2 KORINTUS 4:7 - WUKE SUSI WATTI'U AL᷊AL᷊USASSA

⁷ Arawe darotongngu surga apan maṛṛamaga udde iaapiddi yami su wadangngi yami apan tawe aregane indi apan niola'a wuassu leta'a. Ringannu aroddi nilumiatta'e manungku awawantugu taṛṛino udde su Ruata wal᷊ine si yami.

2 KORINTUS 4:7 Referans Kwoze

2 KORINTUS 5:1

Ana waugu i yami masingkata manungku amungkangngu wal᷊e – eteudde wadangnga – apan atatanaanni ite su runia indi ihohakka, Ruata sarun manaddia wal᷊en kite su surga, apan niola'u Ruata sassane wuṛṛu tawe mahohakka sarangkal᷊o'engnge.

1 KORINTUS 1:28

Ruata namile apa apan aellehanna mawawo, asiangnga, wuṛṛu lai sassunannu runia indi tawe gunane, tadea'u Ruata maṛṛimunsa'a apa apan aellehannu runia indi apianne.

KOLOSE 2:3

Ete Kristus apan nani'attu al᷊awo'u apande wuṛṛu asingkattu Ruata apan dorone uawuni.

LAL᷊ALLU 4:2

Dorone manga saṛṛen tumuwo su Soa Sion ere wul᷊awanna apan maarega, arawe orassa indi naola'e ere wensadda wuassu leta'a.

KOLOSE 1:27

Su al᷊aṛṛanang-Nge udde Ruata maapulu mapaal᷊iatta'a aroddi apiane wuṛṛu awantuge addapinge udde su anambon walahannu taumata. Addapinge eteudde: Kristus udde sulal᷊ummu wadangu, atappasanne i yamiu lai sarun maapendamma awawantugu Ruata.

EFESUS 3:8

Su wallatu anambon al᷊aṛṛana'u Ruata, ete i ya'u aral᷊eoanne. Arawe Ruata nangonggolu al᷊amatta indi si ya'u: Manara mammasingkatu Watti'u Al᷊al᷊uassa su taumata wal᷊ine Yahudi su ola'u paa'alan Kristus apan tawe masue;

2 KORINTUS 10:10

Taumata mabbisara, “Manga suratti Paulus udde maṛṛagissa wuṛṛu maṛṛaubba, arawe amungkangngu i tou sassane udde su pattangnganni ite, naungnge masaṛṛionto'a wuṛṛu manga wisarane tawe atappasanne saran kadio'a!”

MATIUS 13:44

“Napawe Ruata mamarenta, olangnge ere sasumandingnga indi: Pia darotongnga uaal᷊i su leta'a see niabaannu sangkatou taumata, wuṛṛu niaddo apia su leta'a. Wua'udde ana waugu lulluassa, taumata udde inaite nabbal᷊u'u al᷊awo'u darotongnge, see nabelengke wuṛṛu namalli leta'a udde.”

2 TIMOTIUS 2:20

Sulal᷊ummu wal᷊e apan wahewalla pia al᷊awo'u saranapa. Piaddu niola'a wuassu sal᷊a'a ara'e, wul᷊awanna, arawe piaddu lai wuassu alu ara'e leta'a. Pia ipappaatta su pandumanna apan mawantuga, wuṛṛu pia lai ipappaatta su tudda inanaramanna.

2 KORINTUS 4:1

I yami ma'ola'a manara indi ringannu ahewallu naungngu Ruata. Ana waugu udde i yami tawe mangillol᷊o.

KOLOSE 2:12

Ana waugu su tempo i yamiu nissaṛṛani, yamiu nilabbingnga su sambau ringanni Kristus; wuṛṛu ringannu sasaṛṛani udde lai yamiu niapaawiakka apia su sambau ringanni Kristus ana waugu i yamiu mangngimanna taṛṛinon Duata apan suete napaawiakki Kristus wuassu papate.

AYUB 4:19

Nangillembote lai riadianna sussangngo wuassu leta'a riadianna awu apan wotongnge passu'anna itaddilla ere wa'u'a!

1 TESALONIKA 1:5

Ana waugu i yami namasingkatu Watti'u Al᷊al᷊uassa si yamiu wal᷊ine tumba'u ringannu wisara, arawe lai ringannu taṛṛino wuṛṛu Ghaṛṛahon Duata. Wuṛṛu i yami mangngimanna atonna atatul᷊iddu Watti'u Al᷊al᷊uassa udde. I yamiu masingkata ereapa i yami mabbiakka ana waugu i yamiu su tempo i yami uatana'a su pattanganni yamiu.

EFESUS 2:5

na'oman sara su tempo i ite ta'e nate sulal᷊ummu ghaṛṛaho ana waugu manga lal᷊awangngi ite, i Tou napaawiakki ite apia su sambau ringanni Kristus. Nariaddi tumba'u apapia naungngu Ruata i yamiu naasomba asasal᷊amatta.

2 KORINTUS 13:4

Atonna su tempo i Tou niarussa, i Tou lome, arawe orassa indi i Tou mabbiakka ringannu taṛṛino Ruata. I yami lai lome sulal᷊ummu wiakki yami apan uaaukka ringanni Kristus, arawe napawe sumaruanna si yamiu, i yami lai matohassa su sambau ringanni Kristus ana waugu taṛṛinon Duata.

MAL᷊AṚṚUUNGNGA 7:2

Mawu nabbisara si Gideon, “Tantaranu tumaniten manambo. I Ya'u maddiri mangonggolu auntunganna si yamiu su taumatan Midian, ana waugu antahanna i mangitou maṛingidda, manungku i mangitou naauntunga ana waugu atatohassi mangitou sassane, na'oman sara i mangitou tawe maddalo si Ya'u.

2 KORINTUS 6:10

Salaiwe naungngi yami massusa, arawe i yami sidutu lulluassa lai. I yami aellehanna asiangnga, arawe i yami suete napaa'alan taumata nambo. I yami aellehanna tawe darotongnga, arawe su ṛinone i yami uatahuanna sarangkanambone.

MATIUS 13:52

See Mawu Yesus nabbisara, “Ana waugu udde manga hurun agama apan suete naola'a lal᷊oṛṛon araratuannu Ruata, udde ere sangkatou tatahuannu wal᷊e apan mappasabangngu darotongnge wakku wuṛṛu tabbe, wuassu pangadoanne.”

AYUB 10:9

Naungete manungku wuassu awun leta'a I'o na'ola'a si ya'u! Ṛatadde I'o na'ola'a apia si ya'u nabbal᷊i awu?

AYUB 33:6

Su Ruata, i'o wuṛṛu i ya'u tawe paṛṛalane wuassu leta'a abbi iaddua niolang-Nge.

YOHANES 16:33

Sarangkanambone indi iwabal᷊o-U si yamiu, tadea'u i yamiu maasomba al᷊al᷊uassa ana waugu su sampunna ringang-Ku. Su runia i yamiu sarun matataṛṛangnga. Arawe siddutu'a naungngu! I Ya'u suete napaarugin runia!”

1 TESALONIKA 4:4

Suapan esakka su wallatti yamiu ṛinone maasingkata ereapa mabbiakka ringannu awingnge wuṛṛu ringannu inolaanna apan maal᷊uassa naungngu Ruata wuṛṛu taumata.