2 KORINTUS 4:1 - WUKE SUSI WATTI'U AL᷊AL᷊USASSA

¹ I yami ma'ola'a manara indi ringannu ahewallu naungngu Ruata. Ana waugu udde i yami tawe mangillol᷊o.

2 KORINTUS 4:1 Referans Kwoze

2 TESALONIKA 3:13

Arawe i yamiu arie paawusa ma'ola'a apapia.

GALATIA 6:9

Ana waugu udde arie i ite mawusa ma'ola'a manga inolaanna mapia; ana waugu amungkangu i ite tawe illol᷊one mammanara manara udde su paassa i ite sarun mangitingnga wuane.

EFESUS 3:13

Ana waugu udde darorongku eteudde: arie paasinggawangnga su ola'u asasusa'u indi ana waugu i yamiu, ana waugu sarangkanambone udde hunan apapianu.

FILIPI 4:13

Ringannu taṛṛino apan nionggoli Kristus si ya'u, i ya'u pia atatohassa sumaruanna al᷊awo'u asasusa sarangkanambone.

2 KORINTUS 4:16

Ana waugu udde i yami tawe mangillol᷊o. Salaiwe sulal᷊ummu wadangngi yami al᷊al᷊eo aatambanna, arawe su pangangimanna i yami a'olaanna wakku su miallo-miallo.

SONDAPPA 2:3

I yamiu masabare wuṛṛu i yamiu uatataṛṛanga ana waugu i Ya'u, wuṛṛu naungngi yamiu tawe maadio'a.

IBRANI 12:3

Annama'a ṛingira'a ereapa asasusane Mawu Yesus sinumaruanna manga taumata marosa apan nilumawangnga si Tou aroddi al᷊aṛṛage! Ana waugu udde arie maadio'a naungngu wuṛṛu mallome.

2 KORINTUS 3:6

Ete i Tou apan na'ola'a si yami mappammanara su sambau paaire apan wakku; paaire apan uaantimma Ghaṛṛahon Duata, wal᷊ine su tita apan uawoṛṛetta. Ana waugu apan uawoṛṛetta udde mangngapiddu papate, arawe Ghaṛṛahon Ruata udde mangngonggolu wiakka.

1 PETRUS 2:10

Dorone i yamiu wal᷊ine walahannu Ruata, arawe orassa indi yamiu nareengke al᷊aṛṛana'u Ruata. Dorone i yamiu tawe rangnguannu Ruata, arawe orassa indi yamiu manengkamma darangngu-Ne.

1 TIMOTIUS 1:13

salaiwe dorone i ya'u mangngal᷊uandaga wuṛṛu mandal᷊eo see mangngadio'a si Tou. Arawe Ruata marangngu si ya'u, ana waugu su tempo udde i ya'u taambe nangimanna, nariaddi ya'u wagga apa apan a'olaangku.

2 KORINTUS 5:18

Sarangkanambone udde nimmanara Ruata. Sulal᷊ummi Kristus napaa'aukki ite apia ringanni Tou, see nandolokki ite tadea'u manga taumata waine wotongnge lai pia paa'aukka ringannu Ruata.

2 KORINTUS 3:12

Ana waugu i yami uatahuanna antimma ereudde, ne i yami waṛṛani mabbisara aroddi.

1 KORINTUS 7:25

Orassa indi su ola'u manga taumata apan taambe naawingnga. Su ola'u hatto udde, i ya'u tawe naasengkamma parenta wuassu Mawu. Arawe su manga taumata ana waugu al᷊amattu Mawu wotongnge pangimananna, i ya'u maapulu mangonggolu tatantiro'u.

YESAYA 40:30

Manga umbasanna maṛṛuala nallome wuṛṛu nal᷊otakka manga dario'a nanawo nal᷊iundu'a.

YESAYA 40:31

Arawe taumata apan mangunsandakka su Mawu, sarun maasomba atatohassa wakku. I mangitou naal᷊ihidda manu'a rajawali apan tuttalla'a matanggakka ringannu atatohassu papaidde. I mangitou tuttal᷊angnga wuṛṛu tawe maapendamma mal᷊otakka, i mangitou u'amatta wuṛṛu tawe mabbal᷊i mallome.

YEREMIA 45:3

i'o sussal᷊iomanna arendi, ‘Ah, soewe eteapa i ya'u indi! Asasusa'u tumanite manambo, wuṛṛu Mawu nanamba apia ringannu asasansara. I ya'u nal᷊otakke sussal᷊iomanna, tawe atatamudda sarang kadio'a!’

LUKAS 18:1

Wua'udde Mawu Yesus nabbati'u sambau sasumandingnga ipangaṛṛa'a manga mallal᷊aṛṛenggen-Ne tadea'u i mangitou sidutu u'al᷊iomanna wuṛṛu tawe ma'adio'a naungnge.

1 KORINTUS 3:5

Su ṛinone isai Apolos udde? Wuṛṛu isai Paulus? I yami tumba'u mangangimbe Ruata, apan suete nangehetta si yamiu see mangngimanna si Kristus. I yami tumba'u mappaamattu manara apan nirolokku Mawu si yami sangkatou-sangkatou.