2 KORINTUS 5:1 - WUKE SUSI WATTI'U AL᷊AL᷊USASSA

¹ Ana waugu i yami masingkata manungku amungkangngu wal᷊e – eteudde wadangnga – apan atatanaanni ite su runia indi ihohakka, Ruata sarun manaddia wal᷊en kite su surga, apan niola'u Ruata sassane wuṛṛu tawe mahohakka sarangkal᷊o'engnge.

2 KORINTUS 5:1 Referans Kwoze

1 YOHANES 3:2

Manga tuṛṛangnga apan arangnguanna! Ete i ite orassa indi al᷊aṛṛana'u Ruata, arawe ola'i ite su tempo addantane taambe natualaga. Arawe i ite masingkata manungku amungkangu Kristus rumanta, i ite sarun maola'a ere i Tou, ana waugu i ite sarun maasilo si Tou sulal᷊ummu olang-Nge apan nasuungnga.

IBRANI 9:24

Ana waugu i Kristus tawe sinumutta su Wabbo'a Susi inolaannu taumata, apan tumba'u hambarannu Wabbo'a Susi apan ṛinone. Mawu Yesus sinumutta sassane su surga; poiaroddi orassa indi i Tou uasaruanna Ruata hunane si ite.

2 KORINTUS 4:7

Arawe darotongngu surga apan maṛṛamaga udde iaapiddi yami su wadangngi yami apan tawe aregane indi apan niola'a wuassu leta'a. Ringannu aroddi nilumiatta'e manungku awawantugu taṛṛino udde su Ruata wal᷊ine si yami.

IBRANI 9:11

Arawe i Kristus suete nirumanta ere sangkatou Imam Wahewa wuassu inolaanna apan mapia wuṛṛu piate. Su Rasannu Mawu suapa i Tou mappaamattu manarane ere sangkatou Imam Wahewa eteudde rasanna apan lembon mawantuga wuṛṛu lembon nasuungnga. Udde tawe niola'u taumata; atappasanne wal᷊ine niarantanne wuassu runia apan niriaddi indi.

AYUB 4:19

Nangillembote lai riadianna sussangngo wuassu leta'a riadianna awu apan wotongnge passu'anna itaddilla ere wa'u'a!

1 PETRUS 1:4

I ite mangngantimma maatahuanna manga al᷊amatta apan suete nisaddian Duata su al᷊aṛṛanang-Nge, eteudde manga al᷊amatta apan niadone su surga, na'oman sara tawe mal᷊al᷊eo, ara'e mawukku'a ara'e mawulle.

2 KORINTUS 5:4

Su al᷊o'engngu allo i ite uatana'a sulal᷊ummu wal᷊e wuassu runia indi, i ite sussal᷊iomanna ana waugu winabbawan kite mawakkata. Wal᷊inewe ana waugu i ite maapulu mapallosa wuassu wadangngi ite, apan wuassu runia indi, ana waugu i ite maapulu mappaattu wadangnga wuassu surga udde, ana see wadangngi ite apan wotongnge mate indi pia taṛṛino apan wiakka.

PANDARIADDI 3:19

I'o sarun mammanara ringannu masaha-sahadda wuṛṛu ringannu liaha i'o mammanara leta'a indi tadea'u pia gessine, maddatingngu i'o mabbelengnga su leta'a, ana waugu ete wuassu leta'a i'o niola'a. I'o niola'a wuassu leta'a, wuṛṛu sarun mabelengnga apia su leta'a.”

MARKUS 14:58

“I yami naaringikka taumata indi mabbisara, ‘I Ya'u sarun manggohakku Wal᷊e Ruata indi apan suete niola'u taumata, wuṛṛu napawe tallute allo i Ya'u sarun mapararisikku waine lai, apan wal᷊ine niola'u taumata.’ ”

2 PETRUS 3:11

Ana waugu sarangkanambone udde sarun ṛimunsaanna ringannu olangnge apan aroddi, ereapate ṛinone i yamiu mabbiakka? I yamiu mabbiakka susi wuṛṛu hunane tumba'u su Ruata sassane,

KOLOSE 2:11

Ana waugu uaaukka ringanni Kristus, i yamiu suete nisunatta, wal᷊ine ringannu sunatta apan niola'u taumata, ewe'e sunatta apan niola'i Kristus, apan namallosi yamiu wuassu taṛṛinon pallal᷊agu apan marosa.

1 YOHANES 3:19

Aroddiwe olangnge i ite maasingkatta manungku i ite nareengnga al᷊aṛṛana'u Ruata apan atonna, wuṛṛu naungngi ite wotongnge matammuda su saruannu Ruata.

1 YOHANES 3:14

I ite masingkata manungku i ite nal᷊iute wuassu papate, wuṛṛu nabbiakke apia. I ite masingkatu udde, ana waugu i ite u'akkannu sansul᷊ungngu taumata. Taumata apan tawe umakkana, atappasanne ta'e tataṛṛinoannu papate.

IBRANI 11:10

Ana waugu i Abraham tantal᷊anna uaraṛṛaddo soa apan ilakki'inna wuṛṛu iapararisikku Ruata ringannu rapappake apan matohassa.

1 KORINTUS 3:9

Ete i yami udde manga taumata apan mammanara suadio'a manaran Duata; wuṛṛu eteudde i yamiu waillu Ruata. Manga tuṛṛangnga naola'a lai Wal᷊e Ruata.

DARALO 56:9

I'o mandeengngu manga allo i ya'u mammal᷊intadda, wuṛṛu masingkattu anambon allon mata'u; Apa I'o tawe mandeengnga?

AYUB 30:22

I ya'u niwala-Nu itattalla'u anginna; sulal᷊ummu anginna ma'ikkatta i ya'u ipallal᷊ombo-Nu.

2 TIMOTIUS 1:12

Ana waugu udde i ya'u natataṛṛangu sarangkanambone indi, arawe i ya'u sidutu mangngimanna, ana waugu i ya'u masingkata atonna, isai apan pangimanangku. I ya'u mangantimma manungku apa apan suete nitantilli Tou si ya'u, i Tou lai wotongnge maariaga udde saran Allon Kiamatta.

YESAYA 38:12

Niawa'u nabbassute, nia'omante papate'u, naal᷊ihidda rasannu mallal᷊u'adda winatangnga nihohakka; naal᷊ihidda mal᷊aṛṛenessa nipototta wuassu pandaraddu'anne; su sunna'u Ruata sarun manginsue pabbiaṛṛangku.

WATTI'U MANGA RASUL 7:48

Ewe'e Ruata lembon ahewal᷊anne tawe matana'a su wal᷊e apan niola'u taumata; ana waugu su Wuke Nabi uawoṛṛetta arendi,