2 KORINTUS 4:6 - WUKE SUSI WATTI'U AL᷊AL᷊USASSA

⁶ Ruata mabbisara, “Ṛinone wuassu lal᷊ummu ararandumma sumabangnga asasemakka,” Ruata lai apan napaasabangngu semakka wuassu lal᷊ummu naungngi ite, tadea'u ṛingiṛṛanni ite masemakka ipassunna awawantugu Ruata apan lullansiangnga su hatin Kristus.

2 KORINTUS 4:6 Referans Kwoze

YESAYA 60:2

Runia nioossu ararandumma, manga walahanna tataapannu ṛabbi wasa; arawe asasemakku Mawu sarun dumanta si'o, semakku daranta-Ne nilumiatta'a si'o.

PANDARIADDI 1:3

Ruata nabbisara, “Ariadite asasemakka!” Ana see piate asasemakka.

1 PETRUS 2:9

Arawe i yamiu udde walahanna apan niapile, manga imam apan mangngimbe ratu, walahanna naukkassa, tumba'u hunan Duata, walahannu Duata sassane. Ruata namile si yamiu wuṛṛu namaggo si yamiu sinumabangnga wuassu araranduma sumutta su asasemakke apan mal᷊endappa ringannu pandumma tadea'u i yamiu mamasingkatu watti'a su ola'u manga inolaan-Ne apan wahewalla.

2 PETRUS 1:19

Ana waugu udde i yami lembon mangngimanna lai tanatan Duata apan ipaasingkatu manga nabi. Mappianne i yamiu mangngimanna tanata udde, ana waugu tanata udde ere sol᷊o apan mannemakka tampa marandumma madatingngu matannallo sumabbanga, wuṛṛu semakku aṛṛusuallo manemakka lal᷊ummu naungngu.

EFESUS 5:8

I yamiu sassane dorone sulal᷊ummu ararandumma. Orassa indi yamiu naola'e al᷊aṛṛana'u Mawu, nariaddi yamiu orassa indi sulal᷊ummu asasemakka. Ana waugu udde i yamiu ṛinone mabbiakka sulal᷊ummu asasemakka.

2 KORINTUS 4:4

Monganna lal᷊eo apan uaparenta runia indi nakkapingnga ṛingirannu manga taumata apan tawe mangimanna udde. Monganna apan sidutu mannal᷊are si mangitou tadea'u i mangitou tawe maasilo semakka wuassu Watti'u Al᷊al᷊uassa udde, su ola'u awawantugi Kristus, apan naola'a lihiddu Ruata.

YESAYA 40:5

Ne awawantugu Mawu sarun iapal᷊iatta'a; anambon umattu taumata sarun maasilo. Atonna, Mawu sassane buatte naddiandi!”

IBRANI 1:3

Ete i Tou apan napaatualagu awawantugu Ruata apan lullendapa; ete i Tou hambarana apan masemakka wuassu wadangu Ruata sassane. Ete i Tou lai apan mammadul᷊i pa'a'aukku ul᷊ilim pati'uppa indi ringannu ṛengetan-Ne apan lembon mataṛṛino. Napawe i Tou suete namalan taumata nipallosa wuassu manga rosa mangitou, i Tou inuma'ianna su adderan araratuanna su surga su sambau ringannu Ruata, tembonanne apan atanggaṛṛanne.

2 KORINTUS 3:18

Orassa indi hatin kite tawe lal᷊indumannu tatindunga wuṛṛu i ite mangngapiddu awawantugu Mawu Yesus. Wuṛṛu ana waugu udde i ite sidutu wal᷊uanna maola'a ere i Tou; mallannu i ite maola'a mawantuga. Awawantuga udde wuassu Ghaṛṛaho, wuṛṛu Ghaṛṛaho udde eteudde Mawu.

YOHANES 11:40

Mawu Yesus nabbisara si Marta, “Wal᷊inewe suete niwal᷊o-U si'o: amungkangngu i'o mangngimanna, i'o sarun maasilo aroddi ahewalle taṛṛinon Ruata!”

YESAYA 45:7

Ete i Ya'u apan nandiaddi asasemakka wuṛṛu ararandumma, i Ya'u mandatan al᷊amatta wuṛṛu asasilaka. Ete i Ya'u Mawu apan na'ola'a sarangkanambone udde.

KOLOSE 1:15

Eteudde Kristus hambaranna apan matualaga wuassu watangannu Ruata apan tawe asiloanna; eteudde Kristus Ana'a pahul᷊une, apianne wuassu manga al᷊awo'u inolaanna.

EFESUS 1:17

I ya'u sussal᷊ande tadea'u Ruatan kite Yesus Kristus, Iamangnga apan mawantuga, mangonggolu Ghaṛṛaho-Ne si yamiu. Ghaṛṛaho udde sarun ma'ola'a si yamiu pande, wuṛṛu sarun mapaal᷊iatta'u Ruata si yamiu na'oman sara i yamiu maaillal᷊a si Tou.

YOHANES 1:14

Ṛengetanna naola'e taumata, I Tou uatana'a su wallatti ite, wuṛṛu i ite suete naasilo awawantu-Ge. Awawantuga udde suete sinengkammi Tou Ana'u Iamangnga tinggassa. Sulal᷊ummi Tou i ite naasilo Ruata wuṛṛu darangngu-Ne si ite.

DARALO 90:16

Pal᷊iatta'e manara-Nu si yami manga allang-Ngu, wuṛṛu taṛṛino-Nu apan maṛṛamaga su papapulunni yami.

DARALO 63:2

Oh Ruata, ete I'o Ruata'u, i ya'u maddea'a wuṛṛu laṛṛintulu'u I'o. Naal᷊ihidda leta'a maṛṛasa maroun kua'e, aroddi lai i ya'u maroun Mawu.

1 PETRUS 1:12

Su manga nabi udde Ruata namasingkata manungku apa apan a'olaanni mangitou, wal᷊ine hunane si mangitou, ewe'e hunane si'o; eteudde manga inolaanna apan orassa indi aaringiṛṛani yamiu ringannu masemakka wuassu mabbawatti'u Watti'u Al᷊al᷊uassa su ola'i Yesus Kristus. I mangitou namasingkatu manga olangnge udde si yamiu ringannu taṛṛino Ghaṛṛahon Duata apan niapaapida wuassu surga. Wuṛṛu lai manga mala'ekatta maapulu lai maasingkata watti'a apan iapaasingkati mangitou udde.

FILIPI 2:6

Su pinangiananne i Tou nassul᷊ungngu Ruata, arawe i Tou tawe mamendamma manungku olang-Nge ere Mawu udde ṛinone matatana'a aroddi si Tou.

YOHANES 12:41

Yesaya nabbisara aroddi ana waugu i tou suete naasilo awawantugu Mawu Yesus wuṛṛu nabbatti'a su ola'i Tou.

DARALO 74:16

I'o apan nandiadi allo wuṛṛu ṛabbi, wuṛṛu nangatokku tampan matannallo wuṛṛu wul᷊anna.

LUKAS 10:22

Sarangkanambone suete tinantillu Iamangnga si Ya'u. Tawe saran sangkatou ma'aillal᷊a Ana'a tumba'u Iamangnga. Tawe saran sangkatou maaillal᷊a Iamangnga tumba'u Ana'a, wuṛṛu su manga taumata ete sisai Ana'a udde iapaasingkattu Iamangnga.”

YESAYA 35:2

Wadda'u anne tattuwoanne ringannu mal᷊ihakka, wuṛṛu mangngantari ringannu aantarine. Araṛṛamage ere wowon Libanon, saṛṛene ere wawal᷊annu Karmel wuṛṛu Saron. Ne suapan taumata sarun maasilo taṛṛino Mawu, wuṛṛu awawantugu Ruatan kite.

WATTI'U MANGA RASUL 26:18

tadea'u i mangitou sumabangnga wuassu ararandumma wuṛṛu sumutta su asasemakka; tadea'u i mangitou mal᷊iu wuassu wawono'u Setanna, see mangngimante Ruata. Ne ringannu mangngimanna si ya'u, manga rosa mangitou sarun ampunganna wuṛṛu i mangitou sarun mareengnga su walahannu Ruata apan suete nipile.’ ”

1 KORINTUS 12:8

Su sangkatou taumata, Ghaṛṛaho udde mangngonggolu apande ipabbisara ringannu saṛṛaungnga. Su taumata waine Ghaṛṛaho apan uasul᷊ungnga udde mangngonggolu apande ipanal᷊a'a su ola'u Ruata.

2 KORINTUS 2:10

Amungkangngu i yamiu mangampunga taumata apan buatte nassal᷊a si yamiu, ne i ya'u lai mangampunga taumata udde. Ana waugu apa apan buatte niampungangku – amungkangngu atonna ta'e pia apan ta'u ampunganna – udde ampungangku su saruanni Kristus maola'a apapian kamiu.

EFESUS 1:18

I ya'u sumal᷊ande tadea'u Ruata mamu'a ṛingiṛṛannu ma'oman sara maola'a masemakka; tadea'u i yamiu maasunna apa apan aantimanni yamiu wuassu Ruata apan namago si yamiu. Wuṛṛu lai tadea'u i yamiu maasingkata aroddi anambone al᷊amatta apan maṛṛamaga apan suete nissaddia Ruata su al᷊aṛṛanang-Nge;

1 TESALONIKA 2:12

I yami mannantiro si yamiu, i yami mangngonggolu sasasa si yamiu wuṛṛu i yami mammata'a tadea'u i yamiu mabbiakka aroddi olangnge ma'oman sara maal᷊uassa naungngu Ruata. Ana waugu Ruata suete namaggo si yamiu maola'a lal᷊oṛṛon Dunia Wakkun Duata wuṛṛu mamendamma awawantu-Ge.

IBRANI 6:4

Ana waugu, manga taumata apan suete nassinaadu Ruata, tate wotongnge aṛṛaanna apia. I mangitou dorone sulal᷊umpen asasemakka wuassu Ruata, wuṛṛu suete naatemma aonggolu Mawu. I mangitou lai suete niintaṛṛoannu Ghaṛṛahon Ruata.