2 KORINTUS 4:11 - WUKE SUSI WATTI'U AL᷊AL᷊USASSA

¹¹ Su al᷊o'engngu allo i yami mabbiakka, i yami sidutu ia'umpangngu papate ana waugu Kristus, tadea'u ringannu aroddi wiakki Kristus lai wotongnge lumiatta'a su wadangngi yami apan marosa indi.

2 KORINTUS 4:11 Referans Kwoze

1 KORINTUS 15:49

Su ereapa i ite orassa indi eteudde naal᷊ihida si Adam apan niola'a wuassu leta'a, ne i ite sarun mattingkaola'a ere i Tou apan nirumanta wuassu surga udde.

ROMA 8:36

Sulal᷊ummu Wuke Susi uawoṛṛetta arendi, “Su al᷊o'engngu allo i yami mabbiakka uasaruanna papate ana waugu I'o Mawu. I yami niola'a naal᷊ihida ere domba apan ṛatante.”

DARALO 44:22

Ruata sarun maasingkata, ana waugu i Tou maatutukka addapingu naungngi yami.

2 KORINTUS 5:4

Su al᷊o'engngu allo i ite uatana'a sulal᷊ummu wal᷊e wuassu runia indi, i ite sussal᷊iomanna ana waugu winabbawan kite mawakkata. Wal᷊inewe ana waugu i ite maapulu mapallosa wuassu wadangngi ite, apan wuassu runia indi, ana waugu i ite maapulu mappaattu wadangnga wuassu surga udde, ana see wadangngi ite apan wotongnge mate indi pia taṛṛino apan wiakka.

1 KORINTUS 15:31

Manga tuṛṛangnga! Miallo-miallo i ya'u uatataṛṛanga asasusa, ana waugu i ya'u lulluassu pabbiaṛṛani yamiu, ana waugu i yamiu nangimante si Kristus Yesus, Mawung kite.

ROMA 8:11

Amungkangngu Ghaṛṛahon Duata apan napaawiakki Kristus wuassu papate, mabbiakka sulal᷊ummu ririnu, ne i Tou apan napaawiakki Kristus wuassu papate udde, mapaawiakku ririnu lai apan wotongnge mate udde. I Tou na'ola'a udde ringannu Ghaṛṛaho-Ne apan mabbiakka sulal᷊ummu ririnu.

DARALO 141:7

Manga duṛṛin kite sarun isal᷊iawukka su winggin labbinga naal᷊ihidda sambau watu niṛṛimunsa'a su leta'a.

2 KORINTUS 4:10

Sidutu i yami uapendama papate Mawu Yesus su wadangngi yami, tadea'u pabbawiak-Ke lai lumiatta'a su wadangngi yami.

2 KORINTUS 4:12

Indi atappasanne manungku sulal᷊ummu wadangngi yami papate tantal᷊anna mappaamattu taṛṛinone, arawe i yami lulluassa, manungku ete wiakka apan tantal᷊anna mammanara sulal᷊ummu wadangngu.

2 KORINTUS 6:9

I yami sassunnanna taumata awagananna, arawe i yami asingkatannu awadaalla. I yami sassunnanna nate, arawe wutte'e i yami ta'e wiakka. Salaiwe i yami sassansaranna, i yami tawe nate.