apan nal᷊iu wuassu al᷊awo'u rosa wuṛṛu tumba'u naola'a pussa'a-Ne sassane, wuṛṛu maṛṛimadda ma'ola'a apapia.

GALATIA 5:25

Ghaṛṛahon Duata buatte nangonggola si ite wiakka apan wakku; ana waugu udde ete i Tou lai ṛinone mangatokku wiakki ite.

ROMA 12:1

Manga tuṛṛangnga! Ruata tumaniten mapia si ite. Ana waugu udde ya'u sumal᷊ande si yamiu ringannu ahewallu naungnga tadea'u i yamiu manantillu wadangngi yamiu maola'a sambau sasamba apan wiakka su Ruata sassane wuṛṛu maal᷊uassa naung-Nge. Patataṛṛamawunu su Ruata ṛinone lai aroddi.

1 PETRUS 4:6

Ana waugu udde Watti'u Al᷊al᷊uassa suete niapaasingkata lai su manga taumata nate. Pandumanne tadea'u i mangitou apan suete niparikisanna ere su ola'u wadanga – ere lai anambon taumata apan sarun parikisanna – wotongnge mabbiakka su ola'u ghaṛṛaho, tumuṛṛutta apulun Duata.

1 TESALONIKA 5:10

I Tou nate hunan kite, tadea'u su tempo i Tou rumanta apia – tanne i ite ta'e wiakka, ara'e natete – i ite wotongnge mabbiakka su sambau ringanni Tou.

ROMA 6:6

I ite masingkata manungku pallal᷊agun kite apan tabbe suete nipate su adio'a ringanni Kristus su alu arussa tadea'u taṛṛinon pallal᷊agun kite apan marosa udde niramme; ringannu aroddi i ite tate lai allangngu rosa.

SONDAPPA 1:18

Ete i Ya'u i Tou apan wiakka! I Ya'u natete, arawe pa'elege, i Ya'u wiakka saran mal᷊annu-l᷊annu. I Ya'u uataṛṛino papate, wuṛṛu su wowon runian taumata nate.

2 KORINTUS 5:16

Ana waugu udde, i yami tate lai manguukka taumata tumuṛṛuttu aul᷊aannu taumata. Atonna i yami suete nanguukka Kristus wuassu pahuddu taumata, arawe orassa indi tate.

1 KORINTUS 10:33

Pabbiakke ere i ya'u. I ya'u maddea'a mapaal᷊uassu naungngu anambon taumata wuassu al᷊awo'u inolaanna, ringannu tawe pandumanne mapaal᷊uassu riri'u sassane. Tudda'u eteudde tumba'u tadea'u i mangitou sarangkanambone wotongnge masal᷊amatta.

KOLOSE 3:23

Al᷊awo'u manara apan nionggolla si yamiu, ṛinone manaranni yamiu ringannu ahewallu naungnga, paṛṛimaunnapa eteudde Mawu apan a'imbeanni yamiu, wuṛṛu wal᷊ine tumba'u taumata.

KOLOSE 2:12

Ana waugu su tempo i yamiu nissaṛṛani, yamiu nilabbingnga su sambau ringanni Kristus; wuṛṛu ringannu sasaṛṛani udde lai yamiu niapaawiakka apia su sambau ringanni Kristus ana waugu i yamiu mangngimanna taṛṛinon Duata apan suete napaawiakki Kristus wuassu papate.

ROMA 8:6

Amungkangngu ṛingirannu paparentannu pallal᷊agun taumata, ne sombangnge udde papate. Arawe amungkangngu ṛingirannu paparentannu Ghaṛṛahon Duata, ne sombangnge eteudde mabbiakka su paddarame ringannu Ruata.

ROMA 8:2

Ana waugu titan Ghaṛṛahon Duata apan na'ola'a si ite mabbiakka su sambau ringannu Mawu Yesus Kristus apan suete napaal᷊iu'u wuassu tita apan maarosa wuṛṛu maa'ate.

YOHANES 6:57

Iamangnga apan wiakka udde, nandolo-U wuṛṛu i Ya'u lai mabbiakka sulal᷊ummu Iamangnga. Aroddi lai taumata apan umanna ṛeme-U sarun mabbiakka wuassia-U.

EFESUS 4:17

Ana waugu udde ringannu arannu Mawu, ete indi apan ta'u iwal᷊o wuṛṛu ipanohassa: ariete lai mabbiakka ere taumata apan tawe maaillal᷊a Ruata, wuṛṛu maṛṛingiddu runia indi.

2 KORINTUS 3:6

Ete i Tou apan na'ola'a si yami mappammanara su sambau paaire apan wakku; paaire apan uaantimma Ghaṛṛahon Duata, wal᷊ine su tita apan uawoṛṛetta. Ana waugu apan uawoṛṛetta udde mangngapiddu papate, arawe Ghaṛṛahon Ruata udde mangngonggolu wiakka.

ZAKARIA 10:9

Salaiwe i mangitou Ta'u isal᷊iawukka su pattangngannu manga walahanna, i mangitou sidutu uanaungnga si Ya'u poiaroddi. I mangitou sarun masal᷊amatta, aroddi lai al᷊aṛṛaanangnge wuṛṛu sarun mapul᷊e suadio'a watukku wanuane.

HABAKUK 2:4

Wuṛṛu paanaungete: Taumata apan dal᷊eo tawe masal᷊amatta, arawe taumata apan tuttuṛṛutta apulun Duata sarun mabbiakka ana waugu tatuṛṛunne su Ruata.”

EFESUS 5:14

Ana waugu anambon apa apan aasiloanna ringannu matilangnga, eteudde asasemakka. Ana waugu udde suete niwisara, “Apu'ote, i'o apan mattiilla, wuṛṛu pabbangunte wuassu papate! Kristus sarun lumansiangnga si'o.”

ROMA 8:10

Arawe amungkangngu Kristus mabbiakka sulal᷊ummu ririnu, ne salaiwe wadangngu mate ana waugu rosa, arawe Ghaṛṛahon Duata sidutu mangngonggolu wiakka si yamiu, ana waugu paa'aukki yamiu ringannu Ruata mapiate.

YOHANES 5:24

Mangke atonna manga wisara-U indi: Taumata apan madaringikka manga wisara-U wuṛṛu mangngimanna si Tou apan nandolo-U, maatahuanna wiakka tutune wuṛṛu saran mal᷊annu-l᷊annu. I tou tawe iṛṛuumanna; i tou nal᷊iute wuassu papate wuṛṛu naaba'e wiakka.

YEHEZKIEL 37:14

I Ya'u sarun maniuppu sasangngo sulal᷊ummu waddangngi mangitou tadea'u ipamiakka si mangitou, ana see i mangitou Ta'u iwala matanata'a su wanuane sassane. Ne i mangitou masingkatte manungku ete i Ya'u Mawu. I Ya'u Mawu buatte nabbisara wuṛṛu atonna sarun ma'ola'a.”

ROMA 6:2

Tawe! Rosa tate lai uataṛṛino si ite, nariaddi, ṛatadde i ite sidutu mabbiakka ringannu ma'ola'a rosa?

YEHEZKIEL 37:9

Ruata nabbisara si ya'u, “Ei taumata apan mattate, pabbisarate su anginna. Wal᷊oa'e manungku i Ya'u, Mawu Apan Atanggaṛṛanne namarenta si tou tadea'u rumanta wuassu al᷊awo'u pappi'uanne, tadea'u maniuppu sasangngo sulal᷊ummu manga waddangnga apan nate udde tadea'u i mangitou mabbiakka apia.”

YEHEZKIEL 16:6

Wua'udde sinumabbite i Ya'u wuṛṛu naasilo si'o tuttambul᷊ilinga sulal᷊ummu laikku daṛṛanu, arawe i Ya'u tawe namala i'o mate.

2 MARARATU 5:17

Ana see i Naaman nabbisara, “Amungkangu i Tuanga mangke maddiri manengkamma aonggola wuassia'u, wala'ewe i ya'u mapul᷊e mangapiddu leta'a apan wotongnge iapiddu ana'u keledai sampare. Ana waugu manattakka orassa indi, ya'u sarun mangonggolu sasamba tumba'u su Mawu, wuṛṛu tawe su mawu waine.

ROMA 4:25

Mawu Yesus udde buatte tinantilla iapapate ana waugu manga rosan kite, see i Tou niapaawiakku Ruata apia, tadea'u i ite maaukka apia ringannu Ruata.

2 KORINTUS 12:10

Nariaddi ya'u lulluassa ringannu al᷊allome'u. I ya'u lai lulluassa amungkangngu ana waugu Kristus i ya'u nial᷊uandahanna, i ya'u naasomba asasusa, a'enggenanna, wuṛṛu i ya'u naapendama sahadda. Ana waugu amungkangngu i ya'u lome, su tempo udde i ya'u naola'a matohassa.